2014.10.02 殭屍路跑 Run for your lives @ Hong Kong

bunbun

https://www.facebook.com/racethedeadhk/
5K 殭屍路跑 Zombie Obstacle Run @ Hong Kong

timduncan

Let's run and have fun
這些活動絕對不是，祇是嘩衆取寵，隨波逐流。

wlau

timduncan 發表於 2014-5-19 19:57
我話。。。酒後醉駕?
有無留意個問號? 我係引出個問題，何來肯定有亂性及醉駕!
請問洪耀珍的文章邊度話細路 ...

師兄.. 你自己打 "跑完後【大喝啤酒】，跟住引發幾多酒後亂性，酒後醉駕?"

你自己本身已經預設左個立場 酒後亂性, 酒後醉駕, 你個"?" 係指引發出來既數量..點解突然間又會少左幾隻字? 而又變左只係"會唔會" 咁既意思呢?
正如.. 我問你, 今日用左幾多時間去跑步啊?  我個? 就係代表幾多時間, "跑步" 係我預設被問者會做既立場, 同你上面果句既表達方法我個人覺得完全係一樣.. 你䁷得人地唔了解你個意思, 又同時間要人留意標點符號, 但你自己又係唔係真係用個問號用得好呢?
引發酒後亂性果句, 我當我唔識中文啦.. 標點符號唔識運用, 咁嚇親細佬這句... 無問號呱.. 咁又點睇呢?

不過, 師兄.. 你有無攪錯一點.. 我唔認同你.. 所以我回文否定你既意思.. 正如你唔同意個比賽, 所以係度回文去否定主辦者既立場.. 但好似無人唔俾你出聲喎.. 點解你講到好似俾人迫害咁.. 話要捍衛他人發表意見既權利.. 講真.. 你會唔會諗多左呢?

wlau

timduncan 發表於 2014-5-19 06:42
你有你fun，我有我唔覺得fun，就係咁簡單。
我對事，不對人。
原來唔准話唔like, 我而家知道了。

Haha 係forum 講既post 既 都會有人認同有人唔認同 post 得文 回得文就要預左有其他人回d自己唔岩聽既說話  我回文有list 我唔認同你既原因 係對人定對事 其他看倌自有公論   你唔係諗住你既回文係一定無人唔認同啊
如果你認為回d唔認同你既說話就等於唔準你唔like 既 你繼續咁諗啦 我阻唔到你咁諗

wlau

timduncan 發表於 2014-5-19 09:16
我祇講活動，是對事。
你的回應用了好多[你] 字，是否對人，等其他人判斷。
我話唔fun都唔得? 其他人話有fu ...

"你"字係指提出既論點, 我對你既論點作出否定, 是基於我提出其他論點, 你指會有酒後問題, 我指出這個行為唔等於這個活動. 而其他活動都出現過同樣既嘉年華.. 要否定,就應該否定全部, 而唔係個別..
而你指嚇親細路, 我指出活動有地點, 範圍, 而入場既人都知個活動係做乜.. 但你好似對這些全部唔知咁, 居然話會嚇親細路.. 所以我先話你無知.
不過我都認同我講得激左D .. 我收番話"你無知"果句說話.. 但都係果句.. 我唔認同你指嚇親細路同會有酒後亂性D 咁既說話

timduncan

跑完後【大喝啤酒】，跟住引發幾多酒後亂性，酒後醉駕?
Run for fun 就係咁?
不知所謂。

wlau

Pawda 發表於 2014-2-26 09:24
我地hea爆o既正苦連Color Run咁健康o既活動都唔批,喪屍跑? 咪發夢啦!

Color Run , 台灣都唔俾跑......
但香港有講唔俾跑? 定無攪?

bunbun

壹週刊 2014-10-09

ZombieRun貼錢買難受         

近年香港人對跑步的熱愛有增無減，人人都話報渣馬，至少都要跑5km，咁先夠健康。

來自美國的障礙式跑步賽「Run for your lives」（俗稱喪屍跑），首次喺香港舉行。適逢踏入十月，可以化妝做喪屍，乘機當係萬聖節前哨戰扮鬼扮馬一番。有得玩當然開心，不過幻想總是美好的，在終點聽到的都是參賽者的怨言，玩完似乎仲唔開心，大呻貼錢買難受！

