KKF 的跑步日誌

KKF

2009-Total: 1688KM
2009-PB: 8k/38m, 10k/49m, 15k/1hr12m, HM/1hr36m
2010-Total: 2388KM
2010-PB: 15k/1hr11m, 8k/35m30s, 10k/46m, 10.5k/45m30s, HM/1hr31m30s
2012-PB: 15k/1hr04m, 10k/40m, HM/1hr30m
Target: HM/1hr25m, 10k/38m

KKF

最高重量係196lbs/高:5呎10, 用三個月減到現在172lbs, 我的keepfit餐單如下:
逄星期二,四
早:燕麥一碗  午:兩餸飯+中湯  晚:半碗飯+小肉多菜(大概七成飽)  跑7-8km
逄星期一, 三, 五
早:大x活早餐(通粉,蛋治,奶茶) 午:建身一小時後, 麥包兩片+鮮奶一杯 晚:半碗飯+小肉多菜(大概七成飽)
星期六,日, 是旦一日做長課
早+午: 普通早餐一客  晚: 一碗飯+普通餸菜(大概八成飽)

[ 本帖最後由 KKF 於 2009-3-28 08:18 編輯 ]

KKF

原帖由 瘋狂坦克車 於 2009-2-19 17:11 發表

                               
登錄/註冊後可看大圖

KF, 你個名睇漏一個F字都仲以為係長跑網另一位管理員屈教練.
KF兄, 你既肥胖情形(196磅)好似1年之前既小弟, 咁既, 好有POTENTIAL打入減肥龍虎榜前列呀!! " />" />
歡迎加入長跑長友!   ...

係呀 ! 但我唔知點樣先至可以改到userid , 請指教.

KKF

原帖由 瘋狂坦克車 於 2009-2-19 17:16 發表

                               
登錄/註冊後可看大圖

你想改成點? 我即刻同你改!

唔該幫改做KKF, thx !

KKF

原帖由 瘋狂坦克車 於 2009-2-19 17:22 發表

                               
登錄/註冊後可看大圖

KKF C兄, 搞掂晒!

我用kkf再登入來都無問題, 唔該哂 !

KKF

原帖由 kenneth 於 2009-2-19 17:19 發表

                               
登錄/註冊後可看大圖

Hi Kenneth 兄﹗小弟同閣下背景都很相似，小弟都是有兩位小朋友的﹗而小弟跑開屯門區，日後有機會，多多指教﹗

有兩個小朋友都真係幾忙吓,現在我d還細都可以只係同佢地玩吓就得,其他都可以比工人睇住, 自己都還有d私人空間, 但遲d佢地大d 要幫手跟家課, 就可能小d時間練習啦.  小弟跑開九龍灣區, 多多指教!

KKF

尋晚和同事火鍋,自己始終都係為食格忍唔到口,食辣椒又飲酒攪到今朝早喉嚨發炎添,希望唔好影響今晚自己定下的練習目標就好啦.

KKF

喉嚨發炎後,當晚仍然去跑但減小到5k就算,睡覺前覺得沾寒沾凍,睇睇原來燒到102,唉.... 為有食退燒藥,等明早去睇醫生請病假啦. 真估唔到以前唔多做運動時成年都無病過,呢家差不多日日做運動都咁易種招. 但如果唔常做運動又無康復得咁快,隔左一日,就可以繼續練習啦.當日睇睇自己有無重左,點知還輕了兩磅.... 居然病後可以達到自己第一個目標:178lbs, bmi 去到25以下水平了. 現在要努力我下一個目標170lbs啦.

[ 本帖最後由 KKF 於 2009-2-24 09:57 編輯 ]

KKF

原帖由 kenneth 於 2009-2-24 10:00 發表

                               
登錄/註冊後可看大圖

其實跑完步後的一兩小時，身體的抵抗力是最弱的，亦是最易生病。另外如果日日做運動，其實不是太好，因為閣下的腳，體力等，唔夠時間恢復。另外發燒，重感冒時，更不宜跑步做運動。
祝早日康復。

多謝關心呀! 現在已經康復哂啦. 以前身体重,跑得耐就好易傷,和一定要隔日跑.跑起上來總是覺得有種"捱"同"死頂"的感覺.
呢家減左磅後,可能負荷減輕左,練習起上來都覺得比以前輕鬆好多,無哂之前辛苦的感覺, 所以現在跑到好似上左癮,一天唔跑就覺得好唔安樂.
但無論如何都聽取kenneth提示. 最緊係長跑長有呀ma.

