豆豆媽之瘦身日誌

豆豆媽

I'm READY!


一切決定原自自己唔憤氣, 幾年前可以2個月瘦25磅, 點解而家唔唔可以?

我想以後著衫靚D, 影相唔水收腹, 雙下巴消失, BYE BYE肉同我BYEBYE........

不過睇返自己92磅時既相, 又好似真係瘦過頭, 我目標係100磅!!! 希望半年內可以實現!

o係呢樹開blog, 就係貪人多, 多d人睇著見証, 多d人可警惕自己.

不過我跑得好慢, 耐力唔夠, 每次只可跑幾K, 大家唔好笑我呀!

豆豆媽

5-7-2009 元朗大球場 4K

本來今朝較左鬧鐘5:30AM起身, 諗住整個周日晨操第一GIG, 不過天公不做美, 而我又唔係好夠訓, 最後都係返去搵周公談心....

訓到9點幾, 之後出左去食野, 同埋買野, 本來只係打算買個SPORTY BRA, 點知最後仲買左件TEE同2對襪.

之後返屋企抖一抖, 4點幾見無咩陽光, 於是就出發去元朗大球場啦!

到左之後, 先跑左2圈半熱身(熱身都要2圈半......痴線架......)之後先正式開始做拉筋.

開始跑啦, 由於我係初哥, 現階段都唔會COUNT住自己時間, 只係會SET個目標距離俾自己去完成.

我初初都打算第一次.跑.....跑5圈算啦, 遲下再慢慢加上去啦, 頭2圈開始感到左腳有D唔自然....唔識形容, 又唔係痛, 好似好受壓咁, 唔係關唔關跑內圈既事呢?

跑到第4圈, 雙腳開始提唔起, 無乜力, 於是我完成左第5圈就到場邊做拉筋踢腿同飲水休息3分鐘.
之後, 發覺自己應該仲可應付到, 之後就SET多5圈俾自己做目標, 即係共10圈.

再次起跑後, 發覺之後左腳問題已消失左, 但橫隔膜就有少少痛, 到第7圈左胸仲突然勁痛, 痛到我成個人踎低左, 踎左幾十秒先識起返身, 跟住又再跑過, 最終, 我順利完成左10個圈啦!

其實我發覺自己既呼吸好無規律, 但又唔明點先係有規律既呼吸, 個人跑人死死下, 已再無力去諗點呼吸啦, 是但求其又口又鼻亂黎一通, 我相信如果我學識點呼吸, 我會跑得舒服好多.

[ 本帖最後由 豆豆媽 於 2009-7-6 17:01 編輯 ]

豆豆媽

多謝速行兄同SUE姐鼓勵!
SUESUE, 跑完2圈半我已無左半條人命 , 有一秒係想過放棄 , 不過見一場黎到, 死都頂埋佢囉

豆豆媽

原帖由 曲奇 於 2009-7-6 17:15 發表

                               
登錄/註冊後可看大圖

豆豆媽果然有keep fit之決心...
咁快就開blog記低跑步日誌....
跑步o既o野，切忌心急，慢慢加量...
持之以恆，好快就能愈跑愈順、愈跑愈遠....
加油~~~

我想心急都急唔黎啦, 生理上根本就應付唔到, 我會以自己能力可應付既範圍內慢慢加量架啦!
Thanks!

豆豆媽

多謝各位靚仔加fun, 我會努力架啦

豆豆媽

原帖由 曲奇 於 2009-7-6 17:25 發表

                               
登錄/註冊後可看大圖

其實你尋日跑了10個圈都已經好叻架啦~
因為你有完成target 的堅持嘛...
橫隔膜痛的經驗，我有太多啦...
試下跑慢少少 or 停低休息一陣再跑過...

收到!多謝晒曲奇

豆豆媽

原帖由 花子阿DEE 於 2009-7-6 17:37 發表

                               
登錄/註冊後可看大圖

豆豆媽新張誌慶~~

我既賀禮算大手筆啦,7兄幫過我都係俾一皮咋~~hgjD115" />" />hj
小弟都要減呀,一齊分享心得~~

多謝DEE兄加分 你咁FIT仲有野要減咩........

