2018.11.11 土耳其Istanbul Marathon (IAAF Gold Label)

brompton

https://www.maraton.istanbul/home-page

全馬限時6小時，報名費，約8蚊雞歐羅。即係約港元$72。我唸係最平的一個Gold Label馬拉松賽事。
直航約十一小時，$5xxx。國際四星級酒店，係比賽期間，如Ramada，約$600一晚雙人房。嚴cheap，可以住國際五星如喜來登，約$1000一晚雙人房。我唸住玩二十一日，土耳其/希臘，全境自由行。我預計budget，約$15,000，全包。我睇過勝景遊，土耳其/希臘，十一天，要$27000，(未計，加遊加餐，小費)。

賽事另有，十公里和十五公里，限時四小時。搞笑，我咁大個仔，都未見過有四小時限時的十公里和十五公里的賽事。十公里，四小時，以shopping速度，懶都都懶到。唔明，點解十公里都限時四小時？？奇怪。
報名費，都係8蚊雞歐羅。特別在，有Finisher Medal，勁。好似，無也賽事，十公里都有finisher medal。
土耳其全馬冠軍完成時間係兩小時十分，應該係快track。唔似得溫哥華，冠軍完成的時間係兩小時二十八分。咁証明，溫哥華的賽路和天氣，是魔鬼賽道。

地球太大，時間太少。跑馬，要多點去不同的地方/國家

craig

多謝分享資訊

porpor

多謝分享

Donaldwong

呢個好！

柔詠

好吸引下……

brompton

剛買了土耳其航空來回Instanbul, Greece and 香港。$6000約，以淡季黎講，比較貴。一般來住香港歐洲的飛機票，祇是$4xxx咁上下。係Greece，book左幾晚遊輪去愛琴海小島。土耳其和希臘，多年前都已好想去。因跑國際馬，土耳其不是首選/次選/三選...，所以到了今時今日，才決定去。

brompton

今次的行程，基本上已差唔多落實。會先到希臘，用三日去遊小島。遊完小島就落船，係遊輪碼頭鑼租車，渣車係希臘，雅典和週邊境區玩三日。玩完，就回雅典上飛機，去Istanbul，住四日，玩舊城區和預備星期日跑馬。跑完馬，就繼續玩土耳其的各地名勝。希臘的酒店已booked，Istanbul就book左間國際五星，就近起步點pickup bus的上車站。
Check過希臘和土耳其的航拍條例，都係一般限制，無乜特別和無需要預先網上登記。Considered土耳其的政治環境，寬鬆得有點唔理實。全馬限時，六小時，真係"懶"都"懶"到返黎。全馬，祇得二千零人跑，少得可憐。可能係咁，大會接受係Expo即時報名。邊似得香港/日本馬，下下都話要抽，咁無引。我咁大個仔，第一次係回教(世俗化)國家跑，可能有另類見聞。唔知會唔會見到，包到自已實一實，祇露出兩隻眼的回教女跑友？

土耳其都未跑，我已開始睇緊明年的北歐馬，可能選擇Stockholm或Oslo Marathon。要睇下時間上的安排。都係以跑馬為主菜，加上，行山/航拍+攝影/飲飲食食

都係個句，世界太大，可以有體能去跑全馬的時間太短。要把握時日，向世界出發。

柔詠

Thanks for information

brompton

跑完Istanbul Marathon，PB賽道，PB天氣，可惜我的情況是用"懶"番黎，黎到形容。係橫跨歐亞大橋起步，頭500米上橋，和，最後的一公里跑上Sultanahmah皇宮，終點。其餘的99.9%都係平，或近乎平路。全賽路祇有一個U turn，雖要減遠轉彎，其餘的是大直路，又闊又直又無人阻。如果這條唔算係PB賽道，咁就係要求高喇。

全馬祇有少於四千人起步，非常疏落，基本上跑完十五公里之後，就祇有自己同自己跑。前後，都唔係好見到人。沿途由0KM至15KM，頗熱鬧。有大會安排的路邊打氣。但過左15KM之後，就冷清清。因為由0KM至15KM，路段，是同15KM的人同賽同路。所以，比較上熱鬧。

