升級
   26.67%
TA的每日心情 | 奮鬥
2014-12-15 09:40 |
|---|
簽到天數: 35 天 [LV.5]常住居民I
|
初來報到, 等我又寫返個”我的長跑紀錄史”……..好長…….希望有人會睇晒.
其實自細好唔鐘意跑步, 我係”水上人”, 比較鐘意游水, 參加過泳會同學校既泳隊, 亦喜歡各樣水上活動. 但叫我跑步, 我就晒手擰頭. 甚至去美國讀書, 都胆粗粗JOIN人哋既泳隊. 直至大學最後一年, 學校要重建, 拆咗我最愛既泳池, 坐唔定既我心諗, 窮學生無錢買球拍, 又唔咪好鍾意打波, 我仲可以做咩運動呢? 跑步啦, 有腳就可幾跑步架啦! 於是就JOIN了學校既Cross Country隊, 這算是開始我跑步既生涯. 起初都頗辛苦, 亦因為無特別買專用既跑山鞋, 試過練到膝頭痛到行都行唔到. 可能我體內都有少少長跑所需既耐力同恒心既基因, 即使痛, 我又KEEP住跑, 跑跑下又唔痛喎!
畢業後便無再跑了, 回到香港, 都最多只係間中游下水. 直到09年, 因為打算10年結婚, 要當個靚新娘既我, 當然要減下肥啦! 但係, 出去游水, 閒閒到都要$20次, 想慳得一蚊得一蚊嚟結婚既我, 又再穿起跑鞋, 落街跑公園, 最平既運動. 由最開初住油麻地跑櫻桃街公園來回兩轉, 到後來搬回大圍, 由大圍跑到沙田翠榕橋(即過咗沙田運動場果條橋), 到10年年尾忽發奇想, 不如報11年的渣馬半馬啦! 就這樣開始了我跑馬拉松既日子.
報11年半馬都唔係咁順利. 佢10年10月開始報, 咁啱果時搞結婚搞到如火如荼, 完全係臨上機去蜜月先記得我要報名, 於是立即打電話比我個FD, 比我啲資料佢, 請她幫我報. 可惜係, 到埗後收到訊息話已經FULL咗, 好失望. 再等多一年, 呢團火可能已經熄咗. 但係都無法, FULL咗就係FULL咗.
點知, 到咗12月, 有日放工坐巴士回家途中聽收音機, 新聞竟然講話有好多duplicate application, 所以就有啲位放番出嚟. 嘩…即刻用電話上網報名, 成功~~~
呢一次半馬既成績係2:38, 其實唔算好. 呢兩日响呢度睇見好多師兄師姐既第一次半馬已經係2小時內, 我其實真係幾慢. 不過, 能夠完成, 我已經好心滿意足, 況且, 第一年, 哈…作為一個唔professional既跑手, 實係停下影下相啦!
12年, 又想跑多次, 打算唔停唔影相, 跑得專業一點, 看看成績會係點啦, 於是又報. 出來成績有很大進步架, 係2:28:29. 哈…有10分鐘進步咁大把!
13年, 其實唔想再跑, 點知有兩個FD話好想跑, 於是就陪佢哋又報多次. 呢次進步更多, 有廿分鐘進步, 成績係2:08. 每一次既進步, 都令我更想跑落去. 加上多了兩個朋友一同跑, 就一齊去參加更加多唔同既馬拉松賽.
13年4月, 我哋三個, 加埋啦啦隊老公, 一齊去韓國慶州櫻花馬拉松, 參加了我們人生既第一次全馬. 當時心態係, 完成唔到都唔緊要, 當賞花啫! 旅行加馬拉松, 其實係一個很好既配搭, 有啲景點和民居係普通旅遊既時間唔到經過, 跑個馬拉松就可以睇多好多嘢. 再加上...身邊跑馬拉松既朋友唔多, 同人講去外地跑馬拉松, 都真係一件幾型既事. 最後, 我係能夠完成的, 成績係4:40. 其實係唔錯, 不過我想原因為賽事limit係5小時, 迫我好努力咁去完成. 其實跑完呢個全馬係, 真係堅覺得辛苦架! 仲係咁鬧自己好地地去旅行唔得既, 做咩咁辛苦要跑步, 跑完行又行唔到, 係咪痴線吖! 我相信好多人都曾經經歷呢啲內心交戰, 但最後都會比完成賽事既滿足感勝過, 而繼續一次一次咁跑落去.
回來後, 就不斷睇下10月開始的賽季世界各地有咩馬拉松可幾參加. 其實呢個櫻花馬拉松前後, 我既膝頭係頗差, 買錯鞋係一個好重要原因. 差啲因為膝痛問題, 老公唔比我再跑步. 後來休息了一個夏天, 加上朋友介紹了我去一家很好的跑鞋店買了對很好的跑鞋後, 膝痛便不藥而癒了.
13年11月, 這個賽季第一個賽事係澳門馬拉松, 近近地又唔駛請假, 就去跑個半馬作為今季是熱身賽. 去之前Target係希望2小時內完成. 最後成績是2:00:17, 都算達標. 不過我想主因是成個賽道斜路不多, 所以才能達標.
跟著已報了的賽事有:
19/1/14: China Coast Marathon (Half)
16/2/14: 渣馬全馬 應該會最後一次跑渣馬了. 實在太悶, 太迫, 太無氣氛了.
未報而又Plan 梗去既有:
16/3/14: 台北國道馬拉松
4月睇梗長野定係巴黎, 又或者最後無錢邊道都去唔到, HAHA... ....
分享完畢, 多謝收睇.
|
|
[複製鏈接]
發表於 2013-12-3 15:09:07
樓主
發表於 2013-12-3 23:31:09
.gif)
大家都加油!