|
星期日早上本來約左去東涌黎個100km行大運, 但最後因天氣關係取消. 已經起左身, 唔想再瞓, 即時諗下有乜好做, 游水有雷暴警告游唔到, 跑步又唔知跑邊度好, 又諗下好唔好自己去創新路自隊. 突然間見到loud兄話去創新路, 即刻起程出發. 由於唔去東涌的話要趕11:00am前回家. 所以肯定踩唔到100km, 不過希望盡量踩得幾多得幾多, 平日在創新路會盡量keep 30km+/h 同踏頻90以上. 今次會好似長跑的LSD咁, 唔理速度, 踏頻則盡量保持90以上去試長距離. 之後發覺速度响27-29km/h時會最舒服, 心跳率長時間在120-130之間, 到最後幾個圈就黎完則試下加速, 心跳則升至140-145左右. 由於時間關係, 要起程回家. 最後只踩了83km. 不過, 照昨日情況, 要踩多17km (4個圈), 雖然大腿在上斜時有d作抽, 但平路沒問題, 回家時試過沖到42km添, 100km應該沒有太大問題. 不過真係要帶足夠的水. 之後想試下仲跑唔跑得郁, 於是出街時試下慢jog, 覺得都ok, 雙腳不太酸, 只是雙膝有點壓力. 希望好快可以衝出100km大關.
另外由於上次aerobar鬆鬆地, 搞到差d炒車, 今之有d陰影, 成日都唔敢"扒"落去. 最後終克服困難, 可以繼續用aerobar. 今次除了擰實aerobar外, 仲將角度升少少, 踩起上來較舒服. 不過而家又覺得張椅低左d, 要較高d先可令自己發力好d. |
|