練跑青山

ahhuman

小弟過去兩個sunday 走左去玩青山.....呢個山唔高約 580m, 我由過左 ive 後青山寺徑開始 (睇等高線約20m).
由青山寺徑底去到青山寺全部係馬路跑大約要 7min. 上升高度去到160m, 然後上梯級, 最後連梯級都無要踩石上.

前個禮拜好輕鬆不斷行上去然後落山就算, 途中見到有d高手,上山快,快到既速度係, 當時我知有人係我後面, 我不停加快步速, 佢就越行近我, 最後我讓路, 唔駛一分鐘己經唔見左.....!!!

落山見到d高手仲快,頂果斷高低,距離不一既碎石,佢到落既方法係跳注落,or 用滑落去會貼切d, 因為跟本無係任何落點停過.....!!!我落山既時候見佢地又上山......睇來係佢地係度都流低過唔小腳毛, 唔怪得可以咁快!!

之後一個禮拜, 又再玩青山, 因為想試跑大帽山, 所以只係跑青山寺果斷, 來回左5次頭兩次 under 7min.... 之後7:30....最後果轉見到上個禮拜既高手, 佢話要上頂先練到野,既然咁講下個禮拜就玩轉順便計下時.....

[ 本帖最後由 ahhuman 於 2010-6-15 05:07 編輯 ]

ahhuman

通常禮拜六日,不過會朝早.....因為下晝要陪屋企人!!!!!

ahhuman

自上個禮拜5 x 由青山寺徑底去到青山寺....個股痛左4日後, 剛過左既禮拜就玩左 2 x 由青山寺徑底去到山頂既寺....第一轉用左 33min, 但近頂因為行得太速要停左回回氣, 第二轉學乖左行細步用左 35min.....落山大約要用 25min,

ps. 今次股唔係咁痛, 痛既地方係大小腿, 今日仲痛緊.....跑大帽山可能會今個 or 下個禮拜試...(好有興趣知可以做到乜野時間)