毅行事後發嗡風區(各毅行隊員回憶錄集中在P.1-2)

allanccl

亞亮的毅行感想

回想今年四月尾拉筋拉傷了左髖關節，醫生命令唔准做任何運動休息兩個月，所以當時見到話報毅行等抽簽，小弟都唔理，因為髖關節就是痛、痛、痛。六月中的時候，有人PM小弟問有無興趣毅行，對毅行一無所知的我就話要試吓對腳跑唔跑得先決定，落運動場試過慢跑，又好似好番好多咁，所以就應承參加，當時見A隊好似好強，唔敢加入A隊，而B隊是個女隊長，雖然一早都知她不可睇少，都係揀咗B隊，內心十五十六，一方面怕自己未好得番晒，會越弄越傷，另一方面又怕拖累佢地。好想拒絕，但又好想試吓，結果連續兩個星期都打風落雨取消，直至七月頭才操第一課，那次好甘，原來佢地麥徑一段已經係咁跑都唔理上斜定落斜---完全違背左約操山既操練方式 : 平路/落斜慢跑,上斜/上山行，總之就是跑、跑、跑。食左止痛葯死頂咁跑，到上西灣山，兩個月完全無跑步，一跑番步就係咁激烈，難為對腳已經抽筋抽到九彩，幸得壞人兄借膊頭給小弟扶住做拉筋，拉鬆番少少後，全部人都走晒，為了跟上大隊，雙腳抽住筋係咁追，唉!最後都總算完成麥徑一二段。回家之後來個自我檢討，究竟自己好番未呢？最後不知是自我安慰定係了解自己，認為係傷病休息太耐，體力未回復狀態。比多次機會自己，同時每日自己加操上斜及行樓梯鍛練。
接住落黎既操山，體能一次比一次好，因為知恥近乎勇，淨係得自己知道自己傷患初愈，其他人原來唔會體諒你，只會用怪責既眼神望你，所以的起心肝，每朝早上都由屋企跑去石澳隔離既大浪灣，摸一摸第二號救生亭就回頭走，這條路線有成二千級石級，又有1.5K既大斜路--龍躍徑，又有少許山路，短短地，但係功效非常好，感覺到以前的體力不但回復了，而且比受傷前更好添。
接住落黎既操山，多次都令小弟失望，其中一次最難忘，亦係最唔開心既，就係一個曾經參加多次毅行既隊友，大家心目中都希望佢提點一吓，點之，一次又一次令人失望，佢有佢自己行，隊長和我地三個人迷路既事竟然會發生，心中極之不快，咁既隊友，何來團隊精神，算了，唔好再指意佢；好彩發現隊友平兄原來講嘢風趣幽默，隊長又經常對住小弟個鏡頭笑，咁就捱埋去啦。跟住之後的操山，發覺自己的體力同佢地已經有一段距離，有一次行麥徑7-10，起初7-8段小弟同A隊既力士兄只用了兩個鐘頭四十五分鐘，到左大帽山小食亭等左一個鐘其他隊友先到齊，為維護團隊精神，由該日第9段開始小弟決定以後會全程殿後，其實殿後好辛苦，前面d隊友慢吞吞時，對腳要一吓一吓咁行，好難受，如果可以跑，慢跑係舒服過行的。
其實只想解釋下操山初期既身體狀況，以正視聽。
唔想再寫落去，因為傷害人的事不能說，過去了的事不想再說。
總括來說，毅行是人生裡非常難得既經驗，好多謝SUE隊長同各隊員並且各支援隊隊員!


[ 本帖最後由 allanccl 於 2010-1-31 21:24 編輯 ]

allanccl

原帖由 亞平 於 2009-12-3 00:02 發表

                               
登錄/註冊後可看大圖

A隊尚欠亮哥一文...亮哥唔好成日掛住搞機,寫下野啦..

而家搞機搞到乜都唔記得晒啦，點寫呀？放過我啦!

allanccl

原帖由 Patrick 於 2009-12-2 21:32 發表

                               
登錄/註冊後可看大圖

我又發下嗡風, 有興趣看"風"者, 請到 #5 睇啦!
https://www.longrun.hk/forum/viewthread.php?tid=7231&page=1#pid412866

睇過Patrick既發嗡風之後，好嬲! 我都寫啦!

allanccl

原帖由 Parco爸 於 2009-12-4 09:16 發表

                               
登錄/註冊後可看大圖

...唔係咁..你又點會動筆呢...

動筆還動筆，都係搞下機先!

allanccl

？？？ 唔明!!! 唔係豆豆媽映咩？ 豆豆媽帶咪得囉!

小弟會帶384去，已經捉左弟弟黎渣機，不過佢唔會早黎，一來佢想訓多d，二來天未光映唔到，所以會叫佢七點半後先黎映相。我送左網衫俾佢架啦，邊個想映相既網友，記住著網衫，我弟弟唔識大家，只認網衫!

allanccl

原帖由 大圍新跑手 於 2009-12-10 10:01 發表

                               
登錄/註冊後可看大圖

Parco爸你仲好意思講, 都係你帶壞佢law~

簡直無得救! 今日又買左支鏡，有排都唔得閒咯!

allanccl

原帖由 大圍新跑手 於 2009-12-10 20:32 發表

                               
登錄/註冊後可看大圖

嘩...亮哥買咗支咩鏡呀?

騰龍B005N II AF17-50mm F/2.8 XR DiII VC
好正! 好滿意，唔捨得放手! 哈哈!

allanccl

佢有埋防手震，岩晒我地呢d老人家!

allanccl

原帖由 Parco爸 於 2009-12-10 23:28 發表

                               
登錄/註冊後可看大圖

無必要就不必用防震...
另外用腳架記得關防震.....

都未摸到點樣開防震，不過平時都要摸熟d性能，到最後才決定用唔用果d功能。
唔該晒Parco爸!

allanccl

原帖由 Parco爸 於 2009-12-10 23:28 發表

                               
登錄/註冊後可看大圖

無必要就不必用防震...
另外用腳架記得關防震.....

用腳架唔用防手震，收到!
其實小弟都唔明，價錢貴一半就係多左防手震，點解唔用呢？

allanccl

原帖由 Parco爸 於 2009-12-11 09:46 發表

                               
登錄/註冊後可看大圖

其實....
大膽講句.呢支鏡.你係無咩機會用防震...
佢比舊一代鏡頭口徑大左.....
而呢樣又係好重要既改進...所以叫你買呢款新野...
防震..當是甜品..唔食..你都會飽...食埋多一份滿足感...

PS>>>
用防震是用緊你Body既電嫁..環保呀..慳得就慳嘛...
用防震既相質...其實是差DD嫁...唔信的話..你試下用腳架..影兩張...一張開防震..一張關防震...

明解明解! 又袋錢落我袋，謝謝Parco爸!