小弟的跑步歷程

boyboybb

本人由26歲已患有血壓高,須要長期食藥,一路都控制得唔錯,但隨著年紀增長,步入中年後,由於身體發胖,又缺少運動,血壓漸漸超標,醫生已加了藥的份量,亦提醒我要減下肥,做下運動,我42歲那年,體重有178磅,我只有166cm高,明顯重左好多,由這年開始下定决心減肥.                                                                                                                                                                                    我選擇左去跑步,相信好多人最初都係由跑運動場開始的,我住屯門置樂區,最近的運動場係兆麟運動場,須然不是一個標準400M的場地,但因為近我屋企,記得第一次落場只跑了3個圈已經冇氣了,之後的日子由5個圈,7個圈,10個圈,15個圈,慢慢加上去,跑左三四個月後加到20個圈,兆麟20個圈大約只有7K,我平均要用42-45分完成,跑左1年幾已減到155磅,當時平均一星期跑4-5曰,在偶然的機會同一些同事聊天,原來有幾位同事都有跑步,他們好多時話約埋我一齊跑下,但初時我都唔敢赴會,因為自知比較水皮,怕跟唔上佢地,直至有一次大家都可早收工,約埋一起上引水道跑,結果當時我地跑左1小時15分,已超過我平時的距離,原來自己係可以跑到長D架.                                                                                                                                                                                   自從那一次我地便每個星期曰一齊練跑,有跑去白泥,南生圍,尖鼻咀,青公,三五知己一齊跑步,吹下水,已經係我地D中年人仕的一大樂事,由舊年5,6月開始報下比賽,10K都報過6,7個,由第一次跑左56"分左右,最快試過跑石門10K 49"20"估唔到我成47歲都可低於50分完成,雖然這個時間並不是好快,但已是我的代表作了,越跑越長,繼續進軍半馬,先後跑過,大尾篤綠色半馬,沙田皇者半馬,萬宜地質20K,中國沿岸半馬,美津濃半馬,當然唔少得24/2/13渣打半馬啦,咁多個半馬都能低於2小時內完成,回想當初跑3個圈都冇氣,現在可以跑到21K以上,真係奇妙,2014年度的渣打馬拉松我已決定向全馬進軍,希望到時能於4:30完成!

boyboybb

2014年2月16日，我第一次參加揸打全馬，在此之前已有足夠的準備，但估唔到比賽前的星期四，感染流感，仲有發燒，星期五早上睇醫生量到39.1度，好采到星期六下午已完全退消，身體大约回復八，九成，衡量過自己的狀態……決定出赛全馬，本來都害怕會手軟脚軟的，但一路跑落去都keep到，仲有機會同長跑網的師兄合照，雖然未能達到預算中的4:30完成，以4"40"51過終點，對自己已有所交待，4:30的目標等2015年再試啦！

boyboybb

大家好,已一段時間冇分享自己的歴程了,在10月中,小弟先後參加了Two peaks 21K及 HK50K兩個賽事,這兩個賽事都帶給我十分難忘的經歷,前者要8小時內征服大東及鳳凰兩個山峰,賽後雖然兩隻大肶痛足幾日,但卻十分回味,而HK50更是畢生難忘,這賽事我係同兩個同事一齊参加的,聽佢地講,今次賽道加插了幾段山徑小路,難度增加了好多,比賽限時10小時完成,小弟用了9"52"19完成,總算於限時完成,賽後先知道只有172人可跑畢全程,原來能完成賽事已唔容易!回想幾年前178磅重的我,現在可完成難度頗高的賽事,真係奇妙!黎緊三個賽事,11月3日苗圃42K,11月15-16日毅行者100K,及明年首次報名的渣打全馬,都係我的第一次参與,大家一齊努力,加油!

kokyan_lam

boyboybb 發表於 2013-6-10 23:03

                               
登錄/註冊後可看大圖

今個年度,係自己的一個大挑戰,將會第一次参與毅行者,我和我的同事有幸被抽中,要加强訓練,明年要報揸打全馬, ...

加油!

boyboybb

今個年度,係自己的一個大挑戰,將會第一次参與毅行者,我和我的同事有幸被抽中,要加强訓練,明年要報揸打全馬,大家加油!

boyboybb

allmyfriend 發表於 2013-5-16 16:59

                               
登錄/註冊後可看大圖

好佩服師兄能夠用跑步來減肥, 漸漸與跑步成了朋友的心路歷程. 我年紀比你大, 起初都是為了健康問題, 都開始 ...

