2011-12-11 樂善盃30K
天氣凍到咮咮聲, 北風吹到化化聲, 比賽當然嗱嗱聲啦! 打底多件緊身背心加件IDA戰衣, 兩粒咸餅, 帶唔帶手套好呢?
"唔帶了, 費事鬆手跌水". 成班友仔集合種子區, EDMOND, SUE, 天鬼, 細強, R和源仔等, 仲有好多好多朋友仔.
寒冬下互相靠近取暖, 仲有4分就開波, 有架巴士要過路, 眾種子正分開讓路之際, 傳來"BOOT"兩聲, 咁趕既! 未禁表天.
呢個樂善盃至鍾意"估你唔到"啦! 好多次也不是搭正9:00AM起步, 周圍好多妖妖聲, 留番啖氣上山啦.
轉入山路, 只見天鬼跟住源仔谷住上, 我就知自己完全缺態, 心跳急速, 雙腳無力, 四頭肌又發麻, 大部上斜只好急行.
到了赤徑有小強十卜, 取了支细水便慢上蚺蛇, 過了蚺蛇便走大落斜波浮沙碎石段, 人越老個心越脇, 收得好慢, 又俾好多人介左.
今天長咀發揮更不理想, 本是最善長的但追不了失去的時間, 腳仔冇力提起就系咁踼石, 心想KEEP到100名內也偷笑.
好在輕裝上陣, 少了風阻, 平路盡量由腰發力, 叫做捱完D沙灘, 好快到了咸田上梯位, 小強在此恭侯, 接過水持加GEL, 整啖先!
妖!!! 水來既? 幻覺來喳? 明明是水持...整多啖先! 妖!!! 真系水來呀 !!! 嘿嘿!!! 小強玩野=○="
終於到了西灣, 之後全石屎路, 當長課順住番去, 時間肯定出3粒鐘, 但該快上年DD, 啊!! 見到天鬼和源仔,
天鬼剩番半條命, 源更像機械人一樣咁棟下棟下咁, 天鬼塞了粒咸餅給源仔, 食左才生猛番D.
不久又見番細強, 於是一齊劈番終點, 終點細強仲有力介爆前面位師兄, 勁呀! 我就見後冇追兵, 收油算吧...
鬼叫自己上量上到OVER左咩!
TOTAL: 3:11' 排名: 47
完左後有BBQ, 多謝RECEBBA & MAY 預備了BBQ物資, 頂!!! 班麻甩佬一系去左比賽一系話BUSY, 冇人幫手, 做死兩個女人仔.
|