2015.09.25-26 2015香港超級馬拉松100公里賽暨活力葵青盃

bunbun

www.ultramarathon.hk

星島日報        2015-07-22

100公里超級馬拉松九月首辦        

若嫌四十二公里的全馬不「夠喉」，長跑發燒友不妨參加全港首屆一百公里超級馬拉松賽，挑戰個人極限！香港超級馬拉松協會將在九月二十五日起，一連兩日舉辦一百公里、五十公里及團隊三小時接力賽，適合有超長途跑步經驗者突破自我，運動員佳績將列入國際超級馬拉松協會（IAU）官方紀錄。

限時13小時

全港首場一百公里馬拉松將在葵青運動場舉行，比賽分為一百公里、五十公里個人賽，以及六人一隊的三小時接力賽，下月一日公開接受報名。

最受矚目的一百公里賽在九月二十五日早上九時舉行，比賽限時十三小時，適合有超級馬拉松經驗者參加，名額為一百人；與全馬距離相近的五十公里賽事則在當天下午四時舉行，限六小時完成，適合有全馬經驗或已接受系統訓練的半馬參加者，名額為三百人。六人一組的接力賽於九月廿六日早上八時舉行，每名隊員跑半小時，最後以全隊三小時總跑步距離最多者取勝，屆時有一百二十支隊伍爭奪殊榮。

首天賽事參與人數衆多，下午至晚上估計有近四百人圍繞運動場奔跑。主辦單位透露，屆時一號至三號跑道將為一百公里賽事所用，而五至八號跑道則是五十公里較量場，中間的四號跑道不會開放，只擺放「雪糕筒」分流跑手，又謂雖然兩項賽事同時舉行，但觀乎今年一月舉辦的超馬接力賽秩序良好，不憂慮人流過多發生碰撞。

噴水風扇降溫

為使賽事達到高水平，主辦單位將邀請二十四名來自海外、內地及台灣超馬好手參賽，與本港跑手同場競技。協會主席郭豐州預料，優秀跑手有望在一百公里賽事締造六小時四十分鐘的成績，但天氣炎熱或影響發揮，大會將在跑道旁放置數十把噴水風扇，為跑手降溫。實習記者 陳穎森

小叻

奇事陸續有…
朋友講葵青杯主辦單位出email要求歸還對已送出的跑鞋，佢係無完成50k但頭50內… 好攪笑… ^_^
比我係主辦單位，自己出錯，會賣大包，送晒比所有差唔多完成或有爭議跑手。贊助又唔駛佢出錢，而家好小家，so cheap~ ^~^!

小叻

shogikin 發表於 2015-9-29 17:36
開了 賽後投票, 歡迎大家 集中那邊討論.
因為 投票有得分表  
比賽的好壞 一目了然

唔該堅堅，大家講得興起… ^_^

小叻

請問大家參加完呢個比賽, 有無好大問題?
無投票區, 所以呢度寫, 請大家以後小心選擇賽會!

當日大會晶片計時出錯，地氈常detect唔到，計少咗圈，小叻40圈之前跑多咗起碼1次，61圈跑咗2次，88圈跑咗起碼3次…
50k計時系統在開賽後4個半鐘直情停頓咗，明明好多人跑多咗，但大會唔認數，亦都唔想辦法補救，裁判完全唔肯check返紀錄，佢答太多人無可能現場check，之後仲要串返人，話肯定我無完成，真係第一次見~ 據聞有前列跑手跑多咗20個圈, 勉強計佢完成!

其實計時和公平公正地比賽係每個賽事的最基本要求，如果咁都做唔到，sorry，大會真係無資格攪比賽。

當日有選手在選手自行補給區偷咗我半支保礦力和半支可樂，我放咗入自己no.和名的袋入面，仲要有個盒裝住… 個賊仔飲晒剩返2個空樽喺隔離位，超級無品… 如果係下午好熱時, 我無晒野飲真係死得…

因跑極都未到，第一次比賽跑到無晒心機，當我知道88跑咗起碼3次，完全減晒速… 直情想喊囉~(>_<)
旁邊仲聽到有花生友觀眾話，橫掂你地都係百幾二百個圈係咁跑㗎啦，跑多咗有咩所謂~ 我即時講，你跑丫笨?!

第二日幫公司跑接力，繼第1日的比賽，小叻對呢個賽事計時和裁判都完全無期望，萬料不到今日又lai第二樣野。
明明完賽前終點有人嗌咪，話完咗3小時的最後一棒運動員，要跑埋last lap，返終點交棒比大會先算完成，正當小叻最後加速，追緊前面對手時，喺200米果度，有個裁判突然截停我地，當時小叻已經有懷疑…
後尾行行下，突然見到警察果兩隊都仲跑緊，於是即刻落返跑道，行返終點，但一來蝕咗時間，二來我無過200米地氈，依大會講果個圈唔計~

小叻臨尾追得好辛苦㗎，你話唔計就唔計，完全因為大會錯誤，剝奪咗運動員做成績和公平競爭的機會… 佢地工作人員係咪唔跑㗎~?! 有無尊重過運動員?

再一次證明，呢個比賽超級垃圾~!
呢個主辦單位… 一定唔會再參加, 無下次!

