養兵千日，用在一朝﹗

阿聰

2010年11月29日 (星期一)


今晚去了慈雲山浦崗村道公園，亮哥教我如何"恢復跑"。

他所教我的姿勢及步速，不但令我可以避免肌肉長期疲勞以儘快回復狀態，
更教曉我以往練跑前所做 warm up 的方法，令我獲益良多。

之後他還教我用他的方法慢跑，雖則今晚我只跑了8個圈 (650m x 8 = 5.2km)
但跑完之後，肌肉的確沒有之前這麼磞緊，而且自己也出了一身汗，令我疲倦儘消。

他教我在未來兩三日都用這個方法，使我可以迅速回復正常。
我衷心感謝他的教導，期望在星期三的練跑中能夠繼續用得著，使我能夠在這個星期尾能夠正式回復長課練跑。

講開長課，從我在UNICEF 的半馬經驗所得，自己往往在最後的幾公里，都會出現”體力不繼”的問題，使我的時間大失預算。

可能只有不斷加長里數，使我可以在體能上能夠更為”長氣”，以解決這個問題。

阿聰

Testing Testing 1 2 3.....

阿聰

原帖由 烏拉 於 2010-12-2 23:07 發表

                               
登錄/註冊後可看大圖

搞店! 頭先有bug. 衝過去就正常返" />" />

哦....唔怪之得頭先好似有問題啦?! 謝謝

阿聰

2010年 12月6日 (星期一)

闊別六年，今晚終於再次重遊城門河上練跑。

我由馬鞍山運動場起步，一直沿著馬鞍山海濱長廊跑到雙橋 à 恒泰路 (過橋) à 石門划艇中心à 明星海鮮舫 à 麗豪酒店 à
神召會學院 à 獅子山隧道公路 (過橋) à 沙田中央公園 à 沙田運動場 à 香港體育學院 à 沙田馬場 à
沙田污水處理廠單車徑 (1/3 段) à 雙橋 (過橋) à 恒泰路 (過橋)，再沿著馬鞍山海濱長廊跑回馬鞍山運動場。
全程大約15公里，時間則變成 1:50:45。

當我跑到獅子山隧道公路的時候，原先見到離不遠處就是”名城”樓盤，自己也想盡力跑過去，
最後因時間不足，加上前面道路太黑而作罷。
不過若真的可以跑到這裡的話，那麼我真的可以由馬鞍山至大圍也徹底跑完，到時滿足感會好大。

今晚跑城門河，的確平路較多，自己是可以跑得較為輕鬆。
但我沒有想到，平日夜晚的城門河，都有這麼多人”散步”，令我練跑時也要走閃右避；
另外，由於我放工後要較多時間才去到馬鞍山，加上拉筋和緩步跑，
令我真正想再跑長一點也不可以 (運動場也要收工)
如果不是有比賽，這樣的時間才起跑，都未必是最好。


看來在沙田練跑，怕且都要選擇星期六 / 公眾假期才會好一點了......



[ 本帖最後由 阿聰 於 2010-12-7 00:49 編輯 ]

阿聰

2010年12月11日 (星期六)


今早跟跑友們在將軍澳練跑大圈，
原本一開始想發力追到他們，
怎料搞到自己心口劇痛，還突然覺得頭暈，
結果只有慢跑運動場外圍兩個
圈後，最終宣佈放棄。

阿聰

原帖由 齋老味 於 2010-12-12 09:30 發表

                               
登錄/註冊後可看大圖

大圏約幾多k?
我都有自己跑過
約 10.6k 左右

10K 左右啦
不過佢好多隧道位，好易走錯方向。

阿聰

原帖由 齋老味 於 2010-12-12 13:53 發表

                               
登錄/註冊後可看大圖

我跑既路線係咁

你都跟足哂佢地既路線，都算係咁啦

或者你不如星期六同佢地一齊跑啦?!

