Rover跑吧!

Rover媽

我是新仔一個, 成日係新人報到度留言, 都幾憨居下, 有點寫blog的味道, 所以想試下係呢度寫. 我唔係叫Rover, Rover係我隻狗. 我係一名慢腳, 慣以碎步行走江湖. 一路走來, 始終如一地跑, 常被人過, 但唔會有hard feeling, 因為我有自知之明. 我中意係天黑跑, 都唔係唔怕黑, 係更怕晒黑.
我冇咩驕人成績, 一個鐘只跑到8km. 最叻只係跑走左30幾磅肥肉, 但仲要再減多20磅先似返個正常人. 我會將我d跑步瘀事寫係度娛樂下---自己 , 希望都有人睇下啦.
今晚去完六四晚會, 塞左好耐先入到去, 回知只有草地有位, 個草地有好濃烈的豬屎味, 未唱到自由花(我的至愛 ), 就要走啦, 因為今晚開夜, 宜家其實係返緊工, 一陣朝早放工就跑返去, 都停左3日, 不可以再停啦! 跑吧!

Rover媽

星期日(7.6.09)開完三晚night, 訓左個靚覺, 下午5點再戰青公黃金至荃灣路段. 第一次跑時, 因為太high的關係, 最初跑得太急, 過左深井就漠氣腳軟. 今次我不停同自己講, 唔好咁急, 留力留力, 唔好理時間, 最重要係完成, 跑慣左先再加快. 跑呀跑 , 被一個又一個跑友超越... 慢慢來, 今次一定要完成! 上次跑時死慌缺水, 狂飲, 飲到好飽, 跑得好辛苦. 今次只係個咀乾時搵水濕一濕, 感覺好好多. 成程都冇睇時間, 因為怕影響心情, 不過知道自己真係幾慢下... 過左深井, 又係我最怕的大斜路啦 !! 又長又斜, 我叫自己唔好向上望, 低頭跑, 跑跑下就會到頂架啦! 到頂時, 橫隔膜痛..., 忍耐呀, 一陣就唔痛架啦! 頂硬上呀!! 唔好放棄呀!! 過左一陣, 真係唔痛啦, 感謝主!!
今次想過對面搭車算的想法少左好多次, 只係得兩三次, 算係叻左架啦! 跑到尾段都仲有力, 漸漸地, 見到荃灣對岸青衣的家, 我望著它跑, 心裡不停讚自己"你好叻女呀, 咁肥都跑到咁耐!!", 忽發奇想, 如果宜家即刻跳落海游, 就可以返到屋企啦! 哈哈哈哈哈 !
終於跑到麗城開發區啦! 上次命喪此地, 今次要同佢say goodbye! 原來我只要撐多10分鐘, 就會到西鐵站, 我終於做到啦 , 跑完覺得d腳趾好似唔係自己咁, 去左7仔買左支冰凍綠茶慶祝, 再去荃新天地沖返個靚涼, 其實只係洗面同洗手, 搞到人地個廁所濕晒 , 唔好意思呀廁所阿姐!!!
好! 報下時間先, 係1小時59分17秒, 嘻嘻, 唔緊要啦, 最緊要完成到. 今個星期六再戰青公, 希望有朝一日可以由荃灣西跑到鄧記! 跑吧, Rover! 長跑長友!!!

Rover媽

原帖由 Alfred 於 2009-6-12 03:39 發表

                               
登錄/註冊後可看大圖

恭喜師姐開blog.大西北有班網友時常跑青公，得閒join吓佢哋以及其他約跑，好開心的。

我都好想同人一齊跑，但我真係好慢，時速只有８公里（開頭果個鐘），之後仲慢。咁搞法，同人一齊跑只係會係人後畢塵食。
我同自己定左個目標，要keep住一星期跑40k，一直跑下去，應該可以瘦下來，變靚D。
本來今日想跑多次黃金荃灣。昨天返完個P再接今早的A，簡直想死呀。早上時在office中眼訓，後來唔理啦，見人少少就係張台上墊塊廁紙就訓（驚訓到流口水）。下午放工就返屋企訓到十點，跑鬼跑馬咩。十一點幾先出左去跑（黃金﹣小欖﹣三聖﹣黃金），哇！咁夜仲有人跑，見到有個肋肉男跑過，跑步𥄫仔真係件賞心樂事，可惜只是驚鴻一瞥。原來𥄫野不是我的專利，有兩條老外見到有個性感靚女經過，即回頭狂𥄫。𥄫𥄫𥄫，小心PK呀！
跑到後段都十分辛苦下，我唸都係要慢慢來，等再減多十磅應該可以輕鬆d。跑完炭左支淳茶舍先返歸，成身D衫濕晒真係令我好有成功感呀，希望可以再健康D。聽日返Ｐ再去鄧記跑過，Rover跑吧！

Rover媽

跑左幾日, 左腳腳爭對上條肋有D痛, 請問駛唔駛停下? 唔知係唔係因為我太肥, 隻腳開始頂唔順啦...

