莫卡dd跑步日程

mochadd

各位師姐們好。新人報到，請多多指教。

mochadd本來係大懶精一名，以前減肥從來靠節食算數。結果讀書果陣反彈再反彈，受細路影響就開始跑步。
跑步唔係跑左好耐呀，大約有半年啦，初初行廿分鐘都想死，跟住越來越好。減到磅之餘，仲覺得身體新陳
代謝好左，而且亦令我越來越愛上長跑啦。

所以今年唸住試下挑戰自己，報渣打既10k比賽。我之前從未試過參加比賽，所以希望呢年keep住練習，
唔好下巴輕輕啦。

mochadd

今日朝早六點零起身，開始新挑戰，就是試下跑唔跑到10公里啦。
我睇左各位師姐師兄既提議，決定先練距離-->再練速度

由於要計算好距離，今日走左去樓下運動場跑。平時跑開18圈，
今次25圈真係有d辛苦，好在朝早落左微微雨又有d風，咁樣令
我跑得舒服d....最後跑完，睇睇時間-->

1小時25分03秒(平均應該是7.0左右速度)

好，我希望每星期都可以keep到一至兩日咁練。下星期再mark低自己既紀錄先

p.s.
在運動完後，我發覺自己係時候要買對跑步鞋。不知各位師姐有何suggestion﹖

mochadd

原帖由 nc 於 2009-2-22 10:34 發表

                               
登錄/註冊後可看大圖

莫卡ctse真係很犀利, 咁早起身去跑步, 能夠跑18個圈已很好了, 25個應該沒有問題的, 因為一切已跑得順暢了, 我自己最辛苦是最初那10個圈, 唉過了便有好日子過了 " />" />

小妹第一對跑鞋是美津濃的wave  ...

我都覺得初頭10個圈係好辛苦....不過跑順左就好好多

速度可以再慢慢練上去

mochadd

多謝龜速行同NC CTSE的提議，等我又睇下美記D鞋先。因為家陣著果對唔算好正統既跑步鞋，我希望買返對正式既

mochadd

買好了一對美記，原來打算在運動場跑25圈做record，結果在第10圈之後腳部嚴重疼痛(係腳側側)，抖到宜家都仲未好返

點解會咁架﹖做晒熱身架啦......要快d休息好呀，希望我下星期可以跑得返。

mochadd

真係好對唔住各位呀，我潛左水咁耐。莫卡DD先同大家道聲歉，因為之前整親隻腳，以為冇大件事，點知原來好嚴重，搞到又睇跌打又剩，足足休息左成粒月。

果粒月真係好灰，只有做GYM KEEP住，仲唸緊係咪就咁連跑都冇得跑，加上呢兩個月工作需要不斷出差，所以呢段時間失蹤左。

放心，莫卡DD係唔會咁易放棄。

好開心既係，宜家我已經可以重新跑返。等我講返前星期既訓練先：

4月5日—星期日

係我重新跑返既第一次。7:00開始係運動場跑，問過醫生，佢話我要慢慢上返手，所以跑左半小時，12個圈，4800米。

4月10日—星期五

公眾假第一日。都係7:00開始跑，今次跑多少少，15個圈，6000米，今次35分鐘就完成到，快左少少。

4月12日—星期日

今日都係7:00開始跑，今日想跑18圈，7200米。初時仲有D驚，因為上次真係搞左好耐，可能有心理影響，不過最後真係跑到呀，60分鐘。跑得唔算快，但至少完成左進程，好開心呀，所以同大家分享下。

下星期日再準備。各位師姐CTSE，我下星期應該KEEP住7200米定係再加好呢﹖

mochadd

莫卡DD要黎道歉，之前俾隻腳搞到好灰，所以走左潛左水。以後唔敢架啦，莫卡DD會定時定候上黎報告

mochadd

家陣腳傷都好得七七八八，咁我聽各位師姐話，等我下星期keep返30-40mins左右，然後再慢慢加返距離。

mochadd

原帖由 叮叮噹 於 2009-4-13 00:49 發表

                               
登錄/註冊後可看大圖

唔好再hgjD103" />" />hj 啦! 跑多跑少都上嚟報告吓啦!
支持妳!  加油! 努力!  

聽話

下星期我繼續準時報告

mochadd

4月18日   星期六

今個星期只抽到呢日，原本打算今朝都跑，點知落大雨。
講返情況先，尋日繼續係運動場跑，好在仲未落雨，今
次跑左15圈，原本唸住18圈，不過真係驚復發，所以
唔勉強自己，計數時間係45分鐘。而我著美記既跑步
鞋好似越黎越順，冇左初初腳型唔習慣既感覺，希望
繼續保持

p.s.希望唔好落雨，下星期公事冇咁忙，我plan定二、
四、六跑30mins-40mins。各位師姐，今次我想試
下唔係運動場跑，但我怕跑長廊(家住馬鞍山)會不自覺
減慢速度，應該點樣好呢﹖

mochadd

遲左少少上黎，先同各位師姐打聲招呼。

呢個星期跑左兩日，偏偏就係落大雨果兩日，好在我揀既時間都冇咩雨。

4月28日，星期六

選擇差唔多黃昏時間，因為見佢冇咩雨。今日試下唔跑運動場，反而走去跑海濱長廊，總共跑左一小時，我準備學師姐講既拎運動場跑步的步速。難得跑左長廊，真係覺得咁樣跑感覺冇咁辛苦，不過就係路好崎嶇不平，希望正式長廊早日完工。

4月29日，星期日

今日朝早跑步，因為跟住約左人出街。選擇返係運動場跑，照舊18個圈，試下隻腳承唔承受得到。結果順利完成，而且天氣涼涼地冇咁辛苦，總共時間係58分23秒，比我之前既速度快左，好開心，要keep住先得。

下星期繼續報告。