排兩個鐘曬到暈

活動由朝早9點開始，不過真正人流高峰期喺中午時分，有好多參賽者呢個時間嚟到，登記處已經要打蛇餅，目測起碼有過百人，登記都要排成一個 鐘，入到去放keep bag，因為安排混亂，又要排一個鐘，真係未見官先打三百，烈日當空無遮無掩乾曬，參賽者好多都已經無晒mood。賽事原本分好晒時段，預計6點玩完所有賽事，最後因為嚴重超時，5點都仲有成百人未有得玩。

玩半個鐘危險處處

5公里嘅賽道喺西九近海旁的跑步徑及一帶空地，每隔100至200米就有一個障礙或喪屍，目的係令到參賽者腰間的紅帶脫落。先講障礙，規模跟大學O' camp無異，轆地沙、爬繩網、車軚陣等等，好似去咗康樂營地，最好玩水滑梯，走上氣墊滑梯，滑下時有工作人員向你射水，三十幾度高溫下真係好爽。至於賣點喪屍，真係慘不忍睹。我必須稱讚各位年輕人非常「敬業」，以為自己企喺喪屍區，就真係喪屍上身，不停威嚇參賽者，表情演技交足戲，奈何化妝及服裝實在配合唔到，呢方面真係要請教吓海洋公園嘅專業人士。另一點係賽道的安全性，除咗跑步徑之外，大部分賽道都設在石地上，當參賽者經過喪屍區時，總會發生意外，見到救傷站有很多參賽者以及喪屍受傷，擦傷、跌傷甚至拗柴，救護人員都應付不來。最後必須要講，無論捉人定被捉的，都要俾$369至$659不等的參加費用，吓？唔係你俾番我咩？

玩完啤一啤

好喇，咁究竟點分贏定輸？參賽者玩完之後，如果身上仲有一條或以上的紅帶，就係生還者，可以有一個「survivor」嘅勳章；如果一條紅帶都無，就係變成咗喪屍，一樣有勳章，不過係「infected」，而且拎勳章之前會被懲罰─—向你噴吓水囉，That's it! Why so serious? 不如去嘉年華區飲番杯啤酒下火。嘉年華區設有大舞台，駐有DJ現場打碟，又有live band演奏，氣氛唔錯。除咗有啤酒之外，現場仲有5個小食攤位，唔係一般賣貴夾唔飽嘅junk food，有日式手卷、kebab等等，價錢雖然比一般貴，不過味道不俗，更加有攤位配合大會的喪屍主題，特製血包及針筒特飲，啱晒一班喪屍口味。玩足一日，聽到最多參賽者講的說話係：「咁就完喇？」係呀，曲終人散喇！

背景

「Run for your lives」源自美國，喺2011年開始，今年開始落地亞洲，之前已經去咗新加坡同台灣，第三站嚟到香港，比賽地點選址西九長廊。開始買飛後已經迅速爆滿，個個爭住做喪屍或被喪屍追。

玩法

好簡單，參加喪屍跑，首先你要揀，你想做「人」還是做「喪屍」？如果你平時喜歡睇鬼片、玩鬼屋，享受被人嚇被人追的快感，就要揀做「人」；至於做「喪屍」，應該係平時生活壓力好大，希望可以藉住扮喪屍，將憤怒發洩出嚟。喺全長約5公里嘅跑道，有多個障礙區及喪屍埋伏區，人類要拼命保護喺腰上代表生命的三條紅帶，唔好俾喪屍搶到，三條紅帶被搶光，代表無生命，參賽者最後如果仲有生命，就可以得到勳章一個。

bunbun

bunbun

https://www.facebook.com/rfylhk/ ... ?type=1&theater

《閃避回應不滿，贏得價值HK $6,000,000之港人血汗》

得獎結果公佈！

在眾多參加者不滿下，大家都能憑被玩、排長隊和暴曬想到如何受到一個高利潤和多厚臉的on 9 單位。太利害了！ 恭喜* Run For your Lives Hing King *贏得港人血汗價值港幣$6,000,000的革命性新遊戲 。 我地會將不滿詳情通過Facebook 通知香港人。請想玩既朋友留意。

（ 注意：喪屁有機會再次出現，把你的真實傳送到 Facebook , 損失者多加注意）！

gxchen

我也掛了彩

kanokanok

bunbun 發表於 2014-10-3 13:41
https://www.facebook.com/video.php?v=471778866297549&set=vb.394053597403410&type=2&theater

完全認同!!!!!

bunbun

https://www.facebook.com/video.p ... ;type=2&theater

我係賽道上負責監察zombie 的工作人員，同時係一位義工，唔收錢既。

大會今次E個 Event 賺左400幾萬，不過場地隨左入口既廣告之外，咩怖置都無，D野好兒戲，岩小朋友玩。

第一，選址其實唔錯，有大草地，但點解要係石屎地做zombie zone?

