毅行者2010#0518 蝸牛部隊 (隊員回憶錄已上載,P.50 #989-992)

allanccl · 發表於 2010-7-16 23:25:18

原帖由馬神於 2010-7-16 18:40 發表

 登錄/註冊後可看大圖

亮哥, 唔係好既決定, 只係D 隊友們時間就唔到, 唯有1600先可以等齊人 ....

馬神兄，等得齊人已經係好好的了，舊年和小弟一齊操的一隊，都未見過齊人呀! 陰公!!!
Anyway，在這酷熱天氣，晏少少出發有著數。小弟今年操得特別開心，就係d隊員每次都齊人，仲揀d晏少少出發既時間，好正! 要好好珍惜!!!

allanccl · 發表於 2010-7-16 23:44:15

謝謝馬神兄! 閣下唔單止通情達理，真係蟻痕前輩，敬佩敬佩!!!!

在此，也希望長跑網各師兄/姐，千祈唔好同個天鬥，11月比賽時會涼d既，如果就得到，下午才操，無咁熱，減少中暑既機會，play safe，玩得安全d，我地係朋友，唔係敵人呀! 大家加油呀!!!!!!

allanccl · 發表於 2010-7-18 16:34:56

原帖由 零下十度 於 2010-7-18 15:52 發表

 登錄/註冊後可看大圖

快成咁,好想研究下日珠系咩做架~~
我地尋日3段行2:20都要行到屎屎下~~

我地都想呀! 睇佢響西灣第一個亭就黎屎個樣，想即刻call直升機，點之佢飲左救援隊根根的佳x樂之後，又翻生，諗極都唔明.......

[ 本帖最後由 allanccl 於 2010-7-18 16:50 編輯 ]

allanccl · 發表於 2010-7-19 00:44:46

7月17日星期六天氣OK熱操麥徑1-3段

打風唔成，天氣不穩定，間中有雷暴。出發前，想重施故技，將蒸餾水埋在北潭坳，點知遭反對，由日珠安排十卜(狗哥)補水。準時13:30到達北潭涌，但係電聯根根才知佢趕唔到黎，惟有暫時放棄他，叫他自己想辦法去第二段匯合我們。

登錄/註冊後可看大圖

做了簡單拉筋後13:38正式起步，依舊用那個原則，平路及落斜慢jog，上斜行。
烈日當空，除了不停叮囑飲多d水同埋跑慢d，都沒有其他辦法。跑下行下，間中有一陣陣涼風，間中有一陣陣熱風吹來，行得咁上下，原本已經行得比平時慢了，但日珠竟然話快得滯，落斜都要行，心諗佢一定有病啦! 去到東霸都1:18。

登錄/註冊後可看大圖

睇佢見到平時最喜愛既落石級，都係慢行，心知不妙，於是小弟經常扒頭，睇下呢個過度活躍症既隊友，見佢滿頭是汗，面青口唇白，到差唔多到西灣山第一個涼亭時，佢才向小弟申報，先幾日唔舒服睇過醫生，而家唔係幾舒服，想嘔但係嘔唔出，這個時刻，無暇責罵亦無暇給她黑豬印，速速帶她去涼亭抖涼先，點之越抖越唔掂，

登錄/註冊後可看大圖

其他隊友心又急，又唔知典算好：

登錄/註冊後可看大圖

花子隊長都無哂符!

登錄/註冊後可看大圖

無辦法，惟有請救兵! 立時想起親密戰友....根根，即刻打電話，問位置，佢話到左西灣士多，正! 即刻落柯打，要四支冰凍佳x樂，速遞去西灣亭!
休息了超過三十分鐘，跟住又呃又tum ，要她繼續前行，終於過了西灣亭不遠，救兵來了! 帶來四支冰凍佳x樂，

登錄/註冊後可看大圖

實在太好了! 蝸牛隊!乾了它! (有一樽未開蓋是小弟的，為左拍下這難忘的一刻，趕唔切開蓋便映了)

