今日好應節. 幾個人俾我哋整古咗 (講明先, 冇心嘅!)
被愚者一: 坦克師兄
個約跑係寫七點半集合, 但係一直都冇人回覆. 咁所以我哋噚晚最後決定約時間之後, 咪冇update 個約跑囉. 今朝出發撘車先見到坦克師兄嘅留言… 又冇佢電話. 所以整古咗佢呆等我哋 . 第一次同坦克師兄玩, 果然係世外高人, level 真係高幾多. 佢話係跑上去郊野公園… 的士上去時我見條斜路唔係人咁品…. 要佢就我哋跑真係辛苦佢. 多謝佢今日領隊. 美孚狗仔隊見佢一人喺路上跑, 身邊冇佢平時嘅時戰友, 所以偷影咗一張 “一個人在途上” 送俾佢.
被愚者二: 的士大佬
喺西鐡我哋決定唔撘巴士, 打的上郊野公園. 的士爬咗幾百米, 上到郊野公園就出白煙~~!!! 佢哋話佢水箱應該唔夠水喎…. 的士費先$65, 唔知的士大佬之後搞幾耐, 一朝車我哋上郊野公園就搞到佢做少咗一陣生意. 真係唔好意思…. 但係坦克師兄跑上去都未出煙, 所以, 坦克師兄vs 的士嘅賽果係 1 vs 0. 
被愚者三: 坦克師兄, 恒恒, catcat, 小力, 自己
喺大帽山波波直奔落山, 喺分叉路應該轉右, 但因坦克師兄, catcat 同我比恒恒小力早落咗山, 等咗陣都唔見佢兩個踪影. 驚佢哋有事, 所以同坦克師兄半行半跑番上去 (@_@ )揾佢哋…….上咗k 幾都唔見人. 問咗途人, 有冇見佢哋落嚟. 途人問係咪後生仔… (我一時 o 嘴, 仲諗緊啲政治正確答案… 哈哈哈哈)… 不過坦克師兄已作答, 知佢兩個已經下山, 就落番去. 整古咗坦克師兄同自己加操, 原來又整古咗恒恒小力去咗另一邊加操, 整古咗catcat 呆等我哋…. 呵呵呵呵.. 到番到扶輪公園先見番恒恒同小力…. 花多咗大半個鐘, 真大整古.. 哈哈哈哈.
被愚者四: 街坊Andrew
噚日跑華山時講咗想遲啲出發, 但係打波時諗諗吓又唔想咁晏出發, 所以決定八點集合…發咗個sms 俾andrew. 原來andrew 冇睇到sms, 仲以為8:30出發. 所以佢去到時我哋已經走咗, 佢一個人去咗郊野公園揾我哋… 老點咗佢白走一趟, 唔好意思.
雖然過咗個好應節嘅愚人節, 不過天氣好合作, 冇雨, 多雲. 今日幾好跑. 條路有挑戰性, 頭1k幾上斜好攞命. 之後我哋去川龍飲茶. 坦克師兄話佢次次都四十蚊, 今日我哋就六十多少少. Catcat, 可能真係坦克師兄靚仔先有折扣…
美孚小組復活特別節目全部完畢, 多謝各位參與.
[複製鏈接]
發表於 2013-4-1 17:41:17
發表於 2013-4-1 17:58:15
