|
又一次完成樂善行
今年已經係第三次玩呢個比賽...亦都係最比心機練既一年
係今年年頭...我完全沒有信心可以做到d咩好時間/完成呢個賽事
因為年頭既時候又病又腳痛既狀態下.....係運動場連走5k都辛苦(2'3x"/400m)
好好彩咁到11月(毅行者)既時候...狀態終於回升返上年差唔多喇....
完左毅行者之後都冇休息太耐就繼續操喇...因為目標係要比上年快dd
到比賽當日...約左sue&pb係西貢早餐...再連同肥鵬一同打的入北潭涌
之後去-R-車度放低行李&交d十卜野比小強幫手帶去赤徑(萬分感謝)
起步前都驚起動唔到...因為太凍喇...又唔想著太多衫,驚到長咀會好熱(勁矛盾)
成班友仔去完廁所準備好就去種子區等起步...
入左種子區望返後面...見到後面班餓狼流晒口水咁望住我地...
我心諗(呵呵~想入種子區呀??一陣跑快d,跟住我...下年咪可以入黎囉)
起步前5分鐘左右...有巴士出緊黎...我地前面咪讓路比巴士出囉...
點知我聽到後面有起步槍聲...我同壞人講起步喇喎...佢話到未夠鐘...
望返後面...班餓狼上緊前黎喎,真係起左步喎...但係未夠鐘喎....
唔理喇...照去囉...因為凍,所以開頭用快放(樂善一開始一定要架啦!!!)
走下走下...過左細強,再過壞人...同源仔同步上第一條山路...
一路順住上...亦都跟住d高手走...爽呀...平時有幾何可以跟d高手走
到北潭坳望錶18分半...好快喎(大約2x名左右)
落赤徑條落斜收一收慢少少...順住落....亦都比幾個人過返我添...
到赤徑,壞人追到黎...一同去到小強位接水&gel....即隊包gel先...
一路跟住壞人上...進入山路...過返壞人先...之後一入位就過人...
第一個cp 1:02...大約30位(大會人員報數)...
之後都一路順住去...有過人亦都有比人過...cp2 1:35..隊gel繼續去
保持個勢咁去...就到沙灘...好似有少少反應想抽...咁快黎料!?
即刻食兩粒鹽餅...收返慢少少繼續去....開始有人過我喇...
cp3 2:1X唔係好記得,大約啦...又見到小強...十卜點之二
上樓梯...望後面見到細強開始追到上黎...到西灣比佢過左...
繼續上啦...上完呢條斜就冇乜難度架喇....上完之後落一落斜再上...
eee...呢個咪係源仔!?....點解仲係度架!?對腳做咩呀!??扮機械人!???
同時間...壞人亦都追到上黎...我見源仔咁辛苦...即刻係袋度r兩粒鹽餅比佢食...
比兩粒佢...手震趺左粒....唉....再r多粒出黎比佢啦...食左既時復活!??
源仔即時追返壞人...我就係後面慢慢追...cp4 2:45...有冇機3:20前返到終點呢??
唔好諗咁多...順住去啦...唔好急...急就會爆/抽...兩條大斜都jog一半行一半
cp5 3:08左右......繼續去......3:15完成!!!名次55...好似有2分
其實耐力仲未夠...速度分配又有錯誤...都仲有進步空間...下年要做好d
第一年 第二年 第三年
4:18 3:27 3:15
307 -->111 -->55
[ 本帖最後由 天鬼 於 2011-12-13 19:01 編輯 ] |
|