2014.08.09 仲夏越野賽 第三回合-城門 MIDSUMMER RACE 3

ericng1026

今年呢個夜賽有三個回合(上年兩回合)：九龍、香港及新界。雖然大會又更改路線及縮短到接近10k，但今日試完路發覺黎緊後晚係新界既第三回係最難既；第一回初段上鈄既路較多，而第二回就中後段既紫羅蘭山係咁上樓梯。


黎緊呢個賽道可以話係第一回加第二回既混合加強版，初段係咁上長命鈄，之後經麥理浩徑第7段，上樓梯到針山，以為針山係呢次賽事既重點，點知好戲在後頭！係針山頂落樓梯到分支位，竟然見到大會方向指示牌。因大會通常係比賽當日或前一日先至會整路標指示，所以以往試路都比較困難，經常走錯或揾唔到路，又或者我試完路之後因某種原因，大會改變路線。一轉左入分支路，估唔到今次夜賽要爆山鏟林，以往我玩過既夜賽係未試過既。


首先出現既橙色格仔網圍，下面並無紮緊有好大個位，我日光日白見到都覺牙煙呀，差唔多成兩米深既鈄坡，而全段路一定要身靠左手邊儘可能挨左行，因右邊都幾危險下，一定唔能夠急慢慢黎，稍一不慎冼左落去，都幾傷下同好難先上得番黎。之後有個好大既浮沙碎石鈄坡，經過要小心。中途有一個正方形去水坑，要睇清楚唔好直踩落去。後來有兩個位要行小木板過路，去到要平衡得好，第二塊木板左手邊有黑帶可輕力輔助。最後出涼亭前仲要行小水溪，小心冼襯呀~~~~ 呢段下城門水塘既山林小路，令我諗番同係呢個大會主辦機構搞既Sea To Summit。


係涼亭處轉右石屎路，經過城門隧道橋底路段，上長命樓梯跑爛路引水道，呢段路唔係咁好走，上埋最後既樓梯駁上衛奕信徑第6段，返回賽事起點、終點。

各位有參加到既ching/ctse，落完針山後，要加倍小心啊~~~~

日本專家

                               
登錄/註冊後可看大圖

逆行麥徑上針山

                               
登錄/註冊後可看大圖

針山下望城門

                               
登錄/註冊後可看大圖

主壩轉細圈沙石路

                               
登錄/註冊後可看大圖

細圈右邊危崖險路

                               
登錄/註冊後可看大圖

過河橋

                               
登錄/註冊後可看大圖

橋望城隧

                               
登錄/註冊後可看大圖

過引水道


上星期六早上8點行了一轉,官方尚未掛好指示牌,細圈碰到二組人,3男女+2男都係探路...
大圈...悶,還好針山頂風景如畫,

針山腳左轉細圈: 沈先生賽道特色...穿林過水險路處處,驚喜萬分...精華所在...正正~一路行一路估一路睇地圖...好開心!
情況好像前年sea to To Summit路線--豪宅危牆臭水管100尺向下泥土大斜坡.....跑過終點後會好有成功感!!

alivemusic

多謝分享,
落完針山左轉小路未入過真係有d擔心

ericng1026

日本專家 發表於 2014-8-8 23:20
逆行麥徑上針山

D相好正呀!!!

未掛好指示牌，咁都估到條路，ching勁啊

「豪宅危牆臭水管100尺向下泥土大鈄坡」真係經典。可能前年難倒唔少人，上年同今年Sea To Summit既路線都較易左。完成到沈先生d賽道，的確好開心同好有成功感~~~ 大滿足!!

炒炒

日本專家 發表於 2014-8-8 23:20
逆行麥徑上針山

相認先，師兄你好。

細圈真係好危險

日本專家

師兄，你說相認？？

你意思星期六那天我地碰個面??