|
報告一下9/12聯跑活動先~
9/12跑步者有:00,龍龍,batbat,vv,catcat,菲菲,disdis,tartar,bonbon,又係9男女組合,我大約8:07pm地由ssp泳池出發,由00帶路跑去尖沙咀海濱長廊折返,應該10K左右啦....而yungyung及kinkin因為各自有野搞遲來,故他們兩個就在ssp運動場輕鬆跑左一陣就黎join大家既飯局,而joejoe就咩都無跑過就甘黎吹水~~
我地10pm左右係熱情如火宵夜,食左成個小時就散~~大家都玩得好開心~
~預備篇~
昨晚batbat,vv,bonbon預早相約在ssp食魚旦及串燒頂肚,之後佢地代我到樓下油站接菲菲及disdis上我屋企更衣,4個美女1個壯男,嚇破我屋企個8隻貓個膽甘濟, 佢地周圍走搵地方著草個樣真係搞笑,無法啦,佢地唔多見陌生人,仲有一黎就黎5件甘多.....順利換好衫後大家一齊到泳池集合熱身啦.
不過,我想對上我家的ctse/ching講聲""唔好意思"",由於小妹有點潔癖,所以toilet不外借,而且,家貧連椅都無一張,又要大家脫鞋才入屋,家中toilet同另一房間又是""監獄式設計"",真係失禮晒....
~跑步篇~
昨晚應該分左3group跑,batbat+00一般帶頭,中間就4位美女ctse+龍龍,由我同vv壓後,vv好明顯是前排太專心考試而少練習之故,整晚都跑得有點"死死下",又成日話自己"唔得啦"甘......嚇到我成場都要傍住佢.....(講笑,其實我都係跑得慢啫).....唯一有點奇怪的是,龍龍有時無聲無色甘跑係最後,但成日突然間時常無故從後彈前,越過埋超快組的ching,我地一聚女士觀察到,龍龍兩隻腳在快跑時"彈"得十分高,好有跳躍感,唔知是否如00之前講過既"變速練習"呢??
~飲食篇~
12人,足足一圍坐滿熱情如火的貴賓位,亞姐都見慣我地這班跑步人啦,落單時都有講有笑,或者之後可以拉埋d亞姐一齊入黎長跑網,果度d亞姐個個風韻猶存,一定大殺長跑網d ching啦,哈哈....
成圍人叫到成台都係美食,又豬"手八"啦,又唔知咩煲啦....kinkin臨尾仲進貢左一盒澳門豬油膏,話係特產喎,但小妹mainly concern:
** 豬油膏寫明是"豬油",但佢成份又寫奶油,無提到有豬喎.....何解?
** "奶"......唔知係咩奶,可能有三聚x安都未定.....
哈哈.....不過,由於小妹是吃素的,都是不試為妙啦~
最後要多謝kinkin,佢又神不知鬼不覺,趁大家吹水得興高采烈時,偷偷地去埋左單啦,又唔肯收番大家錢........大家在無計可施之下,唯手熱烈鼓掌多謝kinkin老世,由於kinkin在長跑比賽時有個習慣是食隔左一年既月餅,話"發酵左"至夠味喎~~因此,隊員紛紛表示會在他下次比賽時(係唔係咩新加坡那次??),係屋企搵下有無隔左一年既月餅俾過佢補身,vv仲拍心口話自製一個"十黃月餅"俾佢~~所以話,SSP街坊小隊真係充滿友誼架~~
[ 本帖最後由 witchycatcat 於 2008-12-10 08:33 編輯 ] |
|