報名費，祇是HKD100，本來唸住沿途都會無乜好野食/飲。發現，原來唔係。有Red Bull任飲(如果想爆缸，可以盡飲)，糖，香蕉，當然唔少得每三幾公里的水站。HKD100，有完賽牌，有Addidas的ClimaCool戰衣，有土耳其紀念品，還有貼心雨衣，等等。咁價錢，咁配置，比較起跑日本，美國，歐洲，甚至香港的馬拉松，我覺得是難以至信。還有PB賽道，PB天氣，直頭無得輸。我"懶"番終點，沿途無聽過一句"廣東話"，祇見到一個穿著中國北京跑會的男跑手。他懶在我前後，互有攻守，差唔多時間沖線。

全個旅程程玩左21日，玩到傻左。好玩，歷史豐富，希臘/愛琴海/土耳其，靚。土耳其，d野平到唔信。係餐廳食餐，一個一般食得飽的土耳其晚餐，每人HKD$30-$40。食新鮮海魚餐，Trout/Snappe一大條，祇是$40 HKD，一個餐。包salad，麵包，土耳其茶。每次食完埋單，都唔係好相信張單，有無計錯？
係希臘/愛琴海/土耳其，我都有玩行山活動。可能，這些國家，行山不是當地和旅客的preferred活動，每次都唔見到人。行成四至六小時，祇有野外雀仔的聲音。有點陰森，如果唔慣這種無人係國外不習慣的環境。我係土耳其"奇石林"，行左兩日山，共十小時。由朝行到晚，係"奇石林"內左轉右轉。太陽出，行到落山。要趕係太陽落山之前，出番去。土耳其"奇石林"，多流浪狗。試過有攔路狗，係郊野段。狗吠，就時時聽到。係咁山路四野無人的環境下，頗心寒。我祇好手執大樹枝，慢慢行過狗狗旁邊。狗狗似乎唔介意，繼續係山路中間，當我行過無到。好。

係土耳其"奇石林"，山路多如天上的星星。原來，這裡有搞跑出賽，多日山賽，和超級山賽。我見到有山賽的Banner，係"奇石林"境區。"奇石林"的山路，不是全是人行出黎，我見到有駱駝行出黎的山路。這些不正確的山路，好多時會混亂。一不小心，就會行錯左入去。我係土耳其首都"安卡拉"，都有行山，行左五小時，係國家公園。影到唔少有趣的雀鳥。這個國家公園，有點像濕地公園，滿是雀鳥。我行到下午五點，天已轉黑，還有幾公里才出去到大路。如果繼續行，應已入黑。本應無問題，土耳其治安好，就算係郊野段，都無有怕。我有帶手電筒，唸住行引水道出番去。但行行下，有架爛溶溶的小工程貨車駛過，停係我身邊，示意我可以上車，載我出市區。部工程車，頗似睇美國傻佬弄捉人上車和殺人的電影。但係土耳其，就唔洗驚。如果係希臘，我就打死都唔會上。個土耳其司機，唔識講英文，祇是示意我可以係前面落，有公交回市區。我咁大個仔，都係第一次，坐順風車。
係希臘行山，就無咁情況。同樣都係無人行。但沒有狗狗，祇有貓貓係山路郊野。希臘，到處都係貓貓。不過，希臘的治安頗差，我行山希望見唔到人，多過見到人。因為，唔知會唔會係賊。見我係中國人，就一刀插瓜我，搶我的財物。我係希臘，晚上少出街，因治安唔好。土耳其，就安全過安全。晚上十一點，都可以落街，行街，happy。

鐘意影相，這條線真的唔錯。有小島風情，有奇石奇山，有穩世的修道園，當然唔少得著名古跡。整個二十一日，旅程，坐左三程內陸機，一程高鐵，參加左一個遊輪假期，租左車幾日，多住四，五星級的酒店，住入境區影日山/黃昏，都係洗左兩萬二，每人。唔可以話抵到爛，都算係value for money。如果參考P&O, Jetour，永安，富麗華，去希臘/愛琴海/土耳其，深度遊。我唸，報名費，都要萬多，二萬。還未計，加遊加餐。

