|
原帖由 wongc 於 2009-12-17 09:54 發表
多謝ching關心(其實我都唔認得邊位係你). 昨晚皆因大隻型男靚仔卓卓跑在我前面令我分神 , 無留意地面不平, 叉錯腳碌左下地沙, 好彩只係擦算少少. 麻煩各位靚仔以後盡量唔好係跑係我視線範圍........
真係要多謝各位前校長, 現任校長, 副校長, 校監, 校董, 校友, 校工, 各位同學的安排及出席.
真係無講錯, TKO 真係有好多型男, 重未計尋晚未嚟ge 極品型男(講笑!)
查實係經過地盤, 路面不平, 又有沙石, 咁啱又有彎位, 真係要小心!
但點知今晚自己又中招... 因嚟緊有比賽, 最後一晚操練速度課,
响運動場出面跑跑下, 唔知俾乜嘢絆倒, 成個人好似餓狗搶X咁, 碌低咗!
成十幾秒郁唔到, 好在威 ching 番轉頭扶起我, 右膝、右肩、臉孔損咗,
連手襪都穿埋, 跟住有兩個人行埋嚟幫手... 原來元兇係佢兩個...
佢地係康文處的工作人員, 因為要淋花, 所以响水車拉條水喉打橫穿過單車徑、
行人路去花圃落水, 就係咁出事喇! 威ching 即刻質問佢地:
點解咁夜嚟淋花? 點解日頭唔淋? 做乜要拉喉? 唔通無自動灑水系統?
點解無... 佢問咗好多問題, 我真係痛到乜嘢咁, 都唔知佢地講乜...
最後都可以企番起身、郁到, 好在威ching 陪我拐咗一陣...最後都可以番到屋企!
先排整親左面膝頭, 好得七七、八八, 依家又撞親右膝、右肩...
真係當黑!!
若果 ching/ctse夜晚要跑步, 真係要小心康文處拉水喉淋花... |
|