|
多倫多馬拉松 - 半馬 2014.05.04
本帖最後由 dmy 於 2014-5-6 21:03 編輯
Goodlife Fitness Toronto Marathon 2014.05.04 - Half Marahton
係咁嘅, 以大型賽事嚟講, 一年裡面多倫多市有兩個馬拉松, 一個喺五月, 由北面 North York 跑番市區湖邊, 一個喺十月, 全程喺市區同湖邊跑.
決定今年返家鄉, 剛好可以報五月嘅比賽.... 又因某點私人原因, 同埋加上想以呢個比賽作為回家的一個開始, 就參加喇.
正常嚟講, 五月頭嘅多倫多, 點都係涼, 唔會好凍, 但係今年天氣反常, 比賽當日起跑前只有六度, 之前一日落咗雨, 我都驚嗰日都會落雨, 但上天保佑, 比賽呢日出太陽, 但有風...... 我未跑過呢個温度, 冇預算... 但都作少少準備, 只不過掙扎著唔著風褸, 但係怕著咗又熱, 所以冇著. 後來覺得咁嘅天氣著咗都無妨. 起跑前個個跑手呢埋係室內, 差唔多起跑先出去.... 我彈吓彈吓咁保暖, 又見有人著小背心, 勁!
終於開跑, 涼, 跑起唔覺攰, 可以放快啲, 但怕自己後繼冇力, 不停咁睇錶check 自己 pacing. 頭10K 係喺多倫多最長嘅一條 Yonge Street 往南方向跑. 呢條路我經過無數次, 冇耐就到 Lawerence 同 Eglinton 一帶, 係 midtown, 路邊好多店鋪, 係我同朋友行街吃飯地方. 其實由 York Mills 開始, 我一直 window shopping... 哈哈, 順便吖嘛... 一路跑, 見有好多人出嚟同跑友打氣, 又有拎自制手寫牌同家人朋友打氣, 好有氣氛. 最好笑有一個牌寫 "Run faster! We are COLD!"..... hahaha... 因為掛住 window shopping, 所以, 轉眼就過咗10K, 之後轉去一條我最鍾意用來接上highway 嘅路, 兩旁係樹, 秋天好靚嘅... 但呢個遲來的春天, 樹都光禿禿, 但好清靜. 我一邊留意自己狀況, 覺得唔太攰, 天氣涼係有好嘅一面. 睇時間, 覺得今日會 PB... 但又唔想俾自己壓力.
13.77K 時我遇上1:50 嘅 race bunny 同埋同佢一齊跑啲人, 我心諗跟佢跑一陣, 唔 sub 1:50 都可以PB, 留留力嘛... 但14.35K 時, 忍唔住腳, 放咗佢哋... 咁... 如果一直喺佢哋前面跑... 咪可以 sub 1:50?
之後又跑到去市區裡, 我和我媽最喜歡嘅 St. Lawrence Market 附近. 因為鍾意呢區, 我東望望, 西望望, 話咁快就跑到市中心. 心算一算, sub 1:50一定可以了, 最後3K, 好快就過咗...終於, 安大略湖在眼前, 最後500米, 跑道兩邊都係打氣的人, 好熱鬧, 俾咗啲 energy 我沖埋呢500米. 時間以手錶計 1:48:05. (Official time 出咗: Official Time: 1:49:50.2, Chip Time: 1:48:04.4)
見做到靚時間, 開心, 但更感恩今日出太陽, 唔落雨. 因為約咗朋友食午飯, 拎咗行李就上去地鐡shuttle bus 走人.... 又唔太餓, 所以冇入去攞食物嘅 tent. 走時見全馬跑手快到終點, 心算一下呢班跑手係3 小時左右嘅快腳.
賽後感想:
長跑比賽真係勁多正能量, 比賽沿路一直有人打氣, 跑完不相識嘅跑手都吹吓水問候一下.... 所以, 我真係對港馬冇興趣. 一路有人打氣嘅比賽, 係好唔同架.
條路好正, 經過好多主要 landmark, 亦係PB 好地方, 時間又 qualify for Boston, 想做時間可以玩呢個比賽. 有少少上落位, 但落多過上..... 我都話, 多倫多平地多, 少少上斜, 我見跑手都明顯放慢, 個小斜坡我介咗好多人...我之後點練好呢? 冇斜路我練....
個半馬牌已經好大, 個全馬更大, 其實駛唔駛要咁大個牌? 會唔會浪費資源? 係咪諗住帶上身以防中鎗?
件衫好鬼靚,質地又好, 設計簡單. 呢個比賽分男女sizes, 所以好啱身. 呢件衫會係我來年操練嘅主要衣服~~!
________________________________________________
長跑網美孚Zone 多倫多萬錦市分陀組長dmy 直擊報道
|
|