世界太大，可以有能力跑馬的日子太少。要趕住向世界出發，唔好跑黎跑去都係日本，南韓，台灣和中國。儲埋d假期，多去國外跑，豐富人生的歷練。還有，唔好跟團/跑團，要自己去，四處遊蕩去發掘世界之大。
跑完土耳其，下一站就係北歐。我想去Norway玩，行山攝影。睇下有邊幾個賽事擇。北歐賽事，貴。報名費港紙一千起跳，簡直係搶錢。

brompton

我玩完，跑完番左黎之後。身邊的親朋戚友，就紛紛問我有關希臘/愛琴海/土耳其自由行的問題。他/她們一般都係擔心，治安，交通。因為，土耳其係香港的外遊警示，係紅色。而希臘的治安，出名頗差。擔心不無道理。我係Istanbul和Ankara，隨處見荷槍實彈的軍警，防暴車，警車守係主要的通道，尤其係人多的境區。但，如論驚唔驚有恐襲？我真係無唸過會有鑼。我去過紐約和倫敦，覺得軍警比起土耳其，多唔知幾倍。
希臘，就少見到軍警，都有但真係唔多。希臘係境區，就多便衣警察，提醒旅客注意抓手，小偷。希臘境區的治安，應無人身問題，但小巷就唔包。我試過係通來住境區的小巷，就被非洲人搭訕，我心理覺得唔安全。但可能祇是唔熟地頭，亦可能這些人無惡意。而希臘的愛琴海小島，就真係太平過太平，晚上四處行都無問題，到處都燈火通明，商店又多又熱鬧。

總的黎講，我覺得希臘/愛琴海/土耳其，自由行如環繞著境區，應問題不大，我唔覺得特別危險。見到軍警守衛，祇是心理上可能有壓迫感，但見得多都已習慣。

至於交通上方面，希臘和土耳其，交通非常方便，旅遊設施已相當成熟。做左咁多個世紀的旅遊，唸都唸到好先進。不過要玩這些地區，車程長，如錢唔係問題，可以考慮坐內陸機。少依賴長途巴士和火車。係希臘，我租左架車。自駕遊無問題。希臘的高速做得好好，但如果係Athens內，就要小心渣。因係希臘，乜都可以係馬路上行。如滑板車，電動單車，roller，行人亂過馬路...，等等。而且，街窄多人多車。不過，如果係香港有渣開車，就唔覺特別混亂，是可以應乎的。

香港人，少去土耳其自由行。希臘自由行，多數係去愛琴海。跟團是絕大部份。我全程二十一日旅程，無見過大媽團，奇怪。係境區，普通話常聽到，但可能係台灣遊客。係希臘/土耳其機場，就見過香港團，大陸團和台灣團。自由行，我見唔到。係希臘/土耳其，行山的，我真係無聽過身邊朋友親戚，咁做。我唸，我係絕少數，膽粗粗去希臘/土耳其行山。因為，跟團，點會給你時間行山？一係就坐熱氣球，一係就坐四驅車，一係就坐遊船河，一係就去豬仔店。

我去之前，都有參考人地d blog，和視頻。參考價值唔大，因都係玩埋d港女，港男，小朋友的活動。如食，飲，嘆，豪。這些，都唔係好適合我。去土耳其跑馬，我唸真係唔多香港人鑼。我著住件Istanbul Marathon係香港行街，我唸d人都會手指指。可能別人唸，咁危險去土耳其跑馬，有無搞錯？
不過，親戚朋友聽完我的de briefing，他們都係用這句作結："我唸都係跟團去，算。"  :-)，香港人，無法，養專處優，錢又唔係問題，假期又唔多，難鑼長假。點會咁去自由行？一黎，無需要冒險，二黎，假期都係輕鬆，唔想搞旅行上的安排。加上，自由行每日係咁行街，行山，又會覺得辛苦。跟團，干手淨腳。如果祇是係FB，Instagram，等社交平台上呃like，跟團係最適合的途徑。

brompton

Istanbul Marathon Photos.

