跑步俾阿婆"界刂"

wlau

話說今晚跑夜步, 十一點幾跑維園大草地...
跑跑下, 有個人跟住我跑, 我停佢又停, 咁我奇怪, 望一望後面, 原來係一個阿婆...
佢同我講唔好意思, 跟住我係因為成個大草地無乜人跑步... 佢自己一個跑, 驚俾人打劫,
咁岩見到我這個正直既肥仔經過... 所以就立刻跟住我尾.... 但見我停, 佢又唔夠膽自己一個跑.... haha
之後同佢吹水... 原來平時有d 仔女陪佢一齊跑... 但今日d 仔女ot, 無人陪佢跑... 所以就膽粗粗自己一個落來....
但落到來又驚驚地...... 所以一見到我, 覺得我夠大集(肥), 個樣又正直, 就立刻跟住跑, 但佢跑左都無半個圈就見我停(其實我岩岩爆完7k, 想走)...
所以佢都無奈咁停..... 咁見佢老人家都咁肯跑, 咁無理由走既...咁就陪佢跑多三個圈(1.8k)... 跑完都十二點幾, 再同佢吹水咁陪佢返到佢屋企附近...

之前一路跑圈一路望d 慢步行既靚女.... 成日想問下小姐一唔一齊跑... 估唔到小姐就無... 阿婆就有個.. haha...

其實個阿婆都幾健談, 如果有跑開維園午夜前後既, 都可能撞到佢~