跑咗好幾年,前年開始報名參加比賽,往後嘅日子一路都keep住報名玩10K嘅比賽,而美記半馬係我第一之參加嘅半馬比賽,賽前都已經練定半馬嘅距離,以為準備充足,點知可能操得過咗龍,就喺比賽前十日操傷咗右膝,搞到比賽前呢段時間要休息養傷,到比賽當日,可能係太多上落斜,而之前自己練開都係平路,加上仲未完全康復,跑咗7K覺得右膝又開始痛,但係呢場係我嘅第一場半馬,我唔想就咁放棄,結果忍痛跑完全程,成績都算ok,但換嚟嘅係右膝嘅傷患。比賽後一路冇跑,因為連行都覺得痛,痛咗兩三日,覺得好返啲,但都唔敢跑住,直至噚晚,諗住嚟緊星期日要去做伴跑員,所以落街試吓慢跑,結果跑咗5K又係同一個位置痛,於是今日去咗九龍灣Giga買咗隻knee brace,帶咗半日,感覺上右膝外則痛嗰個位好似好返啲,行都覺得順咗,希望呢隻嘢可以幫到我快啲好返啦