2009.11.08 - New Balance 黃金海岸15K賽 (已開始接受報名)

run4fun

我元老組但屬新手一名, 尋晚先郵寄申請表&支票, 睇下有冇得同大家一齊跑。

run4fun

第一次跑15KM, 暫時係自己最長跑程, 1小時33分完成, 好滿意, 最開心係可以同大家一齊跑.....但好貴, 皆因泊左架車在另一錶位場地, 10點起要入錶, 賽事中冇法子入錶, 焗抄牛肉乾一張, 早知提早出門, 直接泊在起跑區個錶位場地啦....相信有另外十個八個跑手都被抄咗

run4fun

原帖由 wongc 於 2009-11-9 13:11 發表

                               
登錄/註冊後可看大圖

我諗我同你泊同一度地方.  我好彩少少.  我一跑完即走, 去度差佬已經抄緊, 不過仲有兩架先抄到我.  嚇死.

嘩, 你一定好快跑完....唉, 我就10:34跑完, 衰在貪攞條蕉, 排左一陣隊就遲咗少少....條蕉好貴...哈~

run4fun

本來條路都好跑, 沿途風景優美空氣清新, 但跑到 6k 咁上下嘅一段路被一大陣糞便味破壞晒, 掉頭折回同一段路都一樣聞到, 想忍住度氣都唔得....真想嘔....但整體都係好正, 高處望海又有橋做背景, 見到有 c hing 停低影相就知幾吸引

run4fun

原帖由 hotbloodedalva 於 2009-11-10 10:49 發表

                               
登錄/註冊後可看大圖

通常附近有race d 差人都好識做架?乜今次咁啊?!但好似有好多車泊左喺起點沿路d 凹位....唔見有牛肉乾喎

我開頭都係咁諗, 一來有賽事進行, 抄遲一小時或個半鐘都屬「體察民情」, 二來已入秋季(11月7日立冬), 好少人來沙灘游水, 泊車位須求無咁大, 心諗我係差人就会等賽事完左先抄.....點知差人大佬見個肯雅 ching 跑返終點就即刻出車去抄牌....早知跑快 d , 快過肯雅 ching 咁咪慳番幾百蚊啦.