大雄跑步抗衰老奮鬥史

大雄2009

成日聽見人哋話開BLOG，自己就想咗好耐都唔敢試，今日終於的起心肝，正式開始行動！

我的跑步目的：
1. 保持愉快開朗的心境，減輕壓力。
2. 保持健康的身體，對抗衰老。(想長命D！)
3. 不斷挑戰自己，增強對抗逆境的能力。
4. 為了愛鍚我的家人。(喱句係同靜儀申請去跑步的借口，是JC教既！)

短期目標：
1. 2011渣馬SUB 4:00。
2. 毅行如果成功報到名或有人侵我玩，能於24小時內完成。
3. 和靜儀一起參加迪迪尼半馬，並能一起完成。

歡迎各位師兄師姐光臨，請多多指教！

曾經參加賽事：
2007 石崗30k 03:2X:XX  (冇報名, 純粹去陪跑試腳)
2008 渣打全馬 04:17:XX  (胆粗粗，第一個長跑比賽就跑全馬)
2009 渣打全馬 04:19:XX
2009 石門10K 00:50:XX
2009 可口可樂7k(7.2k)健跑樂2009  00:34:XX
2009 石崗30K 03:02:25
2010 渣打全馬 04:11:XX (pb)
2010 西貢區長跑比賽 15.5K 01:16:xx

[ 本帖最後由 大雄2009 於 2010-6-20 15:29 編輯 ]

大雄2009

原帖由 非比 於 2010-5-30 21:58 發表

                               
登錄/註冊後可看大圖

恭喜大雄開blog大吉, 加油!

嘩！由靚女非比做我第一個訪客，真係開心到飛起！

妳琴日麥徑5-8段行成點呀？黃昏既時候天氣好差播！

大雄2009

原帖由 狗哥 於 2010-5-30 22:04 發表

                               
登錄/註冊後可看大圖

恭喜大雄開卜大吉~
祝你同靜儀齊齊跑步齊齊同步而進完成半馬/全馬~

狗哥今日起大清水游狗仔式係咪游得好開心呢？

大雄2009

原帖由 狗哥 於 2010-5-30 22:17 發表

                               
登錄/註冊後可看大圖

唔錯呀~ 成班人玩得好開心 下次再去大清大雄你要帶埋靜儀一齊黎玩下~ 最爽係係晶x/x苑晚飯啤啤任飲

不過無咩太陽兼無咩比堅尼睇

乜mill姐冇着比堅尼咩！

大雄2009

原帖由 迪迪仔 於 2010-5-30 22:35 發表

                               
登錄/註冊後可看大圖

恭喜恭喜

多謝迪迪兄祝賀！

大雄2009

毅行訓練紀錄：

訓練1：(15-5-2010，麥徑1,2段，出席：大雄、壞人、batbat、馬王、wty)
1. 第1段 北潭涌 - 浪茄 00:59
2. 第2段 浪茄 - 北潭凹 03:25 (於西灣士多發生血案，停留了差不多1個鐘，最後同wty起赤徑爆到七彩，所以冇跟壞人佢哋跑埋第3段)

訓練2：(22-5-2010，麥徑3,4,5段，出席：大雄、wty。經過上次玩1,2段的慘痛教訓後, 今次同wty繼續唔知掟試玩更難的3,4,5段, 雖然比上次好咗少少, 但終於都係雙响「爆」收場：)
1. 第3段 北潭凹 - 企嶺下  1:56
2. 第4段 企嶺下 - 基維爾營地 3:03 (上山前段行錯路, 入咗一條廢村, 浪費咗15分鐘先搵返麥
     徑.)
3. 第5段 基維爾營地 - 沙田凹 1:16 (二人未到基維爾營已飲晒d水, 在冇水加雙响「爆」既情
     況下, 二人連行都冇力, 慢行到大老山頂發射站旁時wty成個瞓低咗, 死咗咁滯, 心想佢咁大件
     我咁細粒, 點抬佢落山, 於是狂幫佢拉筋壓腿, 休息咗好耐再砌過, wty沿途起地下拾咗d桑棗
     食解渴, 二人死吓死吓終於落到大路, 果度有好多人放飛機, 於是問人賒水飲, 好彩有個呀姐見
     我哋兩個咁靚仔, 於是免費送咗三枝水比我哋, 攪到我哋幾乎感動到喊, 飲完水wty突然跑返,
    嚇到我成個彈起, 於是一齊跑到沙田凹打van去食tea。)

