Running kit - Running report

長跑傑

期待已久的54K, 上次因太眼訓,中途放棄,所以今次鬥志好高,一定要行到最難既其中6段. 今次隊長排出隊形,帶pacing既先行,控制唔到自己既就押後,有人負責報時,提食糖,諗野講激勵下隊員,播下歌呀咁
第3段用了不足3小時便成功走過,再行埋第4段已經凌晨1點.大家開始累,眼訓,缺水... 靠不停食糖,GEL,飲水,聽快歌,又一齊唱下咁捱過, 一級又一級樓梯, 斜坡,終於捱到第六段尾城門水塘, 以為有水機可以補給, 點知已經無曬, 因為多人BBQ關係.正當打算行去SEVEN之際,JASON一個電話打來, 說已經準備好食物,水駕車上來支援, 真是及時雨,當左佢係一個神, 大家大休個半鐘後天已光, 雙腳麻痺情況下上針山, 十分攞命, 捱完針山, 再大大段斜路上草山, 加上烈陽直射,我地不停講笑麻醉自己, 又過一關,最後上大帽山, 心諗最後一段,好快到終點, 咬緊牙關捱埋佢, 終於上到白波, 往後2K下斜不知那裡來的力量. JOG埋落去, 見到小食亭終果刻, 真係霎時感動~17小時10分,日行到夜再到日，終終終於到終點
完成了54K路,終於有少少信心可能真係可以完成100K路, 經過今次, 覺得D隊友都好堅下, 過左晚夜,默契度都提升左好多~

長跑傑

早上25K

長跑傑

衞徑1-5段-36.6K-08"10"22
雷利第二次都可能係最後一次操, 上次6-10, 今次1-5, 我總算走過全段,跟毅行比, 平地少,高山多,實在有點更辛苦.今次拍JOE,MAVIS 2大高手.
一開始走錯了大潭篤水塘,skip了孖崗山, 接下來便用半小時上紫羅籣山,過了渣甸山,石礦場,接上小馬山, 一開始食左2個400米山, 有點勉強, JOE GOR帶PACING更加扯爆,之後由柏山衝落鰂魚涌, 接下來便要搭MTR過海, 十分有趣,2段徑中隔過海.
油塘下車, 經墳場上炮台山,五桂山一大堆斜路, 樓梯, 返落平地就跟JOE GOR 跑, 可能太勉強, 右腳有條筋開始痛, 一直忍住, 中途KARL加入,於井欄村食左個飯,十分滿足,到井欄樹後上東洋山, 上得好急, 又焗, 十足針山, 捱過左, JOG落去飛鵝山終於見到豆花店,大開心了,勁食...1碗, 因為已經賣曬.
最後第5後, 超悶引水道, 因通宵無訓, 在引水道又發作,邊行邊訓,險些行左落條渠度, 最後天黑了, 4K用最後一口氣JOG埋佢收工.

長跑傑

國慶跑 10K - 49"44
打破不了49的宿命, 大美督船灣淡水湖水壩來來回回,又曬, 心機都光了, 以sub50成績完成, 收貸 ~
第一次著網衫比賽, 好多人影相, 唔識既叫長網加油, 真好~

長跑傑

元朗西鐵 - 南生圍 12.6k -  01"22"26
比賽後跟屯元天跑友慢遊南生圍-12K, 全程暴曬，勁熱，好彩有豆腐花食，但要夾住袋行李跑，真跑到爆粗/：--+/*/：

長跑傑

九龍半島大暴走 30.83 K - 03'09'00
維港景色真美, 第一次由西九睇到土瓜灣, 平時行,無耐性, 跑就可以一小時盡覽~真有睇頭的30K

長跑傑

早晨 10 k

長跑傑

LANTAU 2 PEAK 21K- 04'12'37
這個比賽橫跨 大東山, 鳳凰山, 香港第二,三高既山, 壓力好大, 但事前有心PRE-TRIP, 懂留力, 問題只是能否四小時內完成, 開賽好多斜坡, 唔理, 衝過曬, 因為上山路一定窒車, 大把機會休息, 結果上大東山果度好慢, 大家你推我撞, 過左爛頭謍, 一落山, 見識到D超人係跳崖, 唔係排住落, 我學佢一定卜死, 0130落到伯公拗, 終於鳳凰山, 好晒,好高,好多人抽筋, 我一步步過左10幾人, 終於到頂, 落山又係我既世界, 超快咁彈落山,0300 跑過彌勒山, 0324終於到360棧道, 今次有留力, 一口氣跑落去, 半小時已到地面, 0400 最後2K 狂跑返東涌, 最後都OVER 4 小時, 但完成左又幾過癮
同跑友食飯後又到毅行每週一操, 由於隊友又行2 PEAK, 所以又返上伯公拗後JOIN, 惡夢才剛剛開始.......