登錄/註冊後可看大圖

不知是不是心理問題，大家一仰而盡這樽飲品後，好像從新得力，一條氣慢跑去西灣茶座，大家盡情地吃冰凍荳腐花、喝冰凍水特同可樂，之後日珠仲坐響張椅度唔想走，又話要游水，真的拿這小妹妹沒法! 個鐘一點也沒慢下來，轉眼半個鐘頭又過去了，惟有假意應承佢去游水，行無幾多步便到海灘，那容她放肆任性，唔理佢，繼續行，佢越行越慢，行下行下過哂d沙灘，佢竟然翻生，跑起上來，速度還可以呢，正! 就係咁去到北潭坳5:05(已連休息的個幾鐘)，心諗：唉! 今日都係響呢度畫上休止符吧!
誰知，呢個彈珠人竟然話：我地計劃左行麥1-3，所以一定要行埋麥三!
o下! 我無聽錯丫嘛？於是問各人存水還可以應付，吃過乾糧，休息了7分鐘，便繼續向麥3進發。在此向狗哥致歉：非比太反覆了，一時要閣下買水支援，一時又話要撤，而家就算唔夠水也不敢再講俾閣下知了! Sorry! 經過巴士站時，見到馬神及KK52等等網友，他們替我們映相(心諗應該映唔到)，但係已經係好大既鼓勵及打氣! 扮哂好有隊型，四個人，一個跟一個的跑，原來這個無形的鼓勵，已經將我們心裡那團火重新燃亮了!
由日珠帶頭之下，上山覺得特別的輕快，不多久便到了雞公山。

登錄/註冊後可看大圖

可能落過雨既關係，下山時泥地顯得特別跣，小弟、kf等都因地跣而間中加快腳步來避免跣跌，不經不覺就輕輕鬆鬆到達水浪窩，麥三需時1:47。

登錄/註冊後可看大圖

北潭涌 > 西灣士多3:05(連大休)，休息0:30，西灣 > 北潭坳1:3 0 ，
休息0:07，北潭坳> 水浪窩1:47，全程6:5 9連休
這日帶水1.5L(水樽)加1 L水特，西灣補水1.5L，剩水0.5L。
出席人員：亮，非比，花子，kf及根根。

[ 本帖最後由 allanccl 於 2010-7-19 00:51 編輯 ]

allanccl · 發表於 2010-7-19 15:11:52

原帖由狗哥於 2010-7-19 09:17 發表

 登錄/註冊後可看大圖

亮哥唔水咁凝重~
我主人整鑊咁過癮既我嘆~ 佢知我地唔會咁易放過佢~

等佢好番，罰佢操番1-5，無情講! 我地都唔會放過佢架!

allanccl · 發表於 2010-7-19 15:17:26

原帖由 kk52 於 2010-7-19 12:08 發表

 登錄/註冊後可看大圖

原來根根由士多跑到上o黎, 太堅o勒!!!

原帖由馬神於 2010-7-19 13:17 發表

 登錄/註冊後可看大圖

之後仲可以等埋d 隊友操埋麥3,4 ....... 點解可以咁勁

根根真係好堅架! 佢係由北潭涌跑去西灣士多，收到求救電話，立即買4支冰凍佳x樂來支援，d佳x樂來到仲係凍架，佢係咁二就跑左十幾K啦! 真佩服他，勁呀!

allanccl · 發表於 2010-7-27 23:53:46

原帖由 大雄2009 於 2010-7-27 23:50 發表

 登錄/註冊後可看大圖

5小時都有找, 實在聽到都嚇死! 好強勁呀!

星期日行到第9段尾果陣時, 技安突然大叫, 原來佢見到跑道上有隻蝸牛正在好努力咁橫過馬路, 幾乎踏扁咗佢. 我見到隻蝸牛咁危險,立刻諗起你地4個, 如果佢比人踏死咗咪好似你地比人.........於是送佢一程返回路邊草地. 希望種善因, 得善果, 以後跑山P少D!

善哉善哉!

大雄兄心地良善，真是一個良好隊長! 大家一齊加油呀!

allanccl · 發表於 2010-8-1 09:55:47

返來了，訓覺先，遲d再報告!

allanccl · 發表於 2010-8-1 13:58:48

原帖由 花子阿DEE 於 2010-8-1 10:53 發表

 登錄/註冊後可看大圖

玩完通宵山,而家好精神天~~hgjD115" />" />hj

可能係杯咖啡! 我都訓唔著，響張床度典離典去，而家執野去映昂橋夜景lu!

allanccl · 發表於 2010-8-2 00:31:10

各位隊友仔, 早晨

allanccl · 發表於 2010-8-2 21:47:38

7月31日星期六天氣OK熱操麥徑5-10段(M101-200)

這是今年第一次行通宵夜山，日間天氣良好、無雨最高氣溫32C，為左配合番比賽時間及完結時可以有交通車輛選搭，故決定晚上23:00出發。由於是第一次既關係，各人都比較興奮，本來想在日頭睡一睡，也睡不著了，泰仔預先駕車到荃錦坳埋好救命水才來和我們匯合。法藏寺等齊人後步行上沙田坳起步，當作熱身，日珠竟然出芧招，帶埋書僮狗哥，未起步已經替她拿行李，心諗今回糟羔了，一定俾佢扯爆啦! 定一定神，惟有沉著應戰!

