屯門龜速新手報到!!

pandacake

各位CHING CTSE大家好話說小弟都做左長跑網cd rom一排, 由跑步路線, 到揀跑鞋買跑步錶都獲益良多, thx


小弟其實係運動白痴, 由細到大0運動, 跑兩步都會喘氣, 都係近呢半年先開始郁下
事源上年諗住挑戰自己報渣馬10k, 原本諗住報D組慢慢黎都跑得完, 點知到報名果陣C, D組已經full晒 最後報左B組
之後又諗 ... 既然諗住挑戰自己, 就set左個目標, 希望可以1hr內完成 ... 就係咁就開始跑步喇


一開始既時候去運動場跑兩個圈已經係極限 ... 喘晒氣
點知跑下跑下, d距離又可以慢慢咁加上去, 發覺10K唔係真係咁難
到而家已經可以大約55-60mins跑完10K ...
由完全唔郁到而家跑到14,5K, 真係好有滿足感
而家作最後操練, 希望人生既第一次10K可以突破自己啦仲決定左下年一定要挑戰半馬!!

希望可以識多d跑友啦 小弟平時都係落鄧記跑(因為住得近...), 有時會跑下屯門醫院/碼頭來回
不過就唔定時, 因為仲讀緊書所以free d, 日頭又有夜晚都有 ...
有時星期一晚去鄧記都見倒好多長跑網既跑友 ... 不過小弟怕醜仔一名, 又見CHING CTSE好pro, 都唔夠膽粗粗去hi你地
哈哈哈 ... 大家多多指教!!