Perre - 愛跑步, 只因我愛跑步

perre · 發表於 2012-9-26 23:25:45

日期：9月25日
時間：晚上7點半
短評：今日再去深水步運動場，先黎5隻熱身，再做10隻衝圈，照
舊4分鐘連休，首8隻係1:35-1:39之間，第9同10隻要
頂住先做到1:40，去完草原放完電未回復？比二星期前吃力左！
之後做多10隻Tempo，共走左25個圈收工！

登錄/註冊後可看大圖

perre · 發表於 2012-9-26 23:26:10

日期：9月26日
時間：晚上8點半
短評：呢排諗左一種適合自己的跑步方法，好多人都話大腿要抬高D，咁自然步幅大D會快D，但以我接近168磅體重，如果大腿抬高D，就算再放輕腳落地但反撞力點都不少，試舉一例子，原地跳高一吋，就算跳100次，腳嘅反撞力點都跳一呎高時落地少好多好多，所以我針對呢個問題，今晚試下用高頻取代抬高大腿的方法，每一步腳掌離地唔會太高，盡快落地後再踏出另一步，試由麗城花園去到深井籃球場5公里，早二星期前夜晚時間係27分30秒，今晚可以做到25分30秒，竟然快左二分鐘咁多，當然近來做左四次的間歇跑絕對有點幫助，到深井後停低做少少檢查，雙腳感覺好似做完競步似的，只係感覺到大腿用過力，其他地方狀態好好，喘氣情況都可以係2分鐘內回順，於是補少少水，前後小休3分鐘就開始慢Jog回荃灣，這個速度令我十分鼓舞，好像有支強心針似的，相信二個月後，呢段路程要做25分鐘以下應該可以輕輕鬆鬆了。

登錄/註冊後可看大圖

perre · 發表於 2012-10-2 12:53:38

日期：10月2日
時間：早上8點10分
短評：今朝一個人的起心肝開始做LSD，起步時同某君以7分/K慢Jog做開氣跑，跑左4公里左右到機場展覽中心後，某君便試腳後回頭，而我便繼續進發，今天好好彩，無論深井、黄金海岸和置樂花園嘅交通燈都係綠色的，原本沿路都好好風，只係太陽伯伯有少少曬，但過左黄金海岸後，可能入左市區，無風之餘太陽亦已經好曬了，於是到置樂7仔買水，當時睇錶跑左16.7公里，時間係1小時42分，花了二三分鐘買水後便繼續出發，盡量唔休息，到左藍地附近剛好21公里半馬路程，再望一望錶，時間係2小時10分，路住去到洪水橋大約23公里左右，開始頂唔緊，太陽真係好堅，又熱又無風，入左七仔買左支寶礦力後再小休左好幾分鐘才可以慢慢job入元朗，去到元朗運動場門口，合共跑左25.75公里，時間花左2小時44分，但已經攰死又餓死了，下次都係要帶定Power Gel.

登錄/註冊後可看大圖

perre · 發表於 2012-10-4 22:39:50

日期：10月4日
時間：晚上八點半
短評：來回一個青龍頭，原想做Recovery，但做完D乳酸無散到反而好似多左∼∼∼失敗鳥∼∼∼！

登錄/註冊後可看大圖

perre · 發表於 2012-10-6 14:46:25

日期：10月6日
時間：攞你命三千之正午時份
短評：在30度的正午，由屋企樓下開始跑上引水道，再沿引水道跑到城日小食步約10.5公里，花左1小時9分，跟住買支水，洗洗臉，順便試下包可樂Gel，一試就發覺超正，好似食可樂糖咁，容易入口一試難忘，比之前食果D簡直天堂與地獄之別。抖左一陣跟住繞水塘跑多7.5公里，但很半部有二條爬坡路，太陽伯伯好堅，結果都係變成步兵行上去，再返回城門小巴站後共跑左18.14公里，時間花左2小時9分鐘，跟住抖左一陣便行左去可風中學坐48X返屋企。

登錄/註冊後可看大圖

perre · 發表於 2012-10-12 22:36:45

日期：10月12日
時間：晚上九點幾
短評：今天返工好忙，做到腦都實埋，但原來腦袋空白一片加上天氣涼快了，更能夠集中精神，全力跑快D，結果同一條由屋企樓下海旁到深井籃球場這條5公里的路，今日既然可以做出24分59秒82分的時間，剛剛好緊緊在25分鐘內，真係好，之後係水機飲左幾啖水再慢Jog返荃灣，返到來臉不紅氣不喘，雙腳好似無跑過咁，一點也不累，其實今晚真係可以做一隻20-25公里的長課，但算吧，留番D力一間開工OT做野吧！