豆豆媽

多謝beefing哥, runrun, blurmax, jogging cat同nc
不過而家雙腳仲痛過今朝, 都唔知要抖幾多日先可再跑過lu

豆豆媽

原帖由 schnix 於 2009-7-6 23:07 發表

                               
登錄/註冊後可看大圖

豆豆媽, 不用心急, 慢慢加量, 一定可以越跑越耐既跑步減肥最緊要係跑得健康!
100磅......... 我都好想得100磅, 希望你達成目標啦

承你貴言 大家一齊加油

豆豆媽

原帖由 亞平 於 2009-7-7 01:23 發表

                               
登錄/註冊後可看大圖

豆媽,
想當年呃平嫂落鄧記跑圈,超過10個圈後,每個圈有$100獎金,你要同parco爸爭取下....不過唔好俾佢知係我講既..

第一 : 暫時十圈已係我極限, 我雙腳而家仲痛緊
第二 : 就算跑多過十個圈我都唔會有獎金架啦

豆豆媽

多謝瘋瘋, runrun cts, e.c.
星期日至而家, 雙腳仲痛緊呀, 唔知星期六跑唔跑到tim

豆豆媽

12-7-2009 東薈城shopping+城門黃昏跑打氣+西部通道睇日落+元朗大球場4k

今日訓到日上三杆, 起身食完個早餐(應該係brunch), 就換衫出街街!
第一站係東薈城shopping, 因為上次去過見到d sporty bra好平, 今次打算入貨, 不過今次睇過adidas同埋NB都無o岩心水既款, 最終都只係買左一衫NB既跑衫  
我地行到4點幾, 第二站就去左城門同參加左黃昏跑既CHING CTSE打氣, 我地由大帽山方向行去5K折返點, 大約都行左1K有多先到, 其實呢個位我諗都幾好跑, 因為係全平路, 但尋日黃昏時刻我就覺得好曬, 或下搵次朝早試下呢條路先!
o係城門餵完蚊, 跟住又要拿拿林趕下場, 因為要趕住影日落, 今次去左一個我地從未去過既地方影, 就係白泥附近既山頂....
影完相, 又要趕住去元朗大球場啦, 今次同上星期一樣, 都係先跑2圈半之後再做拉筋熱身, 但唔知係咪溫度高左, 同埋今日實在行得太多, 好明顯我係辛苦過上星期, 雙腳由頭到尾都提唔起, 而橫隔膜由頭痛到尾........跑左5圈, 照舊要抖一抖, 飲飲水拉拉筋, 之後再繼續, 到第7圈其實已經唔係好頂得住, 但我一定要堅持落去! 最後, 死死下都俾我捱足10個圈! 好明顯10圈係我極限, 我諗要過多半年我先可以加圈啦!
跑完我飲左好多好多水, 返屋企上磅一睇...........竟然重過我出街前....

是日餐單 :
早 : 麥皮一碗, 蛋糕兩片
午 : 上海拉麵一碗, ZERO半罐
茶點 : 珍珠奶茶一杯
晚 : 淨米粉一碗

[ 本帖最後由 豆豆媽 於 2009-7-13 10:11 編輯 ]

豆豆媽

原帖由 ~~菲菲~~ 於 2009-7-13 10:15 發表

                               
登錄/註冊後可看大圖

噢, 原來豆豆媽開咗blog, 都未來歡迎
好耐有見啦, 仲好掛住豆豆添
歡迎加入跑步瘦身行列呀, 我都係咁減番來, 加油呀hgj091" />" />hj

多謝菲菲, 我會努力架啦

豆豆媽

原帖由 nc 於 2009-7-13 10:32 發表

                               
登錄/註冊後可看大圖

豆豆媽去了成日街, 加上曬了數小時已很攰了, 但都堅持去運動場走番吓, 勁呀 " />" />

如果對腳冇痛, 一星期跑3天左右, 肯定很快可以過10個圈的關口, 加油呀豆豆媽  " />" />fvhfgj

多謝nc ctse!
不過話時話, 我雙腳今日已經一d痛同埋酸軟都無啦, 我諗我地肌肉已開始適應, 應該可keep到一星期跑2-3日(如果唔懶既話)