反正黎緊星期六我長週要返工又黎唔到了

阿聰

原帖由 tommyleung 於 2010-12-12 10:41 發表

                               
登錄/註冊後可看大圖

有d野唔急得既, 要睇番自己既進度同體能, 未去到果個level, 就唔好夾硬來. 我有時都想跑sub50完成10k, 但當要跑這個速度時, 會令我腳痛, 我就知, 我未夠能力, 只好跑慢一點, 用多兩分鍾, 雖然聽落好似"兩分鐘o者", ...

未得就係未得......呢樣野真係好激氣
不過都冇法子，先天不足，後天努力。

阿聰

齋老味兄，既然你返工都返將軍澳
咁你仲可以去跑下康城，甚至其他TKO 地方喎?!

阿聰

原帖由 tommyleung 於 2010-12-14 09:30 發表

                               
登錄/註冊後可看大圖

你已經進步左好多啦, 睇係開blog, 都係年幾既事, 肥呢, 就一定要減架啦...


我係好奇聰ching, 佢參加過"9"次咁多渣打馬拉松, 點解跑半馬都好似咁吃力, 睇下係唔係因為體重問題者...

以往我所參加既9次渣打，都只是10K 而已，仲要係臨近比賽前一個月先至"郁一郁"，比賽完後又"收爐"咁款。
直至今年入左長跑網後，我先至跟佢地跑，自己又跑多D，加上跑左咁多次10K ，自己係想試下"半馬"的滋味；
無奈體重問題，想跑長一點的確令我會很吃力，但這個也是經歷"痛苦"的必然過程。


現在才剛病好，希望能夠快一點再練跑吧.....?!?!

阿聰

原帖由 齋老味 於 2010-12-14 14:34 發表

                               
登錄/註冊後可看大圖

減肥........... 但係身邊個個朋友同親戚都話我家陣唔好睇
可能睇左我肥嘟嘟咁卅年
家陣唔慣囉
我老婆仲好唔鍾意我減肥添..........  " />" />" />" />

聰師兄可能之前冇乜去跑
九年來都係 hea 跑
練跑 ...

咁我真係冇你咁勤力呀, 哈哈....
我現在都覺得有點hea 跑，這種心態的確唔要得。

阿聰

原帖由 tommyleung 於 2010-12-27 18:29 發表

                               
登錄/註冊後可看大圖

唔緊要啦, 慢慢來囉, 不過我覺得如果你真係要跑咁長, 最好減一減磅先, 唔洗急丫! 而且如果每日跑番半個鐘(5K), 里數都差唔多, 都可以好健康架, 唔洗下下都跑十幾廿K.

我以前肥果時都成日病, 傷風感冒咳, 現在減 ...

我都希望借練跑減少病痛，但現在看來"事與願違"嘞?! 現在都仲係個個月大病
至於K 數，目前我唔係太希望減少囉，跑既路程少左，個人會好懶冇推動力；

而且，我總覺得年紀大左，時間永遠唔足夠.........

阿聰

原帖由 tommyleung 於 2010-12-28 09:54 發表

                               
登錄/註冊後可看大圖

咁有冇check過個身體有咩問題? 因為長跑既運動量都幾大, 對高血壓心臟病患者來講, 都幾高危, 近排都幾多報紙提醒參加左馬拉松初哥, 留意身體...

至於個里數, 其實唔差太多, 一日如果做半個鐘, 跑5K, 一星期都35 ...

我估每次跑10K 左右，一星期4次，即大約都跑40K 先啦。
跑得太短既話，真係冇意思。

而且我想跑到半馬既話，仲要搵星期六跑次21K左右作試驗品先至最為化算........

