|
我係多年既cd rom, 但跑左全馬已經有幾年時間. 一路有留意開呢個網.
今日路過都睇唔過眼, 要開個account出句聲.
報唔到名唔係藉口囉. 如果有心參加就應該早d報, 又唔係唔知呢個賽事係香港越黎越多人參加. 我係網上開始報名當刻即刻申請, 比賽號碼以公開組黎講前過好多人(只可以講係單位數, 1至9號事但一個)
報唔到名又話想跑, 即係你根本係十五十六, 唔知跑唔跑好. 因為當你決定參加全馬, 意識到42公里對身體同心理既要求後, 我想信你唔會產生所謂"感受下氣氛"既想法.
我身邊識幾位跑友, 初初為左完成全馬真係花左好多時間同精神訓練, 頭一次真係跑唔完, 第二次參加完成到賽事, 大家都好高興.
你跑得快同慢, 或準備充足但最後跑唔完, 冇人怪你, 因為你已經對自己負責. 你剩係想感受下, 湊下熱鬧, 請你離開賽道, 因為咁樣係擾亂同影響到一心一意準備同完成比賽既跑手.
希望樓主出年早d報名, 今年好好計劃訓練, 出年係全馬賽道見到你. 你到時就會真正感受到大賽既氣氛. |
|