|
e 條路,我以前住大嶼山嘅日子,每年都當行山咁行一兩次,多年累積下來,都有十次以上,但只係行,冇跑過. 如果係跑的話,我覺得由東涌灣開始至深屈嘅一段尚可. 到了深屈之後,路變得陰森狹窄,有一段路更是靠近無欄山崖邊,跑,會有一定危險. 另外,越接近大澳,越多碎石沙塵,而且多年來一直有山泥傾瀉告示牌警告遊人潛在危險. 所以深屈至大澳嘅一段沿海山徑,大部份都唔係咁適宜跑. 自己反而試過跟朋友遊昂平後,沿昂平道經深屈道(全程石屎路)跑下山以相反方向回東涌.照計,如果唔行深屈至大澳嘅一段沿海山徑,係可以沿深屈道上山頂,再經大澳道落大澳;風景則由茫茫大海,變成石璧水塘景(上到山頂後)+沿路寺院風景(延慶寺,靈隱寺....),個人覺得要比前者好. |
|