YY524

師兄講得好啱，世界咁大，可以有能力跑馬嘅日子太少。
真心想去土耳其跑一跑，但正如你及一般港男港女所言，安全問題及行程安排都是大障礙，不是輕易成行呢。
看你的跑馬遊記都是有周詳安排，總是經濟實惠之餘行程又多樣化，實在羨慕。

brompton

如假期唔多又唔想要太多安排，可以坐土耳其航空來回Istanbul，機票約$4xxx。住係Taksim地區的酒店。這裡是賽會巴士的其中一個pickup點。我住係Intercontinental Hotel，五星，都係$800一晚雙人房。如果平都有，無星的，大約$300-$500一晚。唔貴。

Istanbul的境區，都係環繞係舊城區，由Taksim坐Metro和Transit，都係半小時內，就到。Metro和Transit，人多車多，班次好密，同香港的地鐵差唔多。交通費頗平，HKD3.X，不計長短路程，買張"八達通"，就可以do do do，方便。

如"聖索菲亞大教堂"，"藍色清真寺"，"Sultanahmah皇宮'，"博物館"，"地下水晶宮"，"香料街"，"大Bazaar"，"古老土耳其浴"，等等，應有盡有。都係舊城區，好方便。如果有多一日，可以係Istanbul碼頭坐渡輪，去離島"Buyukaka"。約一小時多的快船。船票好像是HKD10(總之好平，唔記得清楚)。係船程上，可以睇曬整個海峽的風景，好正。Buyukaka，係保留"拜佔庭"時期的民間住屋，好特別。頗值得去。個島似香港南丫島，沿碼頭滿是海鮮餐廳。頗平，我講的$40一個鮮魚套餐，就係個度食。
如果齋跑和剩係玩Istanbul，我覺得七日假期(包來回飛機)，已經足夠。唔趕，而且休閒。計埋六晚Intercontinental Hotel $400(單人) x 6 + $200(食) x 6 + $300 入場費 + $100 八達通 +$4500機票，就係咁多。$8500 七日，咁上下。當然，手信係另外計

brompton

馬拉松的起步點，係歐亞大橋上，跑友不太可能自己坐公交去，又或者住近起步點。係Taksim，由洲際酒店行去pickup bus，祇要幾分鐘。可能方便，酒店係星期六晚，我見有不少跑友入住。早上，更是一班班係酒店落黎，一起行去pickup bus。好方便。係Taksim，酒店好多，餐廳多，有名店購物街。酒店價錢，比起舊城區，貴但新。舊城區的，嘈和舊。Taksim區的餐廳和商店，開到好夜。我唔知餐廳商店幾時係收工？晚上十一點，係Taksim都係燈光火著，滿街都係人。唔似日本，有些城市晚上八點就關門，大城市都係開到十一點。但Istanbul，像是不夜城。

完跑終點在Sultanahmah皇宮，要行番出黎，坐Transit回Taksim。比賽日，Istanbul的Metro和Transit，跑友免費任坐至黃昏。係終點，大會安排貼心，有靚靚土耳其妹(或男仔)，會同跑友拆鞋上面的晶片，這個安排係現今的用完即棄的RFID科技，保留傳統的服務。唔好以為土耳其落後，要拆晶片。土耳其都係用RFID的，大會解說是環保，所以會recycle。係終點還有安排，massage區，換衫區，family meeting place，這些算是標準馬拉松的安排。
終點係Sultanahmah皇宮，屬於旅遊境點，加上完賽唔少人，所以真係要約定跑友係邊樹等。15KM，和全馬的終點唔同，這點要留意，如果有家人同去，跑唔同的距離。15KM和全馬，早上是同一時間起步，同一pick bus的位置。起跑祇相差15分鐘，同一條起步線。所以，15KM是完跑先過全馬。如家人跑完15KM，要坐一個站的Metro去到Sultanahmah皇宮，去等全馬完賽。15KM，一樣有齊飲品，Red Bull，等沿途供應。最重要係，15KM，都有完賽牌。
全馬有分段關閘時間。大會安排載放棄跑，或，達唔到時間要求的bus。全馬，六小時，頗鬆動。15KM，就三小時，好似都有關閘時間。總之，渣馬有的，土耳其馬都有，渣馬無的，土耳其馬都有。HKD100，全馬。HKD75，15KM。咁價錢，有咁安排，我真係無說話好講。我相信，土耳其馬可能係全世界，有Gold Label的賽道，最平的一個賽事。睇下日本，有些去到千千聲。美加的，兩千都未手軟。歐英澳紐，千元起跳。

