|
|
嗚... 實在太耐冇上來了, 畢左業後以為可以輕輕鬆鬆, 點知一病病左兩個星期. 月初未病前終於達成今年的心願, 就係係青衣跑去黃金海岸啦, 兩個幾鐘的龜速, 但唔好現, 總之都完成左呀, 哈哈哈....
上星期再跑返, 夜晚係南昌做完野, 想係果度跑返青衣, 結果... 拿著部iphone一路跑一路先地圖, 上了荔景山再落葵芳, 一直過開北橋, 冇去過南橋, 於是想跑新路. 跑呀跑! 跑到錯晒, 入左工廠區, 跑返出來, 再入左去貨櫃碼頭, 又跑返出來... 已經十一點笨啦, 都仲未搵到條路. 見到有個阿伯在等車, 我問佢: 一直跑就可以到到青衣嗎? 他說: 係, 冇錯! 於是我又繼續跑, 南橋就在我頭上, 但冇樓梯上... 天呀!!!! 再兜呀兜... 兜左入條煙囪度... 又跑返出來, 終於見到條樓梯啦, 好開心咁上去, 終於上到南橋啦, yeah!!! 超! 原來係巴士站黎喳! 最後我放棄左, 上左架44m, 條氣好唔順, 搵唔到路, 但又怕黑同怕鬼... 一條女咁跑法都幾危險... 最後去到青衣差館落車, 再跑返屋企. |
|
樓主.gif)
!!! 再跑返3日, 每日脆脆地4k, 覺得自己有返用, 哈哈哈哈...