Vrindavan

比賽禮儀：
繞圈比賽，請跑手不要跟人平排跑，
每圈都阻擋快腳過你。
應該保持單行跑。

bowling68

跑5線，一圈430m.   要跑116個圈，31-33度下在
不太有風的運動場跑左四五十個圈，好多都要停低鬆下跟同補級。

深圳港農

Vrindavan 發表於 2015-10-2 21:57
有趣數字，洞悉了什麼？

400m 一圈 slowest lap 要10分鐘以上？

Vrindavan

關於在夏天比賽，我感覺，可以增加比賽難度和挑戰性，使平凡比賽變不平凡，但係最好延長時間限制。

Vrindavan

＞＞ 我唔見有積水!
扶輪50KM部分路面弄濕了。

＞＞ 地面好濕

同意

＞＞ 佢地用水喉噴人, 完全無問過人想唔想濕

他們也不懂得射水，應該是射上身，不是射跑褲。
男性跑褲。鞋濕了，你懂得的。
更不是射面射頭，有水壓力的，危險。

小叻

Vrindavan 發表於 2015-10-2 21:53
>> 主辦單位，自己出錯
視乎亞頭出錯還是工作人員出錯？？

一個主辦單位, 無論邊個出錯都係主辦單位成個出錯!

就算我公司, 有PART-TIME或暑期工出錯, 老闆會怪我地無BRIEF清楚, 都係自己食返~

小叻

Vrindavan 發表於 2015-10-2 21:47
扶輪50KM --
廁所非常非常非常遠。
跑道好多濕水。

有無攪錯? 扶輪社當日無落雨, 我唔見有積水!

葵青盃當日都地面好濕, 因為工作人員佢地用水喉噴人, 完全無問過人想唔想濕... 地面近300米起點的內線好濕滑, 但又正正係水站位置, 運動員有打交CUT出線外, 差啲撞... 仲有個水站係8線再外面, 要減速停低先取好麻煩!
還有是內線地面有曾經出現紙杯垃圾, 但無工作人員即時清理, 跑幾個圈先至唔見咗!

Etudiante

建議主辦單位下次賽前來一兩個rehearsal

Vrindavan

有趣數字，洞悉了什麼？

                               
登錄/註冊後可看大圖

Vrindavan

>> 主辦單位，自己出錯
視乎亞頭出錯還是工作人員出錯？？

Vrindavan

扶輪50KM --
廁所非常非常非常遠。
跑道好多濕水。

awolswat

咁...相比之下,今年三月扶輪50KM叫做攪得唔錯啦!

demi_lam

真係痴左線, 點解大會咁樣做野, 明明係個SYSTEM有問題, 你地自己出錯, 都可以講到跑手唔啱咁, 仲要拎返對鞋? 呢個大會真係好搞笑. 第一次搞比賽??

alex12351

我係50KM參賽者, 當日我開始跑時已發覺終點的電視無顯示, 我都問其他參賽者邊到可以睇到跑左幾多個圈,但係無人可以答到我. 所以我開始時都係睇住自己隻錶黎跑, 到後來電視有顯示, 一直都覺得無乜問題, 到我太太黎到我話佢知我大約淨返16個圈, 叫佢幫我手倒數圈數, 佢走過去睇完終點電視, 話我知淨返23個圈, 當時我都覺得有問題,但無奈都係信大會圈數, 但當我再跑多5個時, 我見我太太在電視機旁同大會理論緊, 然後到我跑到我隻錶顯示50KM時, 我走過去同終點既工作人員講我隻錶已經顯示左我已經跑左50KM. 而當時大會工作人員叫我再跑多1KM 就當你跑完, 跟住我照做, 跑完後, 工作人員抄低我手錶上面既時間當完. 之後走過電腦旁既工作人員到問成績, 工作人員話未有紀錄, 我問佢我係咪50名內(因為50名內有鞋送), 但工作人員答我應該唔係50名內, 我問佢參加人數有幾多, 出面仲有幾十人跑緊, 點解我唔係50名內呢. 跟住幾位工作人員商討完後就俾左對鞋我. 到近日响網上既成績公佈, 我係排第15名. 所以如果當唔爭取就拎唔到對鞋. 正如上面師兄話齋, 反正都無下次. 不過有感而發, 替大家不值!

Vrindavan

[100K倉鼠跑] 有人跑多咗十幾個圈!
http://goo.gl/erTysv

Vrindavan

由葵青民政事務處主辦、香港超級馬拉松協會（超馬協會）策劃及統籌的2015香港超級馬拉松100公里賽暨活力葵青盃一連兩日（九月二十五日及二十 ...
https://goo.gl/ePeqUD

小叻

我計畫去信IAU, c.c.埋區議會, 暫時得2位朋友會支持聯名信?

siufung

demi_lam 發表於 2015-9-30 13:58
其實我都不吐不快, 點解無人講. 我不是跑手, 我是其中一個跑手的太太. 我到終點等時, 發覺電視SHOW出黎既 ...

如果無估錯， 我就係果個同裁判理論既跑手， 最尾佢答應用我錶數作實
網上成績出左， 佢扣左我7分幾鐘， 但實際我浪費左邊只7分幾鐘丫
時間哩度， 就算點計都唔會準， 得啖笑
所以我都無所謂了， 反正將來一定唔再參加哩大會既賽事啦！

好彩既係， 我攞到對鞋囉！