豆豆媽

原帖由 曲奇 於 2009-7-13 12:07 發表

                               
登錄/註冊後可看大圖

豆豆媽，多謝你尋日黎做攝記呀...
由朝玩到晚，夜晚跑o個陣當然會辛苦d啦...
下次試下跑完5個圍後唔好休息，keep住跑睇，睇下自己上限可以跑到幾多圈啦...
相信在不久的將來你可以一口氣跑哂十個圈呀~~

我尋日無影相呀, 係parco爸影咋, 我係去同你地打氣架
連跑十個圈......遲d先啦, 我而家連跑5個都窄窄地

豆豆媽

原帖由 WinggniW 於 2009-7-13 12:23 發表

                               
登錄/註冊後可看大圖

豆豆媽尋日行程好緊密喎! 天氣咁熱+曬+去完咁多地方都有恆心跑步~一定要讚呀 !遲D秋涼再加圈數一定無問題! 加油加油 !!!!

休息左成個星期, 唔可以再懶架啦, 何況而尋日跑完而家雙腳又唔痛, 更加無藉口唔跑啦 不過30幾度跑真係幾辛苦, 夜晚都係咁話

豆豆媽

元朗大球場4K(第一次一口氣完成10圈)

原本星期三計劃放工去跑, 但到左放工既時候, 已覺得體力唔會應付到, 可能因為自己慣左唔食晏, 一到放工就好肚餓, 手腳又無乜力, 所以最終都係放棄左.......

休息左一星期, 今日一定唔可以再偷懶啦, 見打完風又涼涼地, 就出左元朗大球場啦!

去到都係2圈半熱身之後拉筋, 今日既目標無變, 都係10個圈, 第5圈我會稍作拉筋同飲水....

頭2圈呼吸都係好亂, 唔知自己想點, 第三圈開始, 我試下用自己既呼吸節奏, KEEP住1-2-3-4(呼)1-2-3-4(呼)1-2-3-4(呼).....之後覺得條氣開始順返D, 但依舊橫隔膜有少許痛, 但不太嚴重, 我就試下大大力呼氣.......好似好左少少, 跟住.....我都好唔怕醜咁試下呼氣時嗌出黎......又唔敢嗌得太大聲......所以就keep住1-2-3-4(唉)1-2-3-4(唉)1-2-3-4(唉).....又好似真係舒服晒喎......到完成第5圈, 本來之前打算會停低拉筋飲水, 但發覺條氣又ok, 腳都未開始軟, 於是就打算俾自己第7圈先拉筋, 一路跑都keep到穩定呼吸, 只係雙腳慢慢咁提唔高......唔覺唔覺........原來自己已一口氣跑左8圈啦!!!!!不過當時雙腳已無力, 但仲有2圈就10個圈, 我咁都唔捱埋落去好似好唔抵喎!於是就死死氣捱埋佢啦........到最尾一圈, 我跟住外圈一個哥哥仔既步伐跑(佢都唔慢架...)到最後我仲過埋佢tim(不過我o係內圈), 但我都好有滿足感!!!

我真係估到唔自己真係可以一氣呵成完成10圈! 對我黎講真係一個創舉!不過下一次如果唔可以一次過完成唔, 我怕到時會好失望.......

豆豆媽

多謝曲奇ctse同埋nc ctse鼓勵, 尋日其實有少少唔服輸心態同埋極度不自量力......攪到今日周身骨痛........不過無可否認, 破左自己既目標, 真係好有滿足感架

豆豆媽

原帖由 花子阿DEE 於 2009-7-20 11:30 發表

                               
登錄/註冊後可看大圖

豆豆媽加油~~hgj091" />" />hj
豆豆媽,小弟幾年前開始跑既時候減磅都減得幾快,如果跑步最主要目的係減磅,小分建議豆豆媽暫時唔好理個速度,放鬆慢跑,如果每次都跑到45-60min 效果應該會比較顯著~~

多謝dee兄提點.....等我下次以時間為目標, 而唔係以圈數為目標

豆豆媽

原帖由 WinggniW 於 2009-7-20 13:44 發表

                               
登錄/註冊後可看大圖

恭喜豆豆媽~完成目標 4K -> 10K 好大進步呀 !!!

每次定左target之後可以完成到, 真係好大鼓勵o架! 今次跑完10圈, 遲D可以再跑多D o架啦! 加油!!!

係10個圈....唔係10k 呀.......我仲未有咁堅