[ 本帖最後由 KKF 於 2009-2-24 12:06 編輯 ]

KKF

昨天星期日跑清水灣,呢條路以前都有跑過, 但四個月前因唔知自己過重去跑(196lbs)而受傷後,一直都冇跑呢種長命斜了,現在自覺呢家体重去番標準水平,就即管試試.路線如下:由九龍灣MTR站出發->經天橋到彩盈,彩霞->掁華道上樂華村->經秀茂坪警署到順利->入清水灣道經壁屋->直入到清水灣一灘為終點, 最後步行到二灘撘巴士回程. 全程大約15km, 但我要1hr35min才完成...:-( . 可能跑落斜位時有陰影怕受傷,所以將步幅修得很短(比平路還要慢地去跑), 今次体驗同以前未減磅時去跑真係兩回事.
以前身体重量超標,未跑到入清水灣道都開始頂唔順和好似有"痛住呢跑"的感覺,完成後都需要休養幾日先可以跑得番.
呢家可能因為自己輕左,跑上斜時都唔覺點辛苦,入到清水灣都重有大把貨買,但想到來近呢個星期都要繼續練習,所以都係唔好去到咁盡.回家後磅一磅重..175lbs,好開心有新突破了,現在向170lbs進發啦.

[ 本帖最後由 KKF 於 2009-3-6 14:53 編輯 ]

KKF

昨晚一日雨打亂了自己的訓練表,攪到今早搏返工遲到都要補番數.下星期準備去台灣陽明山浸溫泉,睇吓可唔可以順道做個長課先.

KKF

早幾日去左台北陽明山玩,順道早上試試跑下週邊山路,預計跑6-8km, 當我好開心地跑出酒店不遠處時,就見到有好多野狗. 我嘗試跑去另一條路,但他們居然跟住我後面,以策安全最後都係在酒店週邊作緩步跑算了,陽明山環境真係一流,山景美麗,空氣清新,如沒有野狗我就一定會跑番夠盤.

KKF

真的多謝瘋兄提點每月參加一個長跑比賽對減磅會有效,所以參加了412復活跑,當日氣氛很好同非常熱鬧,但唯一不足係此路不太適宜辦大型長跑活動,今次參加人數對此場地來說都應該算係極限了,在開跑時都非常擠迫和危險,但無論如何大會總算攪得幾成功. 而我在今次亦都超額完成49'和今個月目標-体重減到169lbs.未來目標可以開始鍛練耐力同速度了.

[ 本帖最後由 KKF 於 2009-4-16 09:15 編輯 ]

KKF

昨晨比賽真係非常熱焗,三分二時間都有太陽曬住加上冇風,所以跑到尾1K都頂唔順要放慢腳跑完全程就算.成績比上次10k好,38分半完成算係pb左 .
不經不覺都減了大概四個多月了,現況都keep住167-170lbs左右,減磅目標都算係達到左 ,過了五月後兩個月都唔會參加任何長跑比賽,怕自己keep唔住現況 ,但無論如何都要keep住運動量同適量飲食,決定下月開始將目標轉為速度和耐力.

KKF

原帖由 瘋狂坦克車 於 2009-5-20 14:40 發表

                               
登錄/註冊後可看大圖

Kenneth c hing, 非常好! 加油呀! 你身型開始fit啦, 唔好停呀!" />" />" />

近日我老婆開始投訴我晚上跑得太密,於是我就搵番上年d相和現在d相比佢睇,
之後佢就approve我繼續去跑啦 , 大家唔好停,繼續努力!

KKF

昨晚第一次即慶嘗試練速度, warmup 3k 後,[email protected] 跑到第五個就頂唔順. 攪到今朝都覺得大比有d酸痛.
我估可能我的方法有錯誤.現在試跟 smartcoach program http://www.runnersworld.com/cda/smartcoach/0,7148,s6-238-277-278-0-0-0-0-0,00.html
gen 個schedule去練習,睇吓有沒有進步先.

KKF

原帖由 瘋狂坦克車 於 2009-5-21 17:11 發表

                               
登錄/註冊後可看大圖

1'30"真係唔慢喎, c hing小心跑傷呀. 一傷左冇得跑就慘喇...

係呀! 可能係我第一次試衝唔識收,今次好彩無傷  ,下次都要記住要量力而為了.

KKF

原帖由 瘋瘋 於 2009-7-13 14:33 發表

                               
登錄/註冊後可看大圖

KKF兄, 有幸昨天賽道相逢, 下次賽事見! 師兄真人很FIT! 加加油!

多謝你的誇獎, 經過半年努力略有小小成果(現在都keep住169-170lbs),
但亦因為咁就開始有小小放縱了(有時都食消夜,飲吓啤酒咁).
所以為了keep住唔比自己放鬆,決定報816賽事. 到時大家努力爭取好成績!

KKF

經過816後發覺自己跑步速度和耐力經過三個多月的練習後都仍然難有寸進,於是請教了一些教練,他對我有以下提示,籍此向各位ching分享:
- 肌肉協調及控制有問題
- 部份腳筯唔夠鬆或過緊
- 步幅太細(因以前怕傷唔敢跑咁大步)
- 注意熱身動作(腰唔直,做得太快)
以往意為只要跑多d就應該練到自己目標,但原來當跑到另一階段係要注意多好多野.