[ 本帖最後由 大雄2009 於 2010-5-30 23:04 編輯 ]

大雄2009

23/5 - 30/5操練紀錄：(呢個禮拜忙到飛起，k數少到破晒紀錄)

26/5 羽毛球訓練1小時
29/5 陪靜儀慢跑4.5k   00:36:00

本週k數：4.5k

大雄2009

多謝stephen, 烏拉！ 我會努力練習同努力寫blog架喇！

stephen劑葯又真係幾毒喎，一於整幾劑比呀邊個邊個嘆！

[ 本帖最後由 大雄2009 於 2010-5-31 20:40 編輯 ]

大雄2009

原帖由 allanccl 於 2010-5-31 21:43 發表

                               
登錄/註冊後可看大圖

恭喜大雄師兄開Blog大吉!

亮哥請多多指教!

大雄2009

原帖由 allanccl 於 2010-5-31 21:45 發表

                               
登錄/註冊後可看大圖

你又唔離，同我地去既靚女們都係著比堅尼架!

下次一定嚟！

大雄2009

原帖由 allanccl 於 2010-5-31 21:47 發表

                               
登錄/註冊後可看大圖

嘩! 閣下每次操山都好多波折喎，寫詳細d遲d可以出書啦! 嘻嘻!

遲d有機會跟你玩可能會順利少少！

大雄2009

原帖由 wongc 於 2010-5-31 22:38 發表

                               
登錄/註冊後可看大圖

嘩, 大雄哥, 開blog呀?!  恭喜哂喎 , 近排收咁多靚, 不如叫"大雄跑步收靚日誌"啦.hgjD115" />" />hj

你跑得咁密, 又學人操山, 日日唔見左人hgjD103" />" />hj , 家陣仲開blog日寫夜寫唔同D債主溫書, 比靜儀 ...

多謝晒wongc師姐，真係失禮囉，幾廿歲人先第一次學人哋開blog。我應該起post#1度特別鳴謝妳，冇咗妳就冇今日毒癮咁深既我，真係多得你唔少，有機會請受小弟一介！唔使驚靜儀伏妳，佢好快都會中埋毒，到時我驚佢成日約妳去私奔而唔同我私奔。  

我個債主已經練成自己溫黙書同考試既特異功能，次次都九十幾分，我同佢溫驚攪到佢低分咗！

大雄2009

原帖由 swtcheng 於 2010-6-2 11:27 發表

                               
登錄/註冊後可看大圖

恭喜哂大雄師兄開Blog. 長跑長友. 長寫長友.

唔使講得太多. 大雄師兄.. 我係你粉絲黎嫁.. 可唔可以幫我簽個名呀?

通利大哥，有你同烏拉兄就掂晒喇，一定可以攪旺我喱個場，多謝兩位大哥！

我恨咗有粉絲搵我簽名好耐喇，你哋想簽起邊度？

大雄2009

原帖由 swtcheng 於 2010-6-3 17:22 發表

                               
登錄/註冊後可看大圖

[quote]原帖由 大雄2009 於 2010-6-3 00:12 發表

                               
登錄/註冊後可看大圖

通利大哥，有你同烏拉兄就掂晒喇，一定可以攪旺我喱個場，多謝兩位大哥！" />" />" />" />

我恨 ...

通利大哥,琴晚追到嘔泡都追唔到你,你先至係我偶像,下次要搵你簽名!

大雄2009

2/6/2010 (星期三) (tko運動場, 落住雨跑, 好爽, 操咗兩次山覺得對腳有力咗)
1.  2K             8:42
2.  2K             8:36
3.  200M        0:37
4.  200M        0:36
5.  200M        0:37
6.  200M        0:36
7.  200M        0:38
8.  200M        0:36  (博埋條老命都係跑包尾！ )
total:5.2k

大雄2009

原帖由 stephenyau 於 2010-6-4 11:36 發表

                               
登錄/註冊後可看大圖

當然!  你同大雄哥已經係twins o黎架o拉...