登錄/註冊後可看大圖

行到沙田坳，稍作拉筋及拍照後便告起步，先由日珠帶頭，晚上雖然無咁熱，但係一點兒風也沒有，沒多久各人都已經成為水人，汗水不斷的流，惟有不斷飲水補充；上完石級後，一有機會(平路及落斜)
，日珠便會報數，聽到最後一人報齊後便慢jog，沿途幸得狗哥播MP3歌調劑，將沉默既夜空打破，但係播到我們的主題曲.....蝸牛，竟然壞機？日珠問會唔會有馬騮架？小弟回答話佢地無咖啡飲，應該訓哂覺架啦，唔洗驚! 引來一笑，但係泰仔竟然話開始眼訓添! 唉! 剛剛開始就嗌眼訓，幾時先捱到天光？仲話行完飲早茶添，真係無眼睇! 唔准佢講眼訓呢兩個字，以免映響軍心! 原來迷女郎夜晚一d都唔迷，好多個路口都無走錯，抵讚! 不多久便到達大埔道，比平時練習既時間差不多，用了1:14，拍個照便繼續前進，

登錄/註冊後可看大圖

在水霸欄桿有數隻馬騮響度，日珠禁不住又問，又話d馬騮訓晒覺既？..........無法，即刻拿驅狗器徬身，呢幾隻夜鬼無乜惡意，放過他吧! 沿途也是無風，身上發出陣陣難聞既汗臭，連自己都頂唔順，於是各人都保持一段距離，但一見有野狗出現，就好自然咁走番埋一齊，用驅狗器來保護大家；須然有帶水特粉，但各人都是期望早點到達城門燒烤場，噤番樽冰凍水特來飲，不經不覺，用左41分鐘，到達城門燒烤場，點之，部汽水機又係無水特! 真係又一次失望! 惟有買甚麼蘆薈提子水來飲，小休5分鐘後，賓仔又係咁催住走，係丫嘛! 休咁耐，d酸出左黎，就會好辛苦架啦!

上針山，泰仔不停叮囑韓妹唔好咁快，唔洗24分鐘咁快架!結果用左30分鐘才上到針山頂，映番張相，順便抖一抖；

登錄/註冊後可看大圖

跟住慢jog落山，真的很熱，怕d水唔夠飲，尤其是用水袋的泰仔同日本仔；用了1:25到達鉛礦坳，立刻要泰仔同日本仔check下水袋剩番幾多水，原來還有很多，休息了5分鐘，賓仔又係咁催住走，過了草山後，到大帽山有少許霧，有點風，開始有點涼快既感覺，日珠不停鼓勵加油，又話轉埋呢個彎就到，須然明知係假既，都好多謝佢，講左咁耐，日本仔都無乜出聲，原來佢諗緊會唔會又做小販---在老地方賣老抽，於是上到大帽山頂，賓仔就陪住日本仔慢jog落斜，保持慢慢均速jog落山，結果今次日本仔無做小販，用左1:30到達荃錦坳，洗個面，去找預先埋好的蒸溜水，分給各人，加水特粉，換電筒的電芯，不經不覺已經休息了15分鐘，於是又再起程，向終點進發! 第九段主要是落斜，也是慢jog，感覺是比平時慢少許，但用左1:10就到吉慶橋，又唔係慢好多喎! 小小便吃點餅乾，休息4分鐘，又再繼續。唉! 又到討厭的環塘路，每逢泥路，韓妹都會翻生既，這次也不例外，佢越跑越開心，越跑越快，跟在後面的賓仔同泰仔快要斷氣了，所以索性步行，韓妹也拿他們沒法，步行休息了一陣，大家回過氣來，由泰仔用個慢少少既速度帶頭jog埋去，這6公里的環塘路好像是很長很長的，跑極都未完，一滴風也沒有，好不容易才捱過了，還有6K才到終點，見到大家都有點兒累了，日珠就派糖，每人食過得力素後，講講行完去邊度飲茶，咁熱天時，不如食西式早餐，離個凍啡或凍鴦就好了! 一提起有凍野飲，各人都提起精神，頭也不回，向著終點，拚命的跑!!!! 終於以剛剛8小時(連休)完成後五十。