Rover媽

Yes sir. 我今日已經停左一日, 停多日, 星期四再跑過, 長跑長友呀!

Rover媽

原帖由 亞平 於 2009-6-17 00:31 發表

                               
登錄/註冊後可看大圖

星期四如果鄧記跑夜晚730-930可能又有機會撞到喎

星期四下午跑, 應該撞唔到啦, 下星期啦 !

今日我又想跑, 會係放工後同返學前的時間跑, 路線如下, 去到大欖再搭962出香港, 7點夾住一身臭汗去上堂,

Rover媽

原帖由 亞平 於 2009-6-17 12:45 發表

                               
登錄/註冊後可看大圖

真勤力..你D同學仔又真係多得你唔少..

今日好似食左十香軟骨散咁, 成身軟lailai, 跑唔郁, 幾經辛苦終於lan到去大欖, 個人仲係好呆, 可能係唔夠訓. 不過跑完都係開心的, 返到學校自己都聞到陣汗香味, 好醒地行開左一邊坐, 今日係呢科的最後一堂. 仲有一科係7月開始, 8月終於畢業啦... 好想快d搞掂佢, 真係身心俱疲啦......

Rover媽

原帖由 叮叮噹 於 2009-6-18 00:10 發表

                               
登錄/註冊後可看大圖

小妹真係後知後覺, 原本Rover媽係度開左blog, 起初以為妳你ching添!
放工, 跑步再返學, 好勤力喎! 加油!

係呀, 寫下blog, 警醒下自己, 叫自己唔好懶散

Rover媽

原帖由 叮叮噹 於 2009-6-18 00:10 發表

                               
登錄/註冊後可看大圖

小妹真係後知後覺, 原本Rover媽係度開左blog, 起初以為妳你ching添!
放工, 跑步再返學, 好勤力喎! 加油!

Rover媽呢個朵都幾好聽喎...
今日過左精采的一天. 下午飯鐘約左個friend去鄧記. 朝早開會時仲偷偷同佢msn, 勸佢唔好正午跑, 好易中暑, 佢好有鬥心, 勸極唔聽, 見佢盛意拳拳, 就捨命陪君子, 仲買左支水比佢. 2點落到鄧記, 簡直係人間煉獄, 熱到爆, 成隻鑊咁, 真係好帶hit呀! 點知去到得一個硬漢同一個fit少女, 佩服佩服! 但唔見個friend, 頂! call又唔聽, 打返office又話佢去左食飯, 有被老點的感覺, 好火呀 . 正午的鄧記不宜久留, 即時標左出街亂跑一餐, 主要搵陰間跑..., 跑左半個鐘就撤退.
返到office見到個friend被頭散髮, 我沒有正視她, 因為仲好慶. 我係黑底的, 最怕日頭跑, 呢獲仲唔變非洲人?!?!! 之後佢叫我出去建生個羅湖城買珍珠奶茶, 一齊出去時邊行邊鬧, 原來佢點半出左去跑完返來啦 仲沖晒涼tim呀. 你好野, 八婆! (中間夾雜左好多粗口, 因為真係好慶!!) 途中有個阿婆問我地點搭巴士出九龍, 咪帶佢去囉. 三個人一齊行, 我地兩個仲邊行邊鬧, 鬧鬧下個friend冇采我自己行前. 頂! 同我耍脾氣呀? 我唔會dump返你的! 佢忽然回頭大罵: "行快d啦xxx!" 我好慶的返鬧:"宜家係咪叫阿婆行快d呀?" friend說:"叫你呀!" 回頭看看阿婆在哭 , 嚇到我地幾驚呀 !! 唔係話你呀, 你做咩呀? 對唔住呀!!!!(x100句) 阿婆說: "唔係, 係我自己唔開心姐, 一個人來到呢度, 唔識返去..." 原來呢個阿婆成70歲架啦, 個仔入左青山, 今日去探佢, 悲從中來, 真係好慘呀... 我地同佢傾左陣計, 送到佢去巴士站就走左啦. 人生呀!! 好多事都好無奈....
同阿婆分手後, 我就同個friend好返啦 , 佢說以為我唔去跑, 於是自己去左, 冇帶電話, 仲話我小器, 跑步係強身健體, 唔好因為一件美事吵架. 係, 我又真係小器左d嘅, sorry囉!
放工後我地一齊去左旺角買跑鞋, 我地兩條女係間舖頭求吱吱喳喳, 個睇舖妹仔都頂我地唔順... . 我地終於有左人生第一對美津濃啦, 之後去左春夏秋冬打邊爐, 舉杯慶祝我地就黎成為真正的跑手啦! 哈哈哈哈! 仲同對鞋影左相tim!
明天約好放工後去鄧記舉行試鞋禮, 而我的nike亦正式榮休啦!