每個人的體質不同,未必要參加比賽的,但能保持慢跑這種運動,對身體健康絕對是好事,可以跑步係一種福氣!

allmyfriend

好佩服師兄能夠用跑步來減肥, 漸漸與跑步成了朋友的心路歷程. 我年紀比你大, 起初都是為了健康問題, 都開始跑了二年, 但可能個人體質及心肺功能的原因, 我只可以慢跑, 參與比賽都只是同朋友茶餘飯後吹水藉囗. 樓主可能安排跑步方面較為自由, 而我有較多限制, 所以我好珍惜每次跑步, 順祝各位都能跑出興趣, 跑出健康

lastdance

加油

龜兔競跑

Ching 加油! 只係短短四個月,減得很好啊

gary928

boyboybb 發表於 2013-3-7 22:51

                               
登錄/註冊後可看大圖

師兄,繼續努力,如果可減輕Ｄ磅數,5-6分/Km,絕對可以,加油!由120kg減到106kg已好唔錯,但106kg仲超標好多,唔 ...

180CM，仲超好多呀，所以仲有排減呀。

boyboybb

師兄,繼續努力,如果可減輕Ｄ磅數,5-6分/Km,絕對可以,加油!由120kg減到106kg已好唔錯,但106kg仲超標好多,唔知師兄有幾高呢?加油!唔好放棄呀!

gary928

little-fish 發表於 2013-3-7 17:35

                               
登錄/註冊後可看大圖

不少進步即係幾多先？

哈﹗你話體重定跑步先？

Pace由8：30／km--->6:30/km

體重︰120kg ---->106kg

我知道仲有好大的進步空間，我會努力的。

little-fish

gary928 發表於 2013-3-7 15:59

                               
登錄/註冊後可看大圖

好感動，我自已的跑步歴程才四個月，已有不少進步（無論體重還是跑步的成績），很喜歡上這個FORUM，因為能 ...

不少進步即係幾多先？

gary928

好感動，我自已的跑步歴程才四個月，已有不少進步（無論體重還是跑步的成績），很喜歡上這個FORUM，因為能夠看到好多同自己差唔多諗法的人的故事，很有鼓勵作用。各位CHING，加油，努力﹗

很喜歡依句︰[唔須要跑得快,最緊要跑得哂]

boyboybb

多謝師兄意見!

little-fish

boyboybb 發表於 2013-3-7 12:57

                               
登錄/註冊後可看大圖

其實我覺人到中年已不是要爭取有很大的凸破,始終每個人的體質有別,我半馬最好時間係1"54"18,但已覺好難再超 ...

以師兄一星期4課，半馬1：53 還未行人止步的，空間仍有，信我。
跑步要較全面cover .不單要做長慢課，短而快的也要，100、200m 的重複短衝，可以有效提高跑步的效率。

boyboybb

我通常每星期1,3,5每晚跑10K左右,由屋企沿青山公路過萬能閣，沿單車徑有時跑向碼頭方向至蝴蝶灣,有時會向澤峰花園回頭返屋企,跑得幾日又會沿青山公路向黃金海岸,落埋海豚公園回頭,但此段青公路比較窄所以比較少跑,不過我有日閒日放假,試過由屋企跑出荃灣西鐵站一個來回,跑左36K,用左3"52"左右,每逢週日就會陪同事跑課長的,大約半馬路程,住屯門可跑的路線都唔少,大家加油!

mic

師兄, 我以前都是住青山灣那邊, 都跑過兆麟運動場, 不過通常都係由青山灣跑去大欖或掃管笏, 開始時都係因為發覺身體狀態下降(因為以前有吸煙習慣), 直到戒煙後開始跑步, 由跑1個圈都冇氣, 到今年渣打 10km 在 59mins, 之後果種喜悅真係只有自己才知道及感受到健康多可貴, 及想不到自己都可以有這種毅力

現在搬了出市區才發覺以往住新界多麼好, 有好多地方可以跑, 空氣又清新 d 車又小 d, 而家只可以吸埋廢氣
好彩見到呢個 website 有好多師兄提供跑線, 真係獲益良多

boyboybb

其實我覺人到中年已不是要爭取有很大的凸破,始終每個人的體質有別,我半馬最好時間係1"54"18,但已覺好難再超越,年近半百,我認為已相當不俗了,長跑長有,我地要好好保養身體,要造好時間,留比D年青人吧!

Professor

師兄年紀比我大, 但又跑得比我快~!  

我開頭都是幾個圈便玩完, 到2013 渣馬2小時多完成, 跟你一樣, 希望下年參加全馬~

為左唔阻住跑道使用者, 我會加緊練習!