|
|
我又分享下先,之前為左記低 SCM 既賽事打左一篇長長既文章
---------------------------------
終於都在歡呼聲中完成左個賽事
應該只係話,完成左目標既一半
成個過程橫跨左個幾月
有喜有悲,筆錄下來,記低是好,與大家分享都好
作為 SCM 跑手,希望可以遊說到更多朋友
去挑戰自己,做一 d 平凡人生人不平凡既事
自從 SCM 09 出左報名表後
又係心思思既時候,數年前,因為豪哥
第一次接觸到 SCM,當年 10 K都係仲有得跑西隧
不論開跑前,起跑區等待既時候,入西隊既時候
完全俾咁多位跑手既熱誠,雀躍,深深留下了印象
大家雖然來自唔同既年齡組別,地區,職業...
不過著埋同一年衫,目標一致,務求將冠軍晶片
同自己疲倦不堪既身體一齊踏過感應地毯
同時為自己創下最佳時間同大會參加人數既紀錄
當時並定下五年計劃,10K 10K 半馬 半馬 全馬
06 年,因係手術既事,還是放棄了
07 同 08 就玩左半馬,路途拉長了一倍
不容易至捱到終點
08 年去到 20K 時仲已經撞牆,抽筋
開始再諗,全馬對於我黎講,係唔係一件冇可能既事
加上 08 賽道開始改道中銅鑼灣鬧市
沿路既氣氛真係無得頂
講番今年,第 6 年,因為自己真係好多野玩
water sport,羽毛球,真係分唔到好多時間去跑步
可以話係冇,一放慢左,唔知幾時再能 pick up 番
見到 09 表格時,到時是半馬定是全馬好
如果再半馬,5 年計劃要再 delay 到 7 年
報了全馬,一如以往,唔火燒眼巴眉都唔知死
只可以話,羽毛波既激剎,windsurf 既 planning,sailing 做 crew 既 trapeze,
樣樣都咁好玩,加埋 d 損友,根本唔會放得低
今年,得番個幾月時,真係凍就唔落水至練跑
長課長極都係得 18 K 左右,total 得四至五課
一星期訓練時數都唔知有冇 40 K
真係少得過份,朝早刻意早 d 起身習慣開跑時間
有時朝早番晝少少,做幾次短課
好景不常,比賽前一星期仲開始作病
不斷 "隊" 廿四味同感冒茶,盡下人事
2月6日,同事 ar fung 仲對我講 "你把聲都變埋,星期日頂唔頂到"
最後,還是頂硬上
今日,2009年2月8日
終於都要黎,朝早 0730 到達 TST
擺行李,熱身,可惜,我已經排到好後
天氣比想像中好,沿路一直跑
去到第二 check point 時間仲 ok 2"17
心諗,分分鐘頂到番維園唔駛 5"30
不過去到 23K 開始撞牆,加大腿已經想抽
開始有 feel 時只有競步咁,一邊俾佢休息
一邊同時間鬥快,只好怪自己平時唔操好 d,多 d
跑一小段又要行一大段,不斷計數
以家下既情況,仲過唔過到香港個邊既 check point 呢
不過我唔甘心,我唔想咁早放棄,好多朋友都支持梗我
如果太架硬,老抽都仲搏命,分分鐘以後都唔駛再玩
仲有成十幾K,真係好嬲,嬲自己準備唔夠
頂到去林士街 check point,距離落閘時間唔夠 3 分鐘過左
最後一關,夏愨道天橋落斜,1310 落閘
再計時,一定要快,趁對腳仲未再抽時一定要衝埋過去
last 一個 check point 至俾人兜上車,喊都似
一邊落斜 d helper 已經一邊倒數
d 警察都已經話要準時拉閘,慢 d 俾人投訴到暈
眼望住個綠色網左邊既 helper 開始向左移動
死就死,死衝,落最後一道大閘時我應該係尾 4 過左
打後,好似話落早左分幾鐘,後面再多左 2~30 人一齊捱住番去
組過一段加速,好朋友 "抽筋" 又黎搵我
真係唔 lar,如果死頂,5"30 內都已經未必得
我仲要留番出年繼續挑戰 5"30
終於都行到去 CWB 消防局,開始有途人打氣
再次加快腳步,留番個美好回憶
每過一個人都會叫佢地 "快 d,一齊跑埋佢"
去到 CWB 地帶,皇室堡對出一段真係好似明星梗
不斷有人幫你打氣,支持,更重要既事,多靚女
見到維記終點,向上一望 5"36'xx
今年既賽事,結束了
拎完野,第一件事打俾媽媽
我知屋企人好擔心我出事,都係報個平安先
坐低同其他跑手吹水休息下
今年,總叫第一次玩全馬唔駛上巴士
已經好開心,可恨,未必有 cert,少少唔開心
只可以話,要成功唔可以靠僥倖
要經過長時間既訓練至有成功既機會
點都好,今日起我平凡既一生寫下了不平凡既一頁
總括失敗原因,訓練不足,帶病上場,前半段配速唔夠理想
(其實我心肺功能仲頂到,同對腳都仲有反應,不過抽筋真係痛到想死......)
p.s.因為我過往既病履,醫生以前已經講我再唔適合參與咁劇烈既活動
但我總是唔信邪,當時十幾歲,咁快就要限制我打後既生活
我信,運動可以使人健康,更有自信
今日,最後還是證明了
不過要屋企人擔心,還是有點唔好意思
(他們從來冇支持過我參與 SCM 任何賽事)
睇完 e 篇文章既大家
出年有冇興趣一齊挑戰自己
----------------------- |
|
發表於 2009-2-10 20:31:23
遺憾