|
原帖由 runner_256 於 2009-5-31 11:00 發表 ching 我跑過一次入西沙,途經西貢市..... 如由坑口去西貢時原馬路旁邊之行人路,係去到鄭值芝中學要落隧道及上天橋.... 如沒有記錯,有三次要環過車路:- 1. 坑口道上迴旋處,要環過影業路; 2. 西貢公路迴旋 ...
256兄, 好犀利, 連西沙都跑埋...
我都試過, 不過係踩單, 試過踩到去萬宜埧尾、西灣、黃石碼頭同埋海下, 因太多斜路, 多數會經西沙踩去大埔...
原帖由 CharlesAF 於 2009-5-31 00:28 發表 我想搵日由坑口跑去西貢, 貪沿途好風景, 不過唔識路 坐車個陣, 見到好似有啲路段唔覺有行人路, 唔通要沿馬路跑? 定係另有其他路線都可以由坑口跑入西貢? 麻煩大家教下小弟,唔該晒
Charles ching,
其實條路好難跑, 太多車, 路又窄, 又人又狗...
小弟真係未見過有人跑呢條路! (除咗 256!)
若真係要跑, 不如坐車入西貢, 再跑入去北潭涌,
或者榕樹澳, 風景仲靚, 少人少車!
又或者好似我咁, 踩單車啦! 不過要早啲!
若果果朝小弟打算要踩, 通常會 5:30 a.m.(冬天時間)出發,
避開啲車、人... 去到大網仔就見到日出啦!
番到嚟大約 10:00 a.m.
相反, 由坑口去清水灣、大坳門、或者布袋澳仲好,
風景仲靚, 尤其是清水灣至布袋澳一段重靚,
由高處望落下, 成果清水灣見晒!
車輛比較少、空氣較好! 所以成朝都見到唔少人跑步、
帶狗散步, 西人西婦亦不少! 可以諗諗! |
|