阿聰

2010年12月30日 (星期四)


經過上次大病之後，今晚終於再次在大埔練跑。

我由元洲仔公園開始，一直跑到白石角科學園尾才折返回程，全長大約10公里 (1:06:23)。


今晚都頗大風，天氣清涼，
但我反而喜歡在這種環境下練跑，
至少沒有天氣炎熱時練跑渾身是汗的負擔。
而且所造出來的成績，練跑的耐力也會好一點。

期望可以明晚/ 星期六再練跑一次，令自己可以順利完成今個星期日的大埔 10K。

阿聰

2011年1月1日 (星期六)

想不到2011年早上的第一個活動，便是走到將軍澳去進行練跑。

今早只得我與烏拉進行練跑，由於大家明早都參加大埔的10K比賽，
因此只是在運動場外的單車徑”鬆鬆筋骨”。

今早我跑了三個大圈 (1.9km x 3 = 5.7km)，時間大約為30:40；
由於起跑時已經太陽高掛，加上今早天氣都相當清涼，並沒有天文台預期般寒冷，
因此練跑起上來也相當舒服，這樣的天氣的確是練跑的最好時節。

不過，當我在練跑期間，發覺腹部經常都會隱隱作痛，
使我有時被迫要減慢速度，令我能夠堅持跑下去。
不知是自己平日拉筋不足，定還是有另外的原因呢?!

每年這個時間，都有家人與我渡過，
但今年他們都去了旅行，今日才回來，
因此今早所見到的”跑友”，相信是新一年所見到的第一批熟識的人了，使今早的練跑變得更具意義。

期待明早的大埔10K，能夠造出”合理”的成績，對自己也有所交代。

阿聰

原帖由 purejoey 於 2011-1-1 15:13 發表

                               
登錄/註冊後可看大圖

好佩服阿聰哥及其他Ching CTse 賽事前一日都操練，甚至連賽兩日或一日兩場。

小弟賽前兩日甚至三日前都會停跑，因為賽日小弟需要有「餓跑」情緒先會跑出好成績。

呢個肯定唔係我黎嘞
連續比賽兩日或一日兩場，身體機能都未恢復得好。

如果我真係想個個比賽都玩，起碼一星期一個比賽先會好D。

阿聰

2011年1月2日 (星期日)


今早參加了"大埔體育會10公里長跑比賽"。

之前我大病一場，原先只打算能夠完成比賽，時間合理就收貨了。
不過，今次不但能夠完成全程，更成功造出自己的PB (個人最佳時間) (1:04) ，
這個真是令我始料不及，激發我日後更需要積極參與他們的練跑活動。

在比賽期間，真的要感謝 bello 同 kito 沿途的鼓勵，
他們令我明白，練跑是需要講求策略與毅力，更要不怕辛苦。
或者這正正就是我以往跑步，甚至工作上失敗的地方。

期望下一次比賽，我能夠繼續勇往真前！

[ 本帖最後由 阿聰 於 2011-1-2 19:03 編輯 ]

阿聰

2011年1月16日 (星期日)

地點: 將軍澳運動場外單車徑5圈
長度: 9.5 KM
時間 : 1:02:20
氣溫: 10-11度左右 (多雲)


呢幾日得9-10度氣溫，今日仲話會再凍D 。
我仲以為今晚再跑會適應唔到，例如身體發冷，勁打噴嚏等，
但跑完後似乎又冇乜大問題，令我相信之前的疑慮也是多疑了。

[ 本帖最後由 阿聰 於 2011-1-16 22:02 編輯 ]

阿聰

2011年1月17日 (星期一)

地點: 慈雲山蒲崗村道公園緩跑徑15個圈
長度: 9.75 KM
時間 : 1:02:08
氣溫: 10-11度左右 (大風)


今晚雖則大風，但反而令我更有起勁去跑，始終涼爽的天氣，跑起上黎會舒服D。

阿聰

2011年1月28日 (星期五)

地點: 將軍澳運動場外圍單車徑 1圈 > 維景灣畔 > 澳景路1/2段 (沿路折返) >
        將軍澳運動場外圍單車徑 1圈
長度: 7KM
時間 : 1:03:40
氣溫: 11度左右 (大風)


今晚是首次在冬天跑澳景路，無奈真係又凍又大風，
加上又四周都無人，結果跑到一半都要放棄折返落山。
看來在寒冷的季節，我的練跑毅力還未足夠。





[ 本帖最後由 阿聰 於 2011-1-29 14:57 編輯 ]