下星期去日本東京旅行住池袋，請問有咩跑步路線介紹?

lemonrunner

我之前住池袋西口嗰邊啲酒店 ，會跑山手通，山手通可以去到新宿( 大概13K來回)、涉谷(21K來回)。山手通條行人路好闊唔使怕阻到人，側邊仲有條單車徑同馬路隔一隔，所以啲廢氣可以接受。
另外可以考慮跑離池袋大概20分鐘火車嘅荒川， 我好鍾意啲風景， 距離可長可短，板橋城市馬拉松都喺嗰度舉行，火車站會有locker， 我係喺赤羽出發。
山手通沿途有好多售賣機同埋便利店，補給好方便。荒川冇售賣機亦都好少飲水機，要自己帶水。