|
今朝起身, 居然無落雨, 地下重好乾爽...
啦啦聲走去搭車比賽, 以前未去過, 唔識路,
好彩同車有 CTSE 識去, 時間啱啱好,
攞號碼布、寫號碼、擺物件、聽講解、熱身...
果頭埋位, 果頭就開始, 聽到有人話: 吓! 跑嗱...
不過真係早咗1、2分鐘 START!
第一段跑步尚可, KEEP到第六、七個,
但落到水就比人係咁過頭! 由跑轉游, 真係好索氣,
要調整好耐!
去到第二個圈游水, 我諗已經落後到中下游位置...
第二段跑步只係追番三、四個, 有力但無氣!
我諗名次响中間, 今次跑項長咗, 以為有著數,
但結果係錯ge, 游水蝕太多!
時間:
1. 15:xx (跑步)
2. 17:xx (游水)
3. 16:xx (跑步)
合計: 50:xx
第二次著鐵人衫, 都係覺得緊, 游水唔多覺,
但跑起嚟幾辛苦, 唔似平時跑步果陣咁飄然!
但 ginny ctse 話大咗添, 起晒皺, 應該要好貼身至啱!
可能平時著開好鬆身ge 跑衫跑衭跑步, 無咁壓迫感!
突然包到實晒, 真係有啲唔慣!
** 啱啱望到天文台網頁, 响11:35發出雷報警告,
真係好彩, 所有賽事應該完晒! |
|