好多，係極多人係走避既時候跌到爆哂江，人踩人，骨折，D真血滴到周圍都係呀，個負責人就係架離卡卡咁笑! 而且大會請來既First Aid 完全無幫手，不肯行出佢地既位置「個度有人骨折呀!!!」「下，我地唔會離開急救站架wo，你叫佢行唔行到過來啦」個下真係忍唔住屌佢老母，佢地仲要係staff來架!

PS 急救站有人同我講，佢係唔識急救，話過來只係幫下手，「癡塊膠布唔洗牌啦~」

我地每個point 唔係得一明人手架，仲有大會請來既保安，負責執行場規，當有參加者發生踫撞，去分開佢地同埋中止佢地既參加權利，但sorry ，佢地咩都無做過，眼見有人打交，踢人，推人，佢地話「人地比左錢就唔好唔比佢玩，算數啦」，佢都唔幫手，我完全係咩都做唔到!

有參加者Zombie向我投訴，佢地被放入場區，但無人話佢知要企邊，而當佢地問負責人(新加波人)的時候，反被佢大罵，話佢地咩都唔知就入來，無規無舉，事實係我地工作人員都唔知，大家都忙於奔命

活動組織及安排粗糙得很，參加者付費得不到像樣的服務，而大部分維持活動的人，也是付費協助；即是等同一個自行組織的細型團體，只負責事前準備工作和收費，活動時就由你地兩個parties、俾左錢個班人自己搞掂佢

大會有道聲名，將『最主要的問題是昨日超過250名志願者未到場』呢個理由放在第一，顯然是強調大會自己有危機意識，但無諗過你地會咁多人甩低，話多人甩底搞到大會做唔到野，你都只係想話係參加者問題架啦，與大會無關架啦！完全是不負責同無恥的答覆

成個event 由開頭報名，去到每一part，係每一part 都係咁亂，我都唔明ActionX 係世界搞咁多場，香港場真係差爆，不能接受.....

dcdc2004

睇番 facebook 留言, 大會比人插到開花.  

dcdc2004

有冇師兄知道他們的背景?   平均參加者要比 $400,  13,000 人, 總收入有  $5,200,000.  應該有足夠財力去用錢請人幫手.  點解要用 " 志願者 "?  當要有 500 位工作人員, 每人要比 $1,000 車馬費, 也只是 $500,000,  佔總收入不足10%,  駛唔駛賺到盡呀?  

bunbun

fwd:

Run For Your Lives Hong Kong

尊敬的參賽者們，

我們認真閱讀了大家的評論，並就此在我們的內部通報會上專門討論。昨日活動在入場和物品寄存點確實存在排隊時間過長的問題。天氣炎熱更是雪上加霜。

作為大會組織者，如何組織活動顯然是我們的責任。在此我們希望就大家關注的問題，簡單闡述一下事件過程。

首先，最主要的問題是昨日超過250名志願者未到場，人手不足造成活動整體運行效率放緩。在過去新加坡站的Run For Your Lives活動中，我們也有考慮到一定數量報名志願者不能出席當日活動的情況，並為此做了預案，但此次情況遠遠超出了大會的規劃預期。因此直接導致了昨日活動現場志願者工作量增加，人力資源調配緊張。在如此困難的情況下，大會依靠全體工作人員的團結努力，志願者的無私奉獻，完成了超負荷的工作任務，使活動能如期舉行。

其次，大會一直用多種方法來儘量解決排隊時間長的問題。包括曾向排隊區分派水或啤酒，調配志願者去人流量大的物品寄存和入場口，臨時加開物品寄存區域等。在確保公平公正的情況下，儘量加速登記流程。大會在現場所派發的水是免費的，活動現場的供應商飲品價格由供應商自行確定。