Rover媽

原帖由 叮叮噹 於 2009-6-19 00:27 發表

                               
登錄/註冊後可看大圖

有位師兄同你一樣以狗名做網名, 我地後來叫佢Parco爸.
咁妳又係, 咪叫妳Rover媽囉! 好過成日將妳當狗咁叫嘛!

咁請問點改網名?

Rover媽

原帖由 叮叮噹 於 2009-6-19 00:56 發表

                               
登錄/註冊後可看大圖

去呢度留言, 講低妳想改咩名.
https://www.longrun.hk/forum/redirect.php?tid=1928&goto=lastpost#lastpost

另外, 要唔要搬番個blog去女子區咁呢?

都好, 咁可以點搬, CALL車?

Rover媽

原帖由 叮叮噹 於 2009-6-19 01:39 發表

                               
登錄/註冊後可看大圖

留言改名時順便叫管理員幫妳搬, 應該唔收靚女手續費ge.

Yes mum, done! 原來你是女子組頭目, 專為我地呢新丁指點迷津, 謝謝!

Rover媽

原帖由 blurmax 於 2009-6-19 10:01 發表

                               
登錄/註冊後可看大圖

Nice blog - very funny!

However placing your running shoes on the table ?  - not very appropriate por......................  

張枱乾淨架!

Rover媽

原帖由 叮叮噹 於 2009-6-21 22:06 發表

                               
登錄/註冊後可看大圖

明晚有空過鄧記啦!
我地6點半已經有人跑圈熱身, 7點開始訓練.
妳早少少嚟先有機會同妳傾吓計.

我聽日返晏, 放22:30, 預左飯鐘過來腳返半個鐘, 明晚7點睇下可唔可以同個同事一齊來, 不過如果有urgent case, 就可能來唔到啦.

Rover媽

原帖由 Parco爸 於 2009-6-19 14:02 發表

                               
登錄/註冊後可看大圖

Rover媽...
你好...收到風..入來打個招呼...

Parco爸聽講你都係養狗架喎, POST下你個仔張相來得嗎?

Rover媽

休息了一天，今天本來想再跑出荃灣，但見個日頭唔收，我不要再黑下去呀！！！！於是放棄左，搭車算啦！夜晚食完個父親節飯，十一點幾，見好似落左隔啦，就落街跑下，點知小YIM痛，頂！死頂都要跑，因為唔跑Ｃ服。今晚除了跑海傍，仲跑左上長康邨，又是一條攞命斜，上到長康補補水（淳茶舍），再落山，一條死直大斜路。死驚整就膝頭，所以慢慢跑，重心向後，是行山時朋友教的，應該冇咁傷，全程７公里，因為小YIM又再痛，最後急行就算，行到個燈位，有幾個差人，對面有條盲毛紅燈都照過，梗係被人抄牌啦傻仔 ！
今星期埋單３２Ｋ，少左８Ｋ，如果今日跑去荃灣咪夠數囉，自己攞黎衰呀，下星期要再加油！

[ 本帖最後由 Rover媽 於 2009-6-22 16:57 編輯 ]

Rover媽

原帖由 nc 於 2009-6-19 09:18 發表

                               
登錄/註冊後可看大圖

rover媽, 很精彩的blog呀, 仲好好笑tim

買了對新鞋仔就跑多啲喇!!!

新鞋跑左兩日，仲係好唔慣呀，比多Ｄ時間同佢相處下應該會好Ｄ 。

Rover媽

原來琴日大暑呀, 唔怪得熱成咁啦! 熱死左一個人同兩隻狗tim呀!!

Rover媽

原帖由 Parco爸 於 2009-6-22 21:24 發表

                               
登錄/註冊後可看大圖

個主人要負上一定責任..試下叫佢全身包住保鮮紙..再著件皮草跑個圈...主人死埋都得..

犬兒柏高與犬女豆豆同Rover打個招呼!!!

                               
登錄/註冊後可看大圖

http://i ...

得意小狗子(好長的利仔)同可愛小妹妹, 著住件跑衫仲好醒目TIM !
除左ROVER, 我仲有另一隻狗仔叫恭介, 佢地都係老野黎 , 一個7歲, 一個11歲, 快D同PARCO弟弟,豆豆妹妹打招呼啦 !

Rover媽

原帖由 Parco爸 於 2009-6-22 21:24 發表

                               
登錄/註冊後可看大圖

個主人要負上一定責任..試下叫佢全身包住保鮮紙..再著件皮草跑個圈...主人死埋都得..

http://i ...

係, 自己衰就好, 唔好累埋隻狗狗仔!