沙田坳 >大埔道1:14
大埔道 > 城門燒烤場0 : 41 ，休息0: 0 5，
城門燒烤場> 鉛礦坳1: 25，休息0: 0 5，
鉛礦坳 > 荃錦坳 1: 30，休息0: 1 5，
荃錦坳 >吉慶橋1:10，休息0: 0 4，
吉慶橋 > 大棠郊野公園 > 1:31

全程8: 00連休

這日帶水1.5L(水樽)
加1 L水特，荃錦坳補水1.5L，無剩水。
出席人員：花子，亮，非比，kf 及狗哥。

登錄/註冊後可看大圖

[ 本帖最後由 allanccl 於 2010-8-2 22:28 編輯 ]

allanccl · 發表於 2010-8-2 22:30:42

原帖由馬神於 2010-8-2 22:05 發表

 登錄/註冊後可看大圖

蝸牛隊做得好呀, 今次原來有賓仔同行, 真係爽呀 !!

係呀! 我地係聯合國部隊黎架，有賓仔、泰仔、日本仔同埋韓妹，全部都識講廣東話既。

allanccl · 發表於 2010-8-2 22:34:30

原帖由 大雄2009 於 2010-8-2 22:09 發表

 登錄/註冊後可看大圖

嘩! 50K用咗8小時, 全程咪只需8 X 2 = 16 (小時)
勁呀蝸牛隊!

又唔可以咁計架，大雄兄!

頭50K仲甘呀! 我地暫時都未得架!

allanccl · 發表於 2010-8-2 22:36:57

原帖由 大雄2009 於 2010-8-2 22:11 發表

 登錄/註冊後可看大圖

你哋個書僮可唔可以借嚟用?" />" />

果個書僮淨係服侍一個人架咋! 我地都無份用，所以借唔到俾你咯!

[ 本帖最後由 allanccl 於 2010-8-2 22:45 編輯 ]

allanccl · 發表於 2010-8-2 22:47:52

原帖由馬神於 2010-8-2 22:36 發表

 登錄/註冊後可看大圖

哈哈, 係WOO 亮哥, 咁你係乜呀? 港童?? 泰仔話眼訓眼訓都頂到, 我一眼訓就屎, 真係要訓

我咪係果個賓仔囉!

而家退左休無做野，響屋企做賓仔(正式既名係：家務助理)。

allanccl · 發表於 2010-8-3 00:43:20

原帖由 bobby 於 2010-8-2 22:54 發表

 登錄/註冊後可看大圖

亮兄:
   請問您的鷗狗器現在還WORK嗎?
   今早在下拿把玩時發現在毫無徵兆下,
   經己歸西!

咁，惟有節哀吧!
小弟那個還很好，最近d馬騮同野狗俾我驅晒走，條路好走好多!

allanccl · 發表於 2010-8-3 00:49:19

原帖由 大圍新跑手 於 2010-8-2 23:22 發表

 登錄/註冊後可看大圖

真係好堅呀~

大圍兄誇獎了! 慶幸遇到好隊友，能夠互相支持同體諒先至勉強完成到，小弟扳車邊咋!

allanccl · 發表於 2010-8-3 00:52:34

原帖由非比於 2010-8-2 23:27 發表

 登錄/註冊後可看大圖

亮哥, 辛苦晒, 你打的小報告好精彩!
感覺好似又走多一次49km一樣!
"天氣OK熱"呢句係咪韓文呢架?

呢句野經常聽日珠講既，都唔知典解，應該係韓文黎呱!

allanccl · 發表於 2010-8-3 00:54:51

原帖由 228華 於 2010-8-2 23:45 發表

 登錄/註冊後可看大圖

亮哥d文筆都好正喎,幾時開個blog呀

咁既文筆開blog，肯定好多人笑死! 都係咪喇!

allanccl · 發表於 2010-8-5 00:23:50

多謝善長靚mill姐,蝸牛部隊祝靚mill姐身體健康,生活愉快~~

		自動登錄	找回密碼
密碼			註冊