如果跑，對等級數的日本東京/大板馬，住五星級酒店，加埋餐飲/交通/Cathay航空/千元的報名費，去七天日本東京/大板。唔洗點計，必貴過跑Istanbul Marathon，絕對係。法國獨裁者，拿破倫講過一句："如果全世界祇得一個首都，這個必定係Istanbul。"

YY524

師兄自信豐富，並且可以因應budget及其他情況安排行程，真係好勁！

YY524

資訊豐富！

brompton

我今次去的土耳其/希臘/愛琴海，可以拆散成三個module黎玩。我可去二十一日咁長，所以就combine成個一個旅程。如果假期唔多，就可選擇拆散玩。

我以上所講的係土耳其，Istanbul Marathon + Istanbul市內遊，這是一個可獨立成團的module。如果，可以多過十天假期，就可以去玩埋"Cappadocia 奇石林"，"棉花堡"，"Troy & Gallipoli"，"Ephesus"，"紅花城"，"Ankara"。係Istanbul有長途汽車站，高速，內陸機，去到以上這些地方。如果唔想費神，可以係Istanhul的Travel Agent，(多如天上的星星)，去參加，一日，兩日，三日或多日的本地旅行團。

希臘，就係玩"Athens"，"天空之城 Meteroa"，"戰狼 300  溫泉關 Thermopylae"，"Delphi"。係"Athens"買張市內觀光套票，就包五個係Athens的主要境點。這五個境點，全部有metro連接，而且都係幾個站咁上下距離，相距唔遠。由"Athens"去天空之城，有長途火車去。天空之城，頗值得去，係希臘的中北部。係"Athens"坐火車去，方便，半日就到。我就無坐火車，因我係Athens租左架車，渣左上去。去到天空之城，可以參加一日，行山團，觀光團，巴士團。我就自已行山，渣車觀光。天空之城，行山好舒服，風境又靚。當然，都係個句，小心迷路，因山路分叉頗多。電影 戰狼300的溫泉關，就無乜野睇。我渣車去到才知，是"溫泉關"真係有溫泉浸，露天免費。有可少本地人，都係度浸天然免費溫泉。這個溫泉，三千年前，Sparta同波斯打仗時，已經存在，所以個度就叫"溫泉關"。不過，有一點要留意，個度無地方換衫，男男女女，都係露天除曬換衫。有點飽眼福，或，應該咁講，"被飽眼福"。

係"天空之城"，我住境區，可以影日出日落，方便。係賓館無遠，已經是行山徑入林，和行上去睇"天空之城"。晚上，更有銀河系係頭頂，影相頗頂引。

希臘愛琴海，又係可以自成一個旅遊Module。係希臘，Athens南面的碼頭上船。"比雷埃夫斯港 Piraeus"，上船去愛琴海的小島群。我去左藍白浪漫小屋的"聖托里尼島 Santorini"，風車島"米科諾斯島 Mykonos"，"克里特島 Crete"，"柏特莫斯島 Patmos (聖經的拔魔島，聖徒係這個島的某山洞寫聖經的啟示錄)"。我入去觀光，聖徒被困左兩年的山洞。就係這個山洞寫的啟示錄，就影響著人類有世界末日的概念。希臘愛琴海小島，Santorini和Mykonos，係小朋友，尤其是港女/港男玩浪漫的地方。影相，靚絕。有不少港男港女，專登都黎結婚/渡蜜月，影婚紗相。所以，跑完土耳其馬，有心"再度蜜月"，或，"真係度蜜月"，咁，唔好錯過愛琴海的浪漫小島。

