(2010年6月6日早上,元朗區天水圍)
阿Sam 又去左長跑比賽既現場,不過呢次我就冇去跑,反而就影人地跑。
講番呢場賽事先,呢個長跑比賽今年係第2次舉辦,而比賽賽道同我上次有份跑既DOW Live Earth Run for Water 差唔多既,都係跑天影路,但8km果D就要跑埋洪天路;據大會既資料顯示,今屆有成約1200人參加,而係政府部門隊際賽都有成20隊參加。
係3km同8km既個人、親子同埋隊際賽完畢之後,就有個舞蹈表演既,由當地既青少年表演hip-hop 熱舞,而佢地既表演真係相當之精彩嫁。係表演過後,就有頒獎典禮,由當地既地方官員親身致辭之後,然後頒獎俾各個組別頭十名既參賽者。
今朝既天氣都尚算唔錯,唔算太熱,好多跑手都能夠以最佳狀態完成賽事,我係度要恭喜晒呢次比賽得獎既參賽者,希望你地能夠繼續努力,拎獎拎到手唔停啦!
好遺憾地我尋日呢場賽事冇跑,但應該係話我而家狀態去唔番之前跑JESSICA RUN 同 Live Earth 果兩次咁樣
因為我分人一有情緒問題既話,就會冇心機跑