長跑傑

賽後, 毅行隊友已經在山上操練,我買左4罐可樂加袋冰打算上去伯公拗後JOIN, 原本可以坐車上伯公拗, 但我見有時間. 就打算行上去大東再落伯公拗,可惜高估了自己, 拎住袋冰, 加體力不繼, 上到一半已經想喊, 無退路之下上下停下, 幾經辛苦終於到大東山, 未落到伯公拗已經見到佢地上緊黎, 太好了, 又行少段~飲過可樂後, 原路折返, 再上大東, 心諗一日三次經過大東山,勁! 落返東涌都好辛苦, 因為不停咳, 應該吹親感冒, 今天總計已操35K山, 最辛苦今次 ~

長跑傑

遲來的recover ~

長跑傑

to allmyfriend : 好返啦, 有心~

長跑傑

無咩時間跑長課... 4k頂癮
4.2k - 00'21.'49

長跑傑

成個毅行, 上得最辛苦莫過於針山, 原本打算不參加, 但見美孚跑友好多人都去, 我又膽粗粗去玩, 別人說這是顛佬賽,也都沒錯, 所以當初打算4,5登就走佬, 規則好簡單,上落山當一次,
一開始在山上, 見到毅行隊友經過, 我們互相打打氣,就完成頭4登,
上上落落極為沉悶, 今天好多人行山,聽最多:加油,又係你呀,同你第幾轉.
到5,6登,開始無力提腿, 加上出太陽, 意識模糊,原來不停上樓梯所積聚的累, 是這樣可怕的, 開始想放棄, 跟自己說頂多2登便走好了, 結果到第8登,人都崩潰了, 眼見好多人都放棄, 我正打算放棄,突然覺得不值, 一上場, 放棄就輸成世, 這個年紀,至少留一件值得紀念的事給自己吧, 記得一年前講過, 死, 也要死在跑道上 ~ 而且,經常被人說跑得好盡,到底我為興趣,可以去到幾盡 ?
我又振作起來了, 即使慢也要上到頂, 跟自已說得,就一定得... 加上好多工作人員鼓勵說話, 我無理腳痛, 曬到頭暈, 用手抬對腳上梯級, 不停灌水給自己不要中暑,結果真的完成了, 真難以置信, 上近20000級樓梯, 最辛苦時真以為會死,完成的人不多, 我排名10, 今後, 可以做威水仔.同人講針山 ?我一日行過十次.
今次真多謝大會送印有完成10登字樣衫,又杯,又多野食,飲,又免費參加, 真係又食又拎


ps,今日見到施SIR, 但佢耐力驚人, 第9,10登仲可以上得好快, 勁~

長跑傑

45KM midnight 黑夜長征
今晚去玩45K比賽, 第一次跑咁長既山路頭比賽,加同WILSON組隊.路線係麥理浩徑4-8段,預目標12小時,比賽前SET好一個CP大概既時間,休息幾耐,SUPORT TEAM,第一次咁有計劃, 比賽前段,隊友WILSON大勇,上山, 落斜,平路全跑,追到我隻狗咁, 但都因為咁,比預期快左好多CP1-預4小時,只用了2小時多. 接著上畢架山, 上上落落梯級,因為開頭太快,開始出現回吐,直至見到CP2,又寶礦力,又三文治,又蕉,又可樂任攞,大會真好! 11點到金山, 好彩CAT同小力早左到場SUPORT, 帶來手卷.寶礦力,為我們注入能量! 不消一小時, 急行到水塘, 接下來便上針山, 可能經過十登, 覺得好快就上到山頂, 但WILSON開始跌W, 啪左包GEL,上埋草山,WILSON又精神返,後生仔真好~ 在铅磺拗,最後一個CP, 凌晨2點, 比預期快2小時,大家都期待有機10小時內完成,急步上到白波,3點22分,JOG埋落去就可以做到9小30╫, 大家一口氣衝落去,結果9小時26分完成, 全程都好急,由12小時變到9小時, 我同WILSON都好滿意成績, 今次WILSON真係好叻仔, 進步驚人! 希望下次IRON MAN 隊再創佳績~