再次，出於對防風/颱風的考慮，西九龍場地限制安裝臨時性遮陽棚（釘入地面的除外）。大會曾計畫為防止陰雨天氣安裝防雨棚，也最終因場地規定而取消。

同時，我們對因未遵守規則而對其他參賽者造成困擾的Zombies和Runners表示遺憾。活動前一日相關的規則已通過Email，官方網站通知參賽者。昨日，大會也在現場對Zombies再次進行了規則解說，Runners也會在出發前有規則解說。每個站點Zombies和Runners的互動需要現場工作人員的監控，目前大會正在跟醫護隊伍核實此次活動中受傷的參賽者，我們會逐一跟進。

最後，超過13,000人參加了本次活動，很多參賽者一直留到了末日派對的最後一刻。大會在此對我們辛苦工作的志願者們表示感謝，是你們讓本次活動成行。對於不懼炎熱耐心等候，與我們堅持到底的參賽者們，大會向你們表達萬分的感激。

大會曾經組織過多場活動，並且我們希望繼續做下去。本次活動因不可預計因素，未能達到我們以往的高標準活動體驗，對此，我們尋求參賽者的諒解，並希望大家為我們繼續提供寶貴的意見和建議。

如果有其他問題需要跟進解決，請PM聯絡我們。

謝謝

acghut

yyy55 發表於 2014-9-11 22:03
CHING,果日JOIN埋一齊做

好！不過仲諗緊點樣6點前去到...

yyy55

acghut 發表於 2014-8-3 22:34
剛報名...做工作人員。

CHING,果日JOIN埋一齊做

missredredhead

有無人報咗去玩下？
我同細佬一班朋友一齊去，呢度唔知有無人都會去呢
我又覺得無咩所謂，咪玩一次咁囉都知道唔係真跑㗎啦，哈哈

bunbun

http://hk.apple.nextmedia.com/su ... t/20140905/18854636
蘋果日報        2014-09-05

玩呢啲：美棋BB教你屍奔        

世界各地近年興起特定主題的長跑活動，如The Color Run、Electric Run和Mud Run等，當中冒起得最快的肯定是喪屍長跑。今年10月，這股喪屍病毒終於擴散到香港！女神美棋BB（黃美棋）將扮演逃避喪屍的人類，還教我們如何與她「屍奔」，相信各位宅男喪屍定會變得更瘋狂。記者：臧諾

攝影：陳永威

喪屍長跑（Run For Your Lives）近年風靡歐美，先後於柏林、紐約及邁阿密等二十多個城市舉辦。上半年剛在新加坡及台灣等地完成集體感染，而緊接10月，病毒更會散播至香港西九海濱長廊。主辦單位Action X最近剛公佈香港站共有12個喪屍區及7道關卡，障礙物與外國的大同小異，旨在考驗參賽者的體能與身手。

玩法與規則很簡單，扮演人類的參加者須在腰間縛上3條代表生命值的紅帶，然後跨越水陸兩路的7重關卡，狂奔5公里。一眾喪屍則埋伏於喪屍區，隨時殺出攻擊人類們，奪取腰間生命值。

保住條命

贏生還勳章

喪跑5公里後，如人類能保存腰間生命值帶，將可獲SURVIVOR生還勳章以示獎勵；若最後不幸被喪屍奪去所有生命值，便會受病毒感染，大會會派發INFECTED感染勳章留念，表示此人即將屍變、生人勿近。主辦單位透露，今次賽事將有約11,000個人類，2,000個喪屍，而每個時段的屍人比例都會保持約1:5.5，希望增加人類的倖存機率。

綜觀世界各地喪屍長跑，參加者都會穿上服裝扮鬼扮馬，如有些喪屍會裝扮成喪屍警察、滿身血污的麥當勞叔叔和缺了半塊臉的卡通人物等，被他們追住跑簡直令童年的美好回憶完全破滅。活動當日，只要衣飾夠搶眼，不論你是人或屍皆有機會得到「最佳服飾大獎」。

人多屍少

搵人墊屍底

美棋BB提醒各位人類，如想保存性命，就要等齊其他人類，成群一起衝向喪屍區，屆時人多屍少，人類可利用人數優勢乘亂逃離喪屍區，減低受感染機會。當然亦可約定較重磅、跑得慢的朋友一起出發，讓他們做擋屍牌，全程墊你屍底。

想贏大獎，行cutie路線的人類不妨扮成遊戲《植物大戰殭屍》的食人花；想行型仔路線可扮成《生化危機》的Leon，到時定能風頭盡出。

跑得多渣馬嫌悶，喪屍長跑不失為一個好選擇，但香港站的所有名額早在公開報名的首兩星期被一掃而空。有興趣參加，可留意10月尾的新加坡站、11月的台中站及12月的馬來西亞站，追擊這股屍毒熱潮。

