賽後投票--2016.3.20 Doraemon Run

deadlock

賽道設計6，賽事安排3，日期時間8，紀念品7，收費3，氣氛4

本人只係參加左4km賽事，平日都有參加其他賽事，故只針對早上既情況作評論：
1. 賽道算係咁，難得西九咁細都比佢整到4km，唔係咩大賽，唔會太介意距離準確性。
2. 跑左數十個大大細細既比賽，未試過取行李要多過10min。但呢個比賽破曬紀錄，又凍又毛毛雨下等左超過一個鐘先取到行李。我唔知係sportsoho安排有問題定比大會業餘既安排搞到比人狂插，但一個以數千計跑手既賽事，寄存行李及取行李既位置少得可憐。
3. 另一個安排差就係水站。我真係未見過比賽既水站set在1km位置咁無謂，反而印象中打落3km都再冇水站。另外一般比賽都會有水杯及水機在起點／終點提供比跑手，今次跑完係有一支水，但重要對號碼布睇你有冇攞過！
4. 獎牌又係一個問題，跑完沖完線諗住有人即時派，點知on居居行到去行李寄存位先知道要行返轉頭去取紀念品那條隊排。真係心諗，個牌用號碼布就取得，重有咩意義，重要指示都冇，都係見人排隊先知。
5. 氣氛真係差過好多比賽，理想同現實係兩回事。4km賽道冇人打氣，冇叮噹人物沿途cos-play，只係得一個位有d佈景板比你影張相。講真，三百幾蚊賽事，你就咁印幾張foam board比人影下相，真係賺都笑。基本上見到大部份跑手都只係係度自high，成個area望落去除左d旗，真係唔知有幾叮噹⋯⋯ 連播既歌同個主題都唔係太大關係⋯⋯
6. 又講返起跑，可能大會都知賽事安排15min一組起碼會出事，我見有幾組已經係再5min左右再放人。但問題係呢個係4km賽事，唔係2km fun run。雖然大部份人都唔介意名次，但感覺上太兒戲，明明同一個group起跑，居然唔比人上線住，要做分流，得前面那批散左5min後再比你上線⋯⋯

知道任何賽事都唔可能盡善盡美，但唔代表唔可以有要求，重要係一個收費差不多貴絕香港既路跑比賽，真係唔可以接受。

再次引用某跑友的comment: 在西九，人數多，收費貴的比賽，真係多數會出事/中伏⋯⋯