長跑傑

壓力大解放- 20K

w/ Mei fo crazy running

長跑傑

Wilson 78K - 23"36"00
上星期玩過45K山賽,今日再走向極限,向78K出發,下個月毅行100K作最後準備.
今次聯同美孚小隊組成FREE FOUR隊, 由於不是個人賽,自己都無時間上既壓力, 只要4個人開開心心完成便好了.預24小時, JOE話22都可以~
九點半大家精精神神由黃泥涌水塘出發, 我仲得意地拎份NEWSPAPER邊行邊睇.經水塘,紫蘿蘭山,渣甸山,石礦場,小馬山, 落鰂魚涌,最後搭MTR完港島PART, 這些都比較輕鬆,過到油塘,有INA朋友以飯團補給,會合高手雄影一同陪行,然後便上炮台山,五桂山,經井欄樹大休後再上東洋山, 落去飛鵝山終於見到MAVIS,CAT為我們打打氣, 加陪行,而雄影就在此後退,由5人變6人,一併走沉悶水塘路, 我體力有點不繼,又肚餓, 好彩INA'S BROTHER 在CP準備了晚飯, 我食了一盒半飯, 滿足再走上铅礦拗,天開始黑, 我又開始眼訓.不停飲COFFEE, 食GEL, 在深夜12點左右, 落到大埔, MAVIS,CAT 在此後退, 我們又變回原本4人. 雖然食左提神野, 但都係好眼訓.
在7-11整理好心情, 深夜2點左右,一口氣上最難既九龍坑山, INA大勇,領軍一口氣過了7-8隊, 我跟得氣來氣喘,開始跌W, 經過最後CP. 我們上最後的八仙嶺, 除了眼訓, 開始肚痛,心情開始變差,決心都動搖了,好辛苦上到黃巔,已經頂唔住在山頭小睡數分鐘,才開始上八仙嶺, 這時,又有問題,上落得太多.我開始膝痛,我以史上最差狀態登上仙姑峰後,已經爆曬x肚痛x極眼訓x膝痛, 以停下行下既速度走向南涌終點, 雖然做不到22小時, 但都以最初既24小時內完成目標, 有個交代, 但今次行得咁爛,成為隊友負累 真係一個好好既教訓... ...

長跑傑

工作太忙, 停了六天收工終於能抽空, 怕腳不適應, 只慢跑了7k熱身

長跑傑

荃西去小欖來回23K - 02"15"06
有靚MILL, B 哥, EDDY,荃西華 師兄領軍, 未到一半已爆計... 要捱跑返黎, 慘~

長跑傑

Asics 10 K 公路賽 - 49”37
第一次比賽全跑公路，上上落落很多，開頭5k太快，最後只能敗走回來，中途仲落大雨，險些PK

長跑傑

今朝的10k比賽過後, 相約KARL, JOE, 由荃西出發來長課
事前不知道什麼地方好跑,結果我打算給自己一課甘的, 當係毅行前最後操練,JOE也要為168作準備,所以決定到元朗畫一圈.
先由荃西上扶輪公園, 平地爬升480米, 我們用了45分鐘, 感覺還可以, 小食店買水後, 一直落斜到石崗, 見到2個軍人笑笑口SAY HI,我都不禁比左個禮佢, 之後食了餐飯, 還有大把路要跑, 才13K都不可以太飽.
接下來一直無停7-8K去到元朗一間體育館加水, 我開始慢, 開始有點距離, 入到元朗大馬路, 大家都無跑,因為人比旺角還要多, KARL就在此分手, 剩下我跟JOE拍住跑, 那時太約23K 我已不能加速, 只能KEEP7-8分K跑, JOE都好好一邊傾計, 又鼓勵下咁.
幾經辛苦, 去到黃金海岸約38K, 但我腳板已經痛到爆, 又要行下, 趁佢無痛又JOG返, 最後到青公果條路, 知道離終點仲有10K, 加上好大風好涼快, 又有返力去JOG, 過了青龍頭, 深井, 最後5K, JOE話唔得可以搭車走, 我又問下對腳, 佢好肯定話得, 仲可以行毅行, JOE見我開始思覺失調, 唯有比我繼續, 到了荃西最後1.5K, JOE仲叫我5分K衝埋佢, 我心諗聽日做比你睇....
最後埋單51K + 早上10K, 今日共61K, 飽曬, 辛苦了對腳