渣馬──香港最成功的維穩組織

bunbun

http://www.am730.com.hk/column-199249
am730        2014-03-21

渣馬──香港最成功的維穩組織        

體育雜誌《SportSoho》3月號有一項調查，發現九成參賽對起跑時間「可接受」，只有9%認為「太早」，1%認為「滿意」。若果把問題改為「是否滿意渣馬？」，大概也得出九成人接受的結果。即使渣馬水平遠遠落後歐美日本，與香港作為國際都會的地位不成正比，但大家每年還是滿心歡喜鬥快報名，跑完開開心心post相。

一個長期無進步、關心塞滿賽道多於跑手福祉、歧視侮辱輪椅選手的比賽，仍然得到大多數跑友的接受，甚至獲廣大傳媒認同為「國際盛事」，足證渣馬搞維穩，叻過搞比賽多多聲。高威林確是香港難得的政治人才，若不是下屆特首黑馬，也絕對可以勝任局長或行政會議成員。

渣馬維穩成功有幾方面。第一，收取便宜的報名費，以塞爆賽道代替加價，降低跑手的期望，令一切失當的安排合理化：「300蚊，有得跑、有件衫，仲想點呀？嘈下連跑都無得跑！」同時把太早起步、隧道空氣差、賽道沉悶的責任，大腳傳中給政府、區議會及嫌阻街市民，如彼拉多洗手般事不關己：「要怪就怪政府唔肯封路，我哋都無辦法。」

第三是有教練、精英運動員和跑會作盟友。香港只有田總(渣馬主辦者)才有資格發教練牌、派運動員代表香港、預留賽事名額給跑會等，既然要靠田總搵食，怎可能與田總抬槓？

教練和跑會骨幹的思維，並不比田總諸公進步，他們同樣只視馬拉松為優勝劣敗的陸上競技而已，而專家的身份更令他們在傳媒上，擁有更響亮的話語權。至於跑手的感受、如何鼓勵全民參與、輪椅賽的安排，根本不是他們關心的事。

最後，也是最關鍵的因素，是主流跑手的心態。他們普遍接受現狀，滿足於創PB，認為追求日本的水平是不切實際，因為兩地「國情、文化不同」。缺乏正義感的跑手更有不少，當他們連掛條藍絲帶跑、聲援言論自由也不願意，認為這是「令運動政治化」，但又無視年年由特首、官員鳴槍的政治性，他們怎會為輪椅選手被歧視而發聲？怎會認同渣馬要改革？

只有跑手醒覺，明白馬拉松也要做到of the runners, by the runners, for the runners，香港馬拉松才有望起錨。可惜，這一天似乎較落實真普選更遙遠。

cmanho

其實跑步好簡單, 愛跑就跑~
點解成日要將跑步同政治或其他訴求拉上關係?
遲D會唔會連樂施毅行者, 勇闖ICC-100等會上電視既賽事都要求參賽者作出某D舉動表達訴求?
如果我想表達某D訴求會自發參加相關請願或遊行活動,
點解要騎劫一個跑步比賽以表達訴求呢?
點解唔響應既參賽者就係缺乏正義感?
唔通呢D就係筆者追求既自由?

  

nacorner90

跑埋今個禮拜的東九街跑,  就會收聲,  都賣咗幾個月植入式廣告啦, 大家忍耐多一陣

fullysettle

只是一篇硬要將自己意見套在其他參加者頭上的文章而已。

小叻

渣馬已經過咗成個月, 竟然仲有抽水報導..

siufung

作為跑者黎睇, 作者似乎諗多左

ampm6170

我信任何事都係政治!

大事大非的大時代，你唔攪政治，政治攪你!

chtang

真唔明一個跑步赛事同維穩有甚麼關係

kkw1845

踩”渣馬”, 讚”街馬10公里”,  明顯親疏有別, 別有用心, 硬要將體育拉上政治