|
呢兩日精神唔係幾好...尋日睇完韓妹比賽之後由鴨巴甸去北潭涌操山,可能因為精神唔好加埋食飽飽,去到近斬竹灣時竟然...睡駕,出左少少意外,好在佢地坐晒日仔車,得我一個,人車無恙,真係好彩...
開始走1段時,肚臍對左對右兩寸,對上一寸,對入兩寸又痛,加上下身無力,起左約3K 同隊友仔申請早退,番北潭涌休息,隊友仔們繼續努力~~
番北潭涌抖左個幾鐘就醒晒啦,記得壞人大隊長話,睇一個人走山掂唔掂,可以睇下個人走完食唔食到野,所以我就買左一袋非常"好味"既野食上北潭涌俾隊友仔做"胃口測試,結果只係食剩少少,大家都通過測試!!
陳日真係好,隊友仔韓妹早上輕鬆奪冠,下晝走M1-2 晌烈日當空,上西灣山全晒情況下隊友仔都做到唔錯時間,韓妹又克服左"恐西灣山症",遺憾係...小妹連續兩星期精神病,今次仲要早切,好對唔住隊友仔,我會好自為之,下星期一定唔會再樣衰衰,希望隊友仔們見諒~~
[ 本帖最後由 花子阿DEE 於 2010-8-9 11:38 編輯 ] |
|