希臘/愛琴海/土耳其，有豐富的旅遊資源。如Athens和Istanbul，都係歷史名城。一個就三千年之前，一個是一千六百年之前。Athens係歐洲文明的發源地，係Athens所見的，現在的歐洲都一直沿用，如城市設計。Istanbul，係真真正正的歐亞文化，大撞擊。由"拜占庭"的全盛期到左"奧斯曼帝國"的興起。如果，唔太喜歡遊歷史名城，可以去玩自然風光，愛琴海小島/土耳其的奇石林，等，都係一個好的假期安排。


一般人，都以為，咁玩/這條線好貴。應該咁講，可以貴，可以平，可以接受得到。因旅遊資源豐富，即係酒店有大中細，有貴平，擇。所以，貴平，祇是個人選擇。我係Istanbul和Greece，住得貴，因為就算貴，都唔夠係日本跑馬，租一般酒店貴。如果接受得到日本大板/東京/神戶的跑馬酒店，希臘/土耳其的酒店，真係平到無朋友(相對上)。我覺得，日本跑馬最貴，酒店又緊張，又話要搶。起步點就近的，千蚊起跳，都係一般住得過的酒店。係希臘/土耳其，四五星，係跑馬日子，星期五六日，都平過日本跑馬酒店。還有大把房任book。唔喜歡，Intercontinental，咪Hilton鑼，唔鐘意Hilton咪Sheraton鑼。都係起步Taksim個度。行幾分鐘就去到pickup bus。Cheap一點，咪住Ramada鑼，平兩百。係日本，跑馬期間住Hilton/Intercontinental/Sheraton？你想得美。Book到都貴到離譜。

係希臘/愛琴海小島，影相(尤其是影女伴)無敵。係FB，肯定呃到like。Istanbul跑完馬，去到愛琴海小島，就算無跑到PB，心情已PB。我唸係日本，跑馬期間，無乜地方影相可以呃到"超級Like"。因為，個個都係影楓葉，紅葉，櫻花。手機朋友傳來的，都係咁的相。個個都係咁影，有點悶。唔係話唔靚，不過，真係收得實在太多鑼。一到日本跑馬期，收到的跑馬相，祇是朋友個樣唔同，但影到的場境千遍一率，zzZZZZ。我已不是小朋友，去到愛琴海浪漫小島，見到小朋友一雙一對係度，我都覺得浪漫。唔知點解，有咁怪異心態？如果跑完Istanbul Marathon，可以同老婆/女朋友，黎愛琴海小島做心情PB，我唸都係會記足一世。我咁講，即係，如果係幾個男跑友黎，可以唔洗黎愛琴海小島，慳番。不如，玩Athens和Istanbul歷史名城，玩郊野段，就算。如果同老婆/女朋友，黎愛琴海小島，要叫她們帶靚靚衫/鞋黎，化番個靚妝，去襯藍白小屋，圓頂教堂，火紅日落。唔好，就咁帶幾件汗衫，求鬼奇有得著上身就算。


(P.S. 如果男跑友帶女朋友黎愛琴海小島，去完今次，女朋友可能嚷著要再黎，係Santorini影結婚相/舉行婚禮，這個後果，男跑友要留意。我見有幾對結婚的，係Athens和Istanbul市內，以古跡作結婚相的場景，都係非常有味道。)

yannn3860

睇完ching既分享..原來土耳其馬咁經濟.
同埋資料好詳盡..有機會可以去跑下!

brompton

https://www.youtube.com/watch?v=DAXUlho54Us
https://www.youtube.com/watch?v=YmBeHtn8_0I
https://www.youtube.com/watch?v=qkb4LRLOyJU&t=96s
https://www.youtube.com/watch?v=EiNN4uDzGp4
https://www.youtube.com/watch?v=pufwGjJVkxA
https://www.youtube.com/watch?v=s6gXQ1EIWRY
介紹土耳其的歷史和宗教歷史。我今次去跑馬，遊歷過一部份。土耳其係一個好特別的國家，我去完都不時找土耳其的事與物，睇。難怪，拿破輪講，"世界上祇有一個首都，就係土耳其，依斯坦堡。"

(註：如果介意有基督教的宗教成份，勿click入youtube。)