各地喪跑

喪屍長跑障礙賽2011年於美國馬里蘭州首次舉行，隨即風靡全美，喪屍病毒在兩、三年內迅速蔓延至歐亞各地。

港版神秘關卡

港版下月開跑，現只知有繩網陣和迷宮，其餘5關尚未公開。參考新加坡和台北，港版可能出現關卡包括血池和車胎陣等，頗考身手。

Run For Your Lives Hong Kong

地點：西九文化區海濱長廊

日期：10月2日（9am-9pm）

查詢：http://www.runforyourlives.asia/hk

18head

好貴..   海洋公園要俾錢請人扮鬼扮喪屍,
佢就收喪屍錢..  賺到喊~~~

sm_man

一開始本來好有興趣玩, 點知等下等下無晒興趣了...
最後無報

nicolechung

5KM 有12000人, 喪屍唔洗號都捉到LA.

bunbun

報導話 "港首舉辦 料1.2萬人參與"

咁嘅人數, 係咪不少人當係"哈佬喂", 多過當是長跑?

bunbun

http://hk.apple.nextmedia.com/news/art/20140807/18824433
蘋果日報 2014-08-07

喪屍障礙賽洩參加者私隱        

【記者梁御和報道】風靡世界各地的「喪屍障礙賽」（Run For Your Lives）今年10月首次在香港舉行，日前公開接受報名，單日已吸引近8,400人報名，惟網頁卻發生資料外洩事件。有參加者透過官方網頁付款報名後，畫面卻顯示其他參加者的姓名、電話、地址及其緊急聯絡人等個人資料。活動主辦單位解釋是網頁註冊系統出錯，已即時關閉網頁搶修，稱只有少於10人受影響，為此致歉。

10月2日在西九海濱長廊舉行的喪屍障礙賽，周日晚上接受已預先登記人士報名。市民張先生到大會網頁填妥個人資料、再以PayPal付款後，赫然發現畫面上顯示出另一個女參加者的個人資料，包括姓名、手機號碼、地址、甚至是緊急聯絡人的姓名及電話等。

記者根據張先生提供資料，聯絡到被洩漏私隱的郭小姐，她得悉事件後，愕然地指，「咁驚？咁大型嘅比賽點會發生咁嘅事？」她又稱，報名時已察覺網頁不太穩定，身邊朋友甚至「連網頁都上唔到」，對大會安排感失望。

千人fb投訴

稱僅10人受影響

事實上，由周日晚上起，大會的facebook專頁已接獲近千個投訴留言，不少人聲稱遇到同樣情況，報名後顯示出其他參加者的個人資料，其餘大部份人均指網頁「窒吓窒吓」，無法登入報名；大會提供的查詢電郵也一度失靈。

主辦活動的新加坡公司Action X回應指，由於網頁的註冊系統代碼出現錯誤，令部份參加者查看到其他人的登記資料，已即時關閉註冊系統，暫確認只有少於10人受影響，公司並已逐一聯絡有關人士致歉，並免費將他們「升級」為尊貴玩家。該公司又指，自周日晚上開放報名後，網頁在1.5小時內便接獲近2,000個註冊報名，點擊率以百萬計，導致系統暫時性癱瘓，網站關閉搶修後現已重開。

香港互聯網協會網絡保安及私隱小組召集人楊和生解釋，註冊系統代碼是伺服器用以記認用戶身份的代碼，「如果出錯，即係你明明輸入A用戶代碼，佢就喺資料庫搵咗B用戶資料畀你」。他稱，編寫網頁程式初期，經常會出現有關錯誤（Bug），故在網頁「出街」前，一般要先通過用戶測試，將錯誤完全解決，「好明顯係（大會）事前測試做得唔夠嚴謹」。

bunbun

咁好賣 !!!???

感謝香港民眾的熱情，包容和支持，門票已在24小時內售出近7成。
你們的支持是我們RUN FOR YOUR LIVES存在的意義！
我們將於 今晚8月5日晚上10時 再次開放註冊系統，發售剩餘的3,000張活動門票。請點擊 runforyourlivesasia.com/hk 以註冊報名。
謝謝您的耐心等待！