有咩名人/藝人參加左今年渣馬 (不斷更新)

bunbun

壹週刊 2014-02-20

冇hea跑        

週日舉行的渣打馬拉松，名人、明星再無如去年般做騷式hea跑，無論係全馬、半馬定十公里，成績係其次，最緊要個個都認真跑。劉鳴煒難得笑容

向來好cool的大劉劉鑾雄長子劉鳴煒，原來今年已經係第四年參加全馬，跑畢全程後，難得佢四萬咁口笑話：「西隧嗰段比較辛苦，其間都有抽筋，完成到都OK。」

徐濠縈跑完生仔

被稱「肯亞徐」的徐濠縈，有了往年經驗，今年她發揮其摩打腳，在目標四小時內以三小時五十二分跑畢全馬，比陳冠希的往績快了三分鐘，興奮到洩漏埋生仔大計，「出年未有BB都會再玩，（你ready隨時生仔？）依家跑完乜都得，生十個都得。」喂！Eason開工啦。

陳山聰高調跑

自從同賭王千金何超雲甩拖打回原形的陳山聰，近排努力洗底，週日仲首次參加全馬賽事，用了四小時廿六分完成，在終點位高舉雙手，驚死記者睇唔到，「我半年前先練，完成到好開心，好彩蔣志光教我食啲鹽，減少抽筋機會，下年我會再參加。」

劉志敏有心有力

今年已經六十二歲的羅慧娟丈夫、新加坡籍商人劉志敏，原來一早跑完十公里賽事，隨即到灣仔運動場參加兩公里領袖盃，滿意自己時間嗎？他笑謂：「幾好，十公里用咗六十五分鐘，之後仲跑埋兩公里。」

霍啟剛未敢挑戰

霍震霆長子霍啟剛以大型體育活動事務委員會身份擔任頒獎嘉賓，婚後身形脹爆的他，雖然一身厚衣，仲要靠熱飲取暖（圓圖）。今年冇落場，問佢下年會否參加兩公里領袖盃？「跑吓機，練吓先。」