登錄/註冊後可看大圖

perre · 發表於 2012-10-14 11:48:48

日期：10月14日
時間：早上九點
短評：上星期手多多報左New Balance 15公里賽，四星期後的同一日同一時間便係呢個比賽日子，如果好似今天嘅天氣，真係無把握1小時30分鐘內攪定它！今天好屎熱，但去到深井買水時見到娃屎，之後一齊跑向青龍頭，但到浪翠園唔見左佢，之後我去到7.5公里回頭，係深井七仔又見到佢，再一齊跑番荃灣，去到嘉頓都重見到佢，但上到汀九橋又唔見左佢，真係神龍見首不見尾！

登錄/註冊後可看大圖

perre · 發表於 2012-10-16 23:47:05

日期：10月16日
時間：晚上七點半
短評：今晚又到一個人自隊日，去到深水埗運毒場，唔知咩事幾百人係度，Locker又少，又唔係無空間但政府都慳埋果叮屎咁多錢，加多100個Locker都唔夠一個局長開公數食餐飯啦，頂佢個掣，排左半粒鐘等到個人"偶偶"地又燥燥地！
好不容易攪掂個Locker，換好衫拉好筋就做熱身，跟住先食10個圈做熱身，Pacing大約5分半，返來22分59秒都算唔太慢啦，但10個圈中男女老幼不停界我，我都忍，切忌心急，忍都係長跑嘅重要一課！
跟住原想食大勇B餐，即食2隻每隻18分鐘內10個圈，但唔知係咪燥燥地，一開波跟左一男一女後邊，跑左個圈返來Pacing 3分35秒，好似好快但又唔覺辛苦，還界左不少人，於是繼續死跟，但跟左3個圈開始覺辛苦，Pacing開始跌到落4分05秒，到第7個圈唔知因為空肚還是腹肌唔夠力，"嗱姐"位扯得好痛好辛苦，Pacing跌到4分外過外，咬緊牙筋死忍返來後睇到時間係18分08秒，覺得自己好有進步亦得到一個大教訓，進步係呢個時間對我來說很好，相信24分內可走到5公里，距Sub50日子不遠矣，但今晚真係開波扯爆晒，頂唔到多二個半圈試10公里，下次吧！而得到嘅教訓係經驗不足，頭一圈雖然輕鬆但唔代表咩，如果由頭圈Keep係4分05-15秒之間，相信10圈回來17分前後應該OK而且舒服好多，熱身先叫自己忍，但呢10圈又忍唔到，下次要學乖D先得！
最後走多10個圈做cool down，返來時間24分15秒！今晚唔覺唔覺跑左30個圈，而結果係"有得有失"四個大字！

登錄/註冊後可看大圖

little-fish · 發表於 2012-10-17 14:06:18

乜？師兄咪已經万米45以下咩？乜sub50 啊？睇到有點混淆了

perre · 發表於 2012-10-18 23:06:07

原帖由 little-fish 於 2012-10-17 14:06 發表

 登錄/註冊後可看大圖

乜？師兄咪已經万米45以下咩？乜sub50 啊？睇到有點混淆了

我好少比賽，最近係4月1日復活跑10K，時間係53分，還未跌穿50以下，失禮晒！

perre · 發表於 2012-10-18 23:10:39

「日期：10月18日
時間：晚上七點
短評：今晚送雪櫃入沙田，順便踩踩大勇隊個場學吓野，先黎6圈熱
身，再跟佢地操，主菜係4隻6圈18分連休，可能跑左6圈熱身做
開氣，頭一隻跟住大圍後邊第一個圈跑1分31秒，之後覺得太快，
一路收一路收，6個圈返來10分41秒！
第二隻發覺之前跟錯跟錯大圍，於是呢次跟郭指跑1分41，死咬住
佢後邊3步之後，咬左4個圈鬆D無力，最後二圈跌到落1分51重
要比小叻姐界埋，返來時間10分59秒！
第三隻發現之前爆爆地唔對路，於今次跟Lawrence跑1分5
4秒，又係死咬住佢三步之後，6個圈返來11分30秒！
之後跑多3個圈Cool Down再拉筋收工，今晚咁就食左27個圈共10.8公里，飽晒
！‎」

登錄/註冊後可看大圖

akirayuki · 發表於 2012-10-18 23:51:30

樓主好勁呀!

