|
8.02
本星期大隊停操麥徑, 所以今日自已獨走一課。近近地逆走衛徑二,一段, 上午10:00出發, 全長約10k, 但走左3:15先行完, 比自已預期慢好多。
今日真係好熱,原本計劃上斜行, 平路落斜跑。 跑左一陣已經頂唔住, 最后變成上斜爬, 平路落斜行…… 山上太陽好勁, 又無乜風, 好似焗桑拿咁, 真攞命! 行完衛二段, 都想放棄唔再走, 但衛一段只長4k幾, 咪頂埋佢。走完紫羅蘭山都好好地, 但去到孖崗山就出事, 因為個2L水袋無晒水, 只剩下1支水特(原計劃黎支水特當後備, 行完先飲), 加上孖崗山d樓梯真係好長好長, 仲要打孖添, 真係攞命! 但行完孖崗山就可到赤枉, 梗係頂埋佢。 最后終於都完成到, 下次行山都要睇睇天氣報告先! |
|