2010.3.28 中国郑开国际马拉松赛

allanccl

原帖由 derek_cat 於 2010-4-8 21:51 發表

                               
登錄/註冊後可看大圖

                               
登錄/註冊後可看大圖

他就是堅哥，廈馬跑3:1X的，是小弟既偶像! 他跑步好自然的，看上去好像完全不費勁的，好厲害的高手!

allanccl

成績表出左啦! 今屆有2052人在5:30小時內完成全馬，怪不得唔夠完成獎牌派囉!
小弟係第818名(全部男女子2052人)，(男子1889人的第786名)，好開心呀!

[ 本帖最後由 allanccl 於 2010-4-8 23:07 編輯 ]

allanccl

Andyho師兄雖是榜尾，也算是在限時內完成，應該可以拿回獎牌的。

allanccl

原帖由 andyho 於 2010-4-8 23:21 發表

                               
登錄/註冊後可看大圖

多謝亮哥支持, 下次跑全馬應該會快過今次 , 因本人在香港只跑10公里比賽,

連半馬也未跑過,胆粗粗去跑全馬,經過今次經驗,所以相信下次成績會有所進步

謝謝亮哥及其他長跑網ching&ctse ,

還有我 ...

忘了恭喜你，你真厲害，一跳就是兩級，由10K一跑就是成功完成全馬，勁呀!
約定你出年再戰這個! 又或者可以考慮下十月跑北京馬拉松既，如無意外小弟會去跑北馬的，順道自由行北京、長城、博物館等等(一定唔跟團)。 北馬也是全平路，會經過好多名勝靚景的，好好玩架!

allanccl

原帖由 colemen 於 2010-4-9 09:13 發表

                               
登錄/註冊後可看大圖

如無意外, 今年我都希望去北馬, 我記得上海世博仲未完, 想順道一行.......

好啊! 閣下到時記住囉假，玩埋世博，正!

allanccl

原帖由 colemen 於 2010-4-10 00:14 發表

                               
登錄/註冊後可看大圖

亮哥,

自已知自已事, 我還跑不到一個好質素的全馬, 亦都唔想去到三十公里就無晒半步兵捱翻終點.... 若果要去, 一定會減返磅, 我有信心可以做得到.......

只要下定決心加埋恆心，一定可以的，小弟減磅時，只用了兩個半月，減了30磅，祕訣就是決心加埋恆心。方法就是健康飲食戒油、鹽、糖，加上跑步，就是咁簡單。
現在距北馬尚有半年，足夠時間啊!

allanccl

原帖由 onionufo 於 2010-4-10 20:43 發表

                               
登錄/註冊後可看大圖

睇返個成績先發覺今屆居然有個10公里分段時間，唔知點解要整係10公里呢，真係奇怪~" />" />

自從年初廈馬作弊後，中國田協發信給所有國內馬拉松組委(東營馬拉松開頭也有登出此信)，要求在途中加插檢查地氈，無人知佢放在甚麼地方，以堵塞中途坐車或偷雞既，小弟只是奇怪點解無起步地氈。

allanccl

原帖由 onionufo 於 2010-4-10 22:15 發表

                               
登錄/註冊後可看大圖

如果有起步地氈就可以提供埋“個人時間”嘞

最好學似上海馬拉松，不但有起步地氈、個人時間，仲半馬都有電腦打印証書，咁就perfect啦!

allanccl

小弟今次鄭開是第三次參加，前年第一次參加(是第二屆)要4:45'小時完成，是小弟人生第一個馬拉松，好興奮，就係佢令小弟愛上全馬。舊年第二次參加，進步左半個鐘，4:15'小時；今年本來想sub4，起步d溫度都幾爽，頭10K都無汗，除左開步遲左2'35"外，快得比平時練習快，頭半馬保持5分鐘1K，好開心，點之到廿五K飲水後開始賣老抽，越跑越慢捱到終點，皆因裝修繁忙，疏於練習，最後以4:07:22
完成(自己按錶是4:04:47)。都好，PB左。
跟住計劃成功，計劃左幾年，終於可以成功托運行李去開封，跑完可以沖涼及暢遊開封，去過開封府玩，又去過清明上河園玩，好滿意!
之後去左長沙玩，免費去博物館睇千年女屍等等珍貴文物，又去左衡山一日遊，雖然非常大霧，但總算去過南岳。
又去過劉少奇及毛主席既故鄉---韶山感受國內人是如何敬拜毛主席。
在長沙玩那幾天又曳曳，睇過警訊，但係無做到防犯被騙，連續三次被人調換左假人民幣，每次都係先問我地係咪香港人，之後襯我地分神就換左張假100元人民幣，還話張銀紙有少少cutter界爛，唔收，要換過一張，我們這班清純一族，不虞有乍，照換給她，結果上當了! 其實有d奇怪，不嬲都係由小弟俾大數的，點之住多日酒店要加錢，這個被騙的網友搶著俾錢，個柜櫃小姐用數錢機一試，就彈左出黎，仲會出聲話"假幣"，哈哈! 幾得意的。果個柜櫃小姐又係要求我們換過這兩張"假幣"，我們問佢係咪假幣，佢不答，只說你們在那裡得來，就去果度換番啦，佢會換的。我們就照去番食飯果度，一入門口唔洗講野，佢就換番張真既俾我地；之後去昨晚食飯果間，又係唔洗講野就換番張真既俾我地，湖南好離譜，是個罪惡城，早上去老麥食早餐，有個外省少女叫經理幫佢報警---佢的銀包給人扒了，長沙旅遊可說是多姿多彩!
之後又親身嘗試坐時速350K的高鐵番廣州北回港，這次行程真難忘啊!

