3月15毅行行山試玩團

runrun

原帖由 上水馬王 於 2009-2-18 12:35 發表

                               
登錄/註冊後可看大圖

小弟都鍾意行夜山

講起我都一樣鍾意行夜山，
以前很多時深夜11点才由烏蚊騰行入三亞，趁半夜海水湧上黎水漲捉魚捉crab，Ｄ crab 有時大到個蓋有成個湯碗咁大，
試過仲捉到八爪魚、蟮，有一次在水中捉魚時，突然見有條蛇在水面跳來跳去，嚇得我半死，
最後結果是個蛇胆落咗入某位仁兄個肚，不過自從三亞水域列入海岸公園，落水捉嘢會被檢控後，就沒有再玩了。

亦很多時星期六晚食完晚飯執埋背囊才入西貢赤徑，上冉蛇，經蛇腰再落東灣扎營煑宵夜食，第二日再操山。
試過有次掛三號風球都照去，在上冉蛇時大風到我欖住舊大石頭等咗好到至敢繼續行。

不過嗰時一齊玩的朋友都被D大人呀、債主呀縛住，各散東西，冇得再咁樣玩喇！

本來我打算年初跑完渣打後，就準備操練參加今年的毅行者，但現在都唔敢想住喇！
今次我都好想join你地行吓，但真係到時睇吓對脚嘅情況再決定，
希望唔好介意我到早兩三天才能通知能否參加！

runrun

今日是熱了少少，但風和日麗，大家都應該很enjoy今日行山吧！

我本來都好想join你地今日行，但路線對現時的我是太金了，
所以今天只跟朋友去上水雲泉仙觀食齊，及到附近的流水响
行了一會兒，都很不錯。

不過，食得多過消耗，唔肥都幾難了！