|
今晚青公約跑終於見到好多位師兄和mill姐了.
小弟一直覺得, 耳聽為虛, 眼見為實. 今晚再次得以驗證以上論點. 事實系, 眾多位師兄師姐都系大話精! 如果其他新跑手睇到佢哋講咩"慢腳", "食塵", "見唔到尾燈"之類的說話, 大可以置之不理或視若無睹. 因為小弟今晚除咗出發果頭兩分鐘之外, 基本上都系一個人喺後面霸嘥條青公唱:"lonely lonely lonelyyy~~~~" . 亮哥因為星期日有賽事要留力, 所以距離嘉頓約一公里外的海旁落斜處已見佢與各位回程中. 喵姐更關心小弟識路與否, 大聲提醒已可掉頭跟大隊回程.
但步大力洪果兩位呢? 就係叫坦克車同埋pck果兩位仁兄. 跑多小弟4k有多, 回程中過咗丁九後只聽到背後一陣風聲, 眼前迅即被一道綠光超越, 而且以頻密嘅步速拋離小弟. 數十秒後, 另一著住長跑網背心的師兄亦以極平穩的跑速略過氣來氣喘的自己. 無錯! 就係pck師兄啦. 最最最令人氣憤嘅係, 返到更衣室前的集合點見到哩兩位師兄, 佢地問我:"咦~~ 你跑咗去邊啊? 見唔到你嘅?" 豈有此理! 真系容忍有個限度 . 下次我坐公交
第一次見到各位跑網的師兄師姐, 大家真系好好, 不斷互相提醒, 打氣, 交流心得. 講心果句, 長跑鍛煉耐力系其次, 途中遇到志同道合嘅同行者, 相互的一句提醒, 勉勵, 真系好比其他的都來得重要. 日後時間允許, 小弟一定多參與大家的約跑趴地. 好多謝各位. |
|