2018.09.16 悉尼馬拉松

wlau

2017 年剛過去既悉尼馬拉松, 已經可以報2018 年既比賽

早決定早買機票酒店會方便D , 比賽以市區為中心, 交通配套方便, 天氣清涼, 賽道亦算平坦(少少上落斜), 係一個做時間既好地方, 可以推介一跑既金LABEL 比賽, 但由於柏林馬改早左一個禮拜, 所以要諗清楚.

官方連結
https://www.sydneyrunningfestival.com.au

P.S 同柏林同一日

craig

多謝分享資訊

porpor

多謝分享

柔詠

thx!...好有興趣!

柔詠

報了....之前未去過澳洲

brompton

我跑過兩年的悉尼馬，相隔七年。兩次的賽道都唔同，但終點都係Opera House。現在悉尼市中心，大興土木，交通和賽路，頗混亂。悉尼市中心，建設緊輕鐵系統，和改善市中心的單車徑。賽路上，因工程的關係，會有多種唔同路面的情況，跑時要留意，唔好仆親。跑左兩次悉尼馬，因悉尼港是沿海邊的headland發展而成，賽路會上上落落。離開市中心的賽路，會好點。但都係暗上暗落，唔會全平。平坦的賽路係有，但唔長。

如跑悉尼馬，必要操多點上落山坡的技巧，會比較有利。悉尼馬，無乜氣氛，自己同自已跑。參賽者唔多，起步係悉尼橋底，頭兩公里係上斜。人會散開，離開悉尼橋之後，就入公園。沿途，你有你跑，市民唔多見，係終點前一公里，才有打氣的市民。

跑悉尼馬，有跑開全馬的就唔好唸PB，因上上落落，體力消耗大。但對於初心向者，如祇玩過幾個全馬的，做到PB就有可能。去悉尼，心態要把跑馬當配菜，主力係旅遊，飲飲食食，會比較上好。唔太多期望，就無失望。大會安排，好，順，效率高。沿途補給充足，有powergel供應，唔洗自己帶。去跑，就咁兩隻手空空去，就得。比賽當日，有號碼牌，就可全日免費乘公共交通。這個安排貼心，香港渣馬應考慮這個建議。大會唔建議，跑者穿膠袋，兩衣，係起步點黎作為防寒的用途。大會，要求跑者穿舊衣來防寒，係起步時，就捐出黎。這個咁環保的安排，香港渣馬應該考慮。

悉尼，最出名，最多人參加和最有氣氛的，係City to Surf長跑，不是悉尼馬。由起步到終點，全是跑者和市民。悉尼馬，一般市民的成績不高，我跑得咁慢，係我的age group，已經係top 25。這個馬，無乜壓力，都係個句，"享受過程，開心完成。"