一個發育正常同一個發育唔正常既twins, 所以大家既身形相差好遠!

大雄2009

原帖由 烏拉 於 2010-6-4 20:41 發表

                               
登錄/註冊後可看大圖

" />" />邊個係正常o個個先?

唔係好方便講播!

大雄2009

原帖由 stephenyau 於 2010-6-4 10:03 發表

                               
登錄/註冊後可看大圖

大雄兄時間好好, 保持這個速度向耐力發展...習慣了便一定有進步... 加強技巧的操練...

多謝史sir鼓勵, 我會記住唔好驕傲架!

大雄2009

毅行訓練紀錄：

訓練3：(5-6-2010，麥徑5-8段，出席：大雄、wty、哈利)
  今日哈利如果唔係成日要等同埋就住我同wty兩件騎呢嘢, 肯定5個半鐘有找攪掂. 我哋三人(iceberg因落雨缺席)最後用咗6:26完成全程, 比預計的6:20多咗6分鐘, 主要原因係成日影相及成日休息, 不過又真係影得好過癮! 以下係今日既賽後報告: (下列時間已包括所有休息, 去厠所, 賣飲品, 影相, 抽筋, 拉筋, 聽電話, 食嘢, 蕩失路......等)

1. 由黃大仙地鐵行上麥徑5段沙田凹入口作熱身
2. 麥徑5段沙田凹入口 - 大埔道  (約7k)    1:24
3. 大埔道 - 城門水塘           (約4.6k)  0:42
4. 城門水塘 - 鉛鑛凹           (約6.2k)  2:10
5. 鉛鑛凹 - 大帽山荃錦公路     (約9.7k)  2:10
   (全程約27.5K)

   哈利今日全程冇爆, 我同wty就照舊爆到七彩, 佢抽小腿, 我抽大腿(因星期三衝完2k及200m對腳的肌肉超酸痛, 乳酸三日都散唔倒, 加上唔記得帶食物, 所以上針山已開始抽) 當時離遠望住大帽山頂, 心諗仲有咁多個山頭, 點捱到上去. 於是攞出秘密武器 - 鹽餅, 啪咗之後果然有效, 但捱到就嚟到大帽山頂時, 終於二人抽到行都行唔到, 要超慢速步行加上不停拉筋先上到山頂, 但落山都繼續抽, 不過好在冇咁勁, 最後終於落到荃錦公路, 三人衝去士多大吃大喝, 渣住飲品慶祝平安完成全程. 今次真係好攰, 三人回程時起地鐵度瞓到流晒口水, WTY仲伏咗起哈利個肩膀上一路瞓一路傻笑, 應該係發緊一個好甜美既夢! 哈利件衫就當然濕晒啦!

  今日有個大發現, 原來哈利d EQ真係超勁, 是一件超級毅行好腳, 傍住我哋兩件騎呢嘢都能夠發輝毅行精神, 沿途表現出忍耐, 體諒, 扶持等崇高情操. 起鉛鑛凹開餐時, 睇住哈利咬住個好美味既面包, WTY食住個蛋, 個肚餓到咕咕聲既我口水流到完全控制唔到, 就起喱個時候, 哈利攞出佢唯一既兩包GEL既其中一包比我食, 我開心到幾乎連鍚紙都食埋, 後來佢仲起WTY爆得最勁既時候比埋另外果包比WTY食, 攪到好少喊既我都......哈利我愛你(喱句係WTY講既)!

[ 本帖最後由 大雄2009 於 2010-6-10 23:18 編輯 ]

大雄2009

sammy師兄, 非常多謝你唔嫌棄我哋跑山咁水皮, 有機會一於一齊練, 多D人一定好玩好多.
等抽簽有結果之後我哋可慢慢商量點組合.

本星期六上午要開工, 下午操山唔知你哋得唔得?