一號戒備信號生效

華哥

明天放假，見個風係明日最接近香港，到時大風又大雨，我已經同蓮姐準備明天早上由天水圍乘西鐵到荃灣站落車，一於在大風大雨之下，由荃灣跑返去天水圍。

華哥

今日係放假天，朝早掛起８號風球，狂風有雨，同蓮姐決定由荃灣跑返來天水圍，落樓時Ｄ風好勁，但係Ｄ雨唔大，如事者兩公婆由天水圍搭西鐵往荃灣。

到咗荃灣西鐵站，Ｄ雨只係間中落，風就一般，可能俾Ｄ樓遮擋，條路完全無人，只係得我同蓮姐係度跑，馬路都無車行，沿住海邊跑，見個海好靚，一陣陣風雨打落水面，而我同蓮姐係風暴下跑步就顯得好浪漫，夫妻本是同命鳥，風吹雨打共擔承。

由荃灣至大欖涌都係由東向西跑，又仲係海邊，Ｄ陣風的確好勁，好彩係順風跑，Ｄ風係背後吹來，將個人吹到控制唔到，好勁。

當到屯門時，因地理關係同Ｄ風雨都無晒，覺得有Ｄ熱，沿途都無乜風，Ｄ雨無晒，唔通係風眼之下。

今次策略係輕鬆慢跑，唔刻意快，所以速度都 Keep 住舒服步幅去跑，用咗２小時３６分鐘，終於返到天水圍，跑咗２６公里。