|
本帖最後由 dmy 於 2013-3-25 13:27 編輯
拉拉山事件簿
噚日無驚無險跑完拉拉山, 本來怕會落雨行雷, 都唔諗得咁多. 一早起身出門, 同恒恒, catcat 一齊打的去九龍塘坐shuttle, 仲喺酒店門影相留念, 幾搞笑..... (酒店都幾旺場架喎, 有的士截客入去俾打回頭....嗯, 都係唔好八啩....)
起步幾混亂架... 冇封路, 仲一開波就不停上斜.... 呢兩個星期 back to back 出差, 一出差training 就搞亂哂, 自己又冇意志早起身去練習, 所以weekday 跑少咗.... 跑少咗, 好快睇到問題, 過水塘後條長命斜後400米冇力再跑, 諗住都跑咗3.5k 就俾自己懶, 行咗400米上頂. 之後都可以, 不過喺山路不停上上落落體能消耗好快, 8k左右食咗包gel, 但一直要去到石壙場前先有水站, 幾辛苦架... 不過不停提醒自己要enjoy 個旅程, 唔好淨係掛住跑跑跑....雨喺最後2k 先落, 都過哂泥落, 好彩! 雖然條路唔似有15k, 但係跑到見到啡色嘅住宅知快返到終點都好開心, 時間 1:33:43... 唔係行咗少少同後2k 冇貨, 應該都可以少過1:30... 算啱啱合格啦....
等行李排咗40分鐘.... 感覺ccm 事件重演.....仲有少少雨架嘛....
我今次最想講嘅係.... 我真係唔明, 夠竟係我要求高吖, 定係喺比賽係冇 etiquette 呢回事. 山路條路有幾濶啫? 如果有人喺我前面, 我想過, 我都assess 吓有冇位過, 有, 都同人講聲 "on your right/on your left", 好少喺人身後跑得好近等位做攝石人, 出句聲話人聽有幾難? (所以我覺得跑山唔應該聽音樂囉) 最怕啲人喺後面似想過你, 但係唔知點咁, 有位我都讓人, 但冇位唔通我冒住仆親嘅危險讓你咩? 喺第一個水站有個金髮女士elbow 我想攝位攞水, 我冇讓佢. 搞咩呀, 攞水都要elbow 人, 攞快一個位會快好多咩? (喺我附近跑嘅都唔係快嗰group囉, 講真).... 我都廢事出聲話佢... 不吐不快, 好, 講完.
好囉, 下個月玩tothetop 10k, 又係頭幾k 不停上斜, 我要多啲回歸華山練習咯.
|
|