2015-04-12 ,歐洲2隻選擇 （荷蘭 / 法國)

PiTA

揀巴黎馬拉松，因為:
1 論規模，佢係世界上第二大嘅馬拉松賽事
2 比賽路線沿途風景夠吸引 (巴黎鐵塔 + 凱旋門 + 香舍麗謝大道 + 塞納河 + 協和廣場 + …… 數之不盡！)
3 交通方便 (鹿特丹係無國際機場㗎！)
4 巨型馬拉松expo (規模仲大過香港嘅書展/動漫展)
5 巴黎多嘢睇，自己安排嘅賽前/賽後節目一定會豐富過鹿特丹
6 同無跑長跑嘅人講，話你去巴黎跑馬拉松，一定羨慕死人。鹿特丹？人哋可能會問番你嗰度係喺大陸邊一個省。

揀鹿特丹馬拉松，因為 :
1 規模細過巴黎，所以參賽者都少啲 => 無咁迫人
2 大會support應該會做得好過巴黎 (巴黎馬拉松祗係喺21km & 終點至提供sports drink , 如果你想每個水站都有，你可能要好似啲職業跑手咁個別同大會安排)
3 整體消費 (報名費+機票+酒店+日常開支)可能會比巴黎平少少
4 荷蘭人見你係東方人，會樂意同你講英文。巴黎人就會當你係越南人(法國以前嘅殖民地)，繼續同你講法文

總結 : 我都係會揀巴黎。 Paris, je t'aime !

PiTA

講漏咗 : 要揀巴黎馬拉松嘅話，參加者就一定要有醫生紙。你要喺哋官方網站print咗指定嘅form俾你嘅醫生簽名。而鹿特丹就唔使出示醫生紙。

看似好煩，但其實你去揾任何一個私家醫生，只要你解釋清楚張form嘅用意，佢都應該可以幫到你。如果時間許可嘅話，最好就夾啱喺比賽前好幾個月，當你有小毛病 (eg., 傷風，腸胃痛)要睇醫生時，同醫生一次過搞掂埋呢張form, 咁就唔使再特登花時間 & 錢去問佢攞！