大家俾心機, 互勉之!

perre · 發表於 2012-10-20 09:09:52

原帖由 akirayuki 於 2012-10-18 23:51 發表

 登錄/註冊後可看大圖

樓主好勁呀!

大家俾心機, 互勉之!

perre · 發表於 2012-10-20 09:10:35

日期：10月20日
時間：早上七點
短評：今朝六點多就起床流洗後便出門了，不知因早起床還沒醒來還是星期四那三個2400強度原來不少的因素，今朝拉筋後起步不久便發覺不給力，到了深井嘉頓見到K隆星人時還是沒有力，到浪翠園回旋處爬坡後連鬥志沒消失了，於時便回頭做第一次步兵，一直行到馬灣碼頭才慢Jog，但在嘉頓爬坡後，在汀九橋底要做第二次步兵，行了約300米才開始慢Jog，好不容易才返回麗城海旁，一共跑了11.9公里，時間為1小時11分包二次步兵，平均Pacing是5分59秒 ..... 看一看時間，又真的不似狀態如此差！

登錄/註冊後可看大圖

paulsham · 發表於 2012-10-20 12:59:54

Hi 師兄, 今日朝早跑步時好似見到你~

perre · 發表於 2012-10-25 22:35:24

原帖由 paulsham 於 2012-10-20 12:59 發表

 登錄/註冊後可看大圖

Hi 師兄, 今日朝早跑步時好似見到你~

係？下次Say個HI啦∼∼∼∼如果唔係跑得辛苦，一般就算唔識我都會叫聲早晨，但果朝真係好攰！

perre · 發表於 2012-10-25 22:35:46

日期：10月25日
時間：晚上八點九
短評：今晚走左落街跑青公，起步跑左500米左右開始發力，平均唔夠5分1K，雖然有二段爬坡，但去到深井籃球場5公里仍是25分40秒，但跑得都幾盡下但都過唔到25分∼∼∼還需努力！
回程時剛好嘉頓爬坡，順便回一回氣，但一回就七分1K，去到汀九橋底見到胡SO回程才叫跑返順，回程用左30分59秒，合共用左56分39秒

登錄/註冊後可看大圖

perre · 發表於 2012-10-25 22:36:27

曰期：10月22日
時間：晚上七點
短評：因明天假期，故原定明天的衝圏改為今晚，今晚：
前菜 - 10 x 400 熱身
主菜 - 3 x 1200連休共11分，三隻分別5分05秒、4分57秒、5分15秒，跑完第三隻後夊餓又無沖擊力，屎屎吓咁便收工！
甜品 - 6 x 400 cool down
是晚走了25圈共10公里

perre · 發表於 2012-10-26 23:56:50

日期：10月26日
時間：晚上七點半
短評：今晚一眾15人走左入沙田玩
前菜係﹣先由沙田運動場慢跑入馬鞍山梅子林山腳，小休幾分鐘
主菜係﹣喪跑梅子林上斜約1.8公里鬆D，跟住慢跑落山作回氣再休幾分鐘，小休後再跑多次上山，二次分別係9分44秒和10分01秒。
甜品係﹣由梅子林山腳跑返沙田沖涼，開頭平均速度5分鬆D，跟住過左雙穚知道大C兄從後追上，聽到佢腳步聲越追越近，於是我就越跑越快，最快去到3分50秒1公里嘅速度，足足跑左300米左右，但都抵擋唔住佢，比佢一陣風地閃過，之後意志一洩便停底，停左十秒後又發覺郭指係後邊趕上，於是便跟住佢後邊約4分50多秒的速度跑返沙田運動場∼∼∼
但明明係甜品，唔知點解咁辛苦，好似比賽咁去盡嘅？今晚跑左約16公里，散晒！

登錄/註冊後可看大圖

perre · 發表於 2012-10-27 14:35:37

日期：10月27日
時間：正午12點半
短評：前晚和昨晚去得太盡，今朝起身一腳乳酸，是需要一個慢跑作Recovery的！

登錄/註冊後可看大圖

		自動登錄	找回密碼
密碼			註冊

Perre - 愛跑步, 只因我愛跑步

回復 208# 的帖子