allanccl

遲d啦! 小弟數日後搬屋，忙得很! 未揀相，映得太多了，一定揀過先upload，下星期吧!

allanccl

原帖由 colemen 於 2010-4-13 00:52 發表

                               
登錄/註冊後可看大圖

亮哥,

時間唔緊要, 最緊要有靚相睇......好快你地又要出發去東營啦......真羡慕...

東營之前好似有個江門跑，諗緊!

allanccl

一諗起東營之後可以去 五岳独宗---泰山 玩就好興奮! 好期待!

allanccl

原帖由 andyho 於 2010-4-13 00:56 發表

                               
登錄/註冊後可看大圖

亮  哥  :  



       我 andyho ,katie , colomen 等 , 想約你吃飲 ,  你幾時有空呀?      

好忙呀! 過幾日要搬屋，都未開始執野，下過月先啦。

allanccl

原帖由 亞聰 於 2010-4-13 01:17 發表

                               
登錄/註冊後可看大圖

可惜我沒咁多假唔可以去埋泰山,不過我都期待亮哥的靚相

無咁多假証明係公司好需要閣下，好事黎既! d相等小弟有空就放上來的了，希望不會令你們失望。

allanccl

原帖由 onionufo 於 2010-4-13 13:24 發表

                               
登錄/註冊後可看大圖

唔係幾明你個古仔??係咪即係話你地用港幣換人仔時佢比左假幣你?咁又關去食飯咩事??" />" />

我地o係香港既銀行唱的是真人民幣，只是在長沙食晚飯後付錢(真人民幣)時，俾個收銀用好快手調換了假幣。

allanccl

下次我地會聽警訊話，預先抄低銀紙既號碼，就唔會再俾人呃架啦!

allanccl

原帖由 imchristy 於 2010-4-15 14:20 發表

                               
登錄/註冊後可看大圖

一入門口唔洗講野，佢就換番張真既俾我地；之後去昨晚食飯果間，又係唔洗講野就換番張真既俾我地，湖南好離譜，是個罪惡城..

Alan師兄,
係咪我地香港人太單純,太好騙呢..?
不過佢地肯換番又真係搞鬼....

小弟開頭都唔相信佢地咁順灘；這次在湖南長沙體驗好豐富，其實我地仲遇到好幾單騙案的，有一日參加完當地旅行團(一日遊)最後的節目是被人關在一間"旅客中心"內，被遊說買假寶玉，佢地演戲既劇情只是改了一丁點，堅哥在佢地未講對白時已預知果個所謂老闆，會話生孖胎，點知改左小小，係話自己同一日二奶及三奶同時生左個仔，雙喜臨門，所以送玉.....好像跟堅哥的對白一樣，小弟笑到差點被趕出場，因為堅哥拆穿左，所以我地無人中招。

allanccl

原帖由 imchristy 於 2010-4-16 00:34 發表

                               
登錄/註冊後可看大圖

嘩..咁多騙案架... 仲要關在一間"旅客中心"內,如果係我睇佢地演戲,一定笑到俾人趕走o者!
好想聽你講多d有趣事呀!!!

講開真係一匹布咁長，有機會出黎跑，跑完飲茶慢慢傾! 過埋下個禮拜，小弟會無咁忙，可以約埋跑轉馬鞍山至大埔來回，之後飲茶慢慢傾，(其實係小弟同堅哥等人操長課)，聽多d，知多d，無咁容易俾人呃! 到時可以的話約埋鄭開馬拉松跑友一齊出黎交流分享下。

allanccl

原帖由 andyho 於 2010-4-16 23:23 發表

                               
登錄/註冊後可看大圖

我巳收到獎牌 , 浴巾及証書 , 謝謝鄭開馬拉松組委會 , 真的多謝你們 , 我好開心呀 ,這是我人生第一次跑馬拉松 , 好難忘呀.

係咪用速遞送來的？
恭喜你呀! 第一次跑馬拉松已經可以在指定時間內完成，好野! 佩服!

allanccl

原帖由 andyho 於 2010-4-16 23:29 發表

                               
登錄/註冊後可看大圖

亮  哥 :   


        我贊成我地成班鄭開馬拉松聚一聚 , 交流吓心得 , 又可以聽聽你們講故事 , 真係 聽多d,知多d,唔會比人呃......

好的，到時要搵埋堅哥，佢講野生鬼好多!