升級
100%
TA的每日心情 | 慵懶 2013-10-6 15:26 |
---|
簽到天數: 1 天 [LV.1]初來乍到
|
有驚無險行到晨早九點之雙坳唔好口...!!
http://www.runtastic.com/en/user ... t-sessions/25492311
由於之後幾星期都有賽事無咩時間操,所以把心一橫整個雙坳玩下...為左慰勞大家,我就揹埋冰袋雪種裝兩支1.2L的水動樂在裡面待獅子亭攞出黎俾大家可以冰凍爽爽,就當多一次負重訓練,而另加的兩支清水就一支給了胡SO,一支給了施SIR,等中途可以給大家補水..!!而大隊搭車到達北潭坳時,成成與施SIR已經在等我們,而施SIR原來從青衣跑50+公里過來..@@早知就唔俾支水佢攞,我自己攞埋喇!
因天氣好到不得鳥,溫度唔高又有風(入黑後直頭有D凍添),所以起步時相當C服,一貫作風蝦佬又想快放,但路途遙遠今次唔俾佢放縱,叫停佢改由EDDY牽頭,真係要讚...全程步速穩定適中,個個都行得好輕鬆!!M3-4(2:26)休息7分鐘放水買汽水後(2:33)再上路!
因天氣好同一早落左ORDER慢行唔跑,去到第5段前都無咩事發生,只係胡SO話好眼瞓,但食左施SIR包GEL就無問題鳥同埋沿途無端端有個女人在我同胡SO之間出現,仲同我地傾左陣計,真係差D俾佢嚇親,所以基圍爾無停!M4-5(5:54)
到第五段都仲係好輕鬆,可能聽歌傾計分散左注意力...愈行條路愈窄,再聽到狗吠聲,先知到行左入著名的捷徑"狗吠徑",不想行捷徑要原汁原味,所以回頭上回樓梯位(浪費了18分鐘)!繼續向沙田坳道進發,到沙田坳道後的落斜就慢JOG落去鬆下D雞肉喇,(6:50)到獅子亭後半程休息18分鐘,飲冰凍水動樂,補水食野加休息,(7:08)再出發,在漫長山路樓梯位中約8:00左右,今次已經好克制的蝦佬突然發出辛苦警號,見佢有D頭暈暈,於是就停下休息7分鐘,之後再收慢向大埔道進發,去到金山道(9:01),由於蝦佬想食熱野,我地就一行人落大埔道的油站補給,行下行下原來都K幾先到,之後蝦佬如願食到杯麵,食完後佢好似大力水手食完波菜咁添,WILSON就因時間問題先走,大家再補水上路回到金山道已係46分鐘後,(9:47)
第六段沉悶的上斜馬路位,不過由於月缺,所以個天滿天星星,好鬼靚,加上天色好,所以沿途慢慢行欣賞星星都增添唔少樂趣!到達城門燒烤埸(10:46)之後當然係飲可樂喇!不過比預期慢左,所以只停了9分鐘(10:55)再上路,而成成就決定離開!
上針山後天色已開始光,有D紅霞很是美麗,而行跑了近百公里的施SIR亦首次見佢出現疲態,落完針山上草山,日已出影完相後再上路,到達鉛礦坳施SIR因時間問題亦要離開!(13:09)休息9分鐘(13:18)再出發上今次行程最後一段.....點屎都屎埋佢喇..!!
上完一輪碎石山後,殘酷的太陽伯伯唔多可憐我地,臨尾都要辛苦下我地,去到四方山涼亭見到幾十隻牛牛,唯有唔休息繼續上喇,而上回車路後開始見到好大棚人行緊,應該係教室的人,沿途見到過百人,真係成晚都見唔到咁多人..!!行到上大姆指石後,應該無幾耐就到頂,於是就一口氣跑埋上去...到頂後等齊人就慢JOG埋落扶輪公園完成今次雙坳唔好口的壯舉喇..!!(15:07)
在扶輪公園見到曲奇,佢第一句就問我;[你地無野嘛?],先頭唔知咩事,原來係成成同JUDY等左我地好耐,佢以為我地出事先行得咁慢!成成同JUDY真唔話得,竟然攞左D腐竹糖水,三文治同月餅黎俾我地食...真係感動到想喊呀....多謝晒..^^
[ 本帖最後由 tank1438 於 2012-9-17 16:10 編輯 ] |
|