大年初一利是跑6k
今日大年初一,恭祝各位跑友長跑長有/友,身心健康,無傷無痛,比賽場場pb!
早上615約vincent將軍澳地鐵站等,一起出發馬鞍山, 約7點多到達,
馬鞍山早上氣溫約11度,無風,無太陽,是跑步好天氣,可能是大年初一,人很少,
行落到海濱長廊起跑點,寄好行李, 同vincent兩個落長廊來回熱身約2k,到起跑線等起跑,
起跑線上氣氛很好,男女司儀主持講恭喜說話,主辦機構負責人同大家拜年,亞視也來報導,
同vincent排在前面第三行,有ET,夢璃,JUNJUN, 8點鐘禮炮聲一響,由財神領跑........!
一大堆人即刻由海濱長廊向著沙田方向跑,路面好闊,一路都無塞到人,開跑速度好快,
跑到有些氣促,放慢少少,這時ET,JUNJUN從後追上來,JUNJUN很快,ET稍慢,第1k配速3'51'',
諗住拍著JUNJUN跑得幾多得幾多,但佢很快遠離我,再拍著ET跑了幾百米,第2k配速4'12'',
追唔到兩個快腳,唯有跑番自已,後面D人陸續超前,但睇到是年輕人,由佢地過,第3k配速4'18'',
3k到了海濱長廊尾風車位折回,見到成日在將軍澳練跑既日本小妹妹好快好快,離我不遠,
跑多一陳見vincent,小師妹,波哥,大家舉手加油,見到後面無同組人,配速稍為下降,第4k配速4'22'',
按自已速度跑,一陣聽到後面好急促腳步,有兩個高手來了,一睇年紀係同組,鍊過,第5k配速4'17'',
再鍊多半k,就來無貨了,最後終於見到兩位同組高手遠離我,衝過終點,我也衝衝衝,第6k配速4'02''!
過終點後,第一位全場女子冠軍也衝線,原來就是9歲既日本小妹妹,真勁!時間23'52'',
小弟也有幸得到男子成人2組第四名,時間23'34'',第三名最後超越我,23'23'',下次再鍊過!
適逢大年初一,主辦單位辦得相當好,賽後由財神派利是,每個$10,朱古力金幣,運動飲品,
曠泉水,香焦,雪梨,大吉,可口賀年食品,任食任飲任拎,真係未試過一個賽事有咁多野,讚讚!
賽道可能短了300米,GPS時間
,http://connect.garmin.com/activity/271518865與全